Tramp Suriya və İraqın taleyini Pentaqona həvalə etdi
Tarix: 29.04.2017 | Saat: 00:16:00 | E-mail | Çapa göndər


ABŞ müdafiə nazirinə həmin bölgələrdə hərbi kontingentin sayını müəyyən etmək hüququ verilib

ABŞ prezidenti Donald Tramp müdafiə naziri Ceyms Mettusa İraq və Suriyadakı Amerika qoşunlarının sayını müstəqil şəkildə müəyyən etmək hüququnu həvalə edib. Bunu Pentaqon rəhbərliyi də təsdiq edib. Xatırladaq ki, bu vaxta qədər ABŞ rəhbərliyi “İŞİD”-in fəaliyyətdə olduğu ərazilərdə terror təşkilatına qarşı öz hərbçilərinin sayını artırmaq barədə heç bir plana malik deyildi.
Lakin Trampın Ceyms Mettusa belə bir səlahiyyət verməsi ekspertlər tərəfindən birmənalı qarşılanmır. Həmin ekspertlər hesab edirlər ki, bu qərar ABŞ-ın Suriyadakı bazaya zərbə endirilməsi kimi halların tez-tez baş verməsini asanlaşdıracaq. Bu regionda ABŞ əsgərlərinə rəhbərlik edən Pentaqon səlahiyyətlisi Dana Uayt bildirib ki, prezident Tramp İraq və Suriyada güc səviyyəsinə nəzarət etmək hüququnu müdafiə nazirinə verib: “Lakin regionda olan qüvvələrlə bağlı hər hansı dəyişiklik yoxdur”. Uayt hesab edir ki, ABŞ-ın strategiyasına əsasən terrorçulara qarşı mübarizə yerli qüvvələrlə işbirliyi ilə həyata keçirilir: “Amma əraziyə əlavə qüvvələrin transfer edilməsi komandanlığa daha çevik və effektli mübarizə aparmaq imkanı verəcək”. Məsələnin mahiyyəti burada üzə çıxır. Belə ki, ABŞ bölgədə hərbi iştirakını artırmağa hazırlaşır. Səlahiyyətlərin Pentaqon rəhbərinə verilməsi o deməkdir ki, Pentaqon kontingentin sayını artırmaq üçün Konqresdən heç bir icazə almayacaq, yalnız görülən tədbirlər haqqında hesabat verəcək. Burada narahatlıq yaradan nüanslardan biri də Suriya və İraqdakı ABŞ hərbçilərinin sayı barədə dəqiq məlumatın olmaması ilə bağlıdır. Trampın bu addımı bürokratik maneələrin aradan qaldırılması və Pentaqonun daha çevik reaksiya verməsi üçün atılıb. Məlum məsələdir ki, ABŞ-ın müdafiə orqanları dünyanın odlu nöqtələrindəki hərbçilərinin sayı barədə dəqiq məlumat vermir. Hələ Barak Obamanın prezidentliyi dövründə ABŞ rəsmiləri Suriyaya 500, İraqa isə 5 min hərbiçi göndərdikləri barədə məlumat versələr də, ekspertlər bunu azaldılmış rəqəm kimi dəyərləndirirdilər. Müşahidəçilər qeyd edirlər ki, faktiki sayın açıqlanması İraq və ya Suriyada böyük problemlər yarada bilər. Bu gün bir çox Amerika siyasətçiləri, o cümlədən Milli Təhlükəsizlik Şurası, Senat, Nümayəndələr Palatası üzvləri hesab edirlər ki, Pentaqon Trapm üçün muxtar quruma çevrilib. Bəzi KİV orqanları yazır ki, Tramp Pentaqona Yəmən və Somali kimi ölkələrdə şirkətlər üzərində hərbi nəzarəti genişləndirmək səlahiyyəti də verib.
Ağasəf Babayev




 
Bölməyə aid digər xəbərlər
23.05.2019
İngiltərənin baş naziri Tereza Meyin iddiası
23.05.2019
Әfqanıstanda terror tәşkilatı DEAŞ-a ağır zәrbә endirilib
23.05.2019
Hindistanda qarşıdurma, iki müqavimәtçi öldürülüb
22.05.2019
Çin ABŞ-ı ədalətli mövqe nümayiş etdirməyə çağırdı
22.05.2019
Bişkekdə Şanxay Əməkdaşlıq Təşkilatı Xarici İşlər Nazirləri Şurasının iclası keçirilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Oqtay Zülfüqarovun uşaq mahnıları müasir aranjemanda səslənəcək
5 Şuranın dəstəyilə 13 saylı orta məktəbdə “Diaspor dərsi” keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info