Sənə uğurlar, Murad!
Tarix: 03.05.2017 | Saat: 00:40:00 | E-mail | Çapa göndər


Murad Mustafayev Bakının Nərimanov rayonyndakı MLK - nın (Məktəb, Lisey Kompleksi) IV sinif şagirdidir. Dərs əlaçısıdır. Sinif müəlliməsi Laçın Quliyevanın ən çox fərqləndirdiyi, sevdiyi şagirdlərdəndir. Onun haqqında soruşduqda Laçın müəllimə gülümsəyərək dedi: “Bilirsinizmi, uşaqlar haqqında danışarkən psixoloqlar çox düzgün olaraq deyirlər ki, ümumilikdə insanlar temperamentlərinə görə dörd qrupa bölünsələr də, hər uşağın öz xarakteri, öz temperamenti, yalnız və yalnız özünəməxsus davranış tərzi, xarakterik xüsusiyyətləri vardır.
Düşünürəm ki, onlar tamamilə haqlıdırlar. Doğrudan da hər bir uşağın yalnız və yalnız özünəməxsus davranış xüsusiyyətləri, temperamenti, yaşam tərzi, özünəxas zövqü və s. vardır. Təbiidir ki, biz müəlimlər də öz növbəmizdə hər bir uşağa onun xarakterinə uyğun surətdə yanaşmalı, onların qəlbinə yol tapmağa çalışmalı və onlarda həmişə yaradıcılığa, daha çox öyrənməyə, biliklərin sirlərinə yiyələnməyə cəhd etmək kimi xüsusiyyətləri formalaşdırmağa çalışmalıyıq. Bu baxımdan Murad mən deyərdim ki, tam istisnalıq təşkil edir. Belə ki, IV sinfə keçməsinə baxmayaraq, o, demək olar ki, ingiliscə danışır, kompüterdə sərbəst işləyir, fikrini yaşına uyğun gəlməyəcək dərəcədə səlis, rəvan nitqlə ifadə edir.Onun özünə qarşı tələbkarlığı, daim nəyisə öyrənməyə can atması, başladığı işi başa çatdırmayınca sakitləşməməsi isə onu bütün digər yaşıdlarından fərqləndirir.” Laçın müəllimə ilə söhbətdən o da məlum oldu ki, Murad yaşıdları arasında şahmat yarışlarında, bir qayda olaraq, qalib olur. Çəkdiyi rəsm əsərləri isə sinif otaqlarındakı guşədə xüsusi yer tutur. Məktəbdə ötən il III siniflər arasında keçirilən bilik yarışlarında qalib olmuşdur. Milli Azərbaycan tarixi muzeyində açılış zamanı söylədiyi “Azərbaycan” şeiri iştirakçılar tərəfindən alqışlarla qarşılanmışdır. Az. TV və İTV - də müxtəlif verilişlərdə söylədiyi şerilər tamaşaçılar tərəfindən yüksək səviyyədə qarşılanmışdır.
Murad haqqında onun anası, məktəbin ən qabaqcıl ingilis dili müəllimələrindən biri kimi tanınan Lalə müəllimədən soruşduqda isə o, gülümsünərək dedi: ”Nə bilim, vallah, Muradın evdə ən çox meyil etdiyi sahə texniki qurğularda işləmək, ayrı - ayrı oyuncaqlardan müxtəlif cihazları düzəltməkdir. Televiziyada isə daha çox Diskovery verilişinə baxır. Orada gördüklərini müxtəlif oyuncaqlar vasitəsilə düzəltməyə çalışır. Mənimlə danışanda isə müxtəlif cihaz və əşyaların adlarının ingiliscə necə səsləndiyini soruşur, onların adlarını əzbərləməyə cəhd göstərir. Artıq tədricən ingiliscə fikrini sərbəst ifadə edir.”
Murad haqqında MLK - nın direktoru, filologiya elmləri doktoru, professor, Əməkdar müəllim, Puşkin adına mükafatın laueratı, rus dilinin tədrisində əldə etdiyi nailiyyətlərə görə Rusiya səfirliyinin fəxri fərmanına layiq görülən Qafar müəllim dedi: “Minlərlə şagirdlərimin içində hansınısa seçmək çətindir. Amma Muradı seçirəm. Maraqlı, özünəməxsus, xoşrəftarlı, olduqca mehriban bir uşaq olduğu üçün. Ən böyük arzum: ata - anasına layiq bir övlad olsun.”
Nə deyirik, sonda biz də məktəbin direktoru Qafar müəllimin sözlərinə qoşulub deyirik: “ Murad, biz də sənin ata - anana layiq bir övlad kimi böyüməyini, onların gözlərinə çıraq olmağını arzulayırıq.”
İlqar Heydəroğlu
Bakı şəhəri, Nərimanov rayonu MLK - nın tarix müəllimi, Əməkdar müəllim, “Tərəqqi” medallı, “İlin müəllimi” müsabiqəsinin qalibi




 
Bölməyə aid digər xəbərlər
16.11.2018
Sanqaçal qəsəbə sakinləri ilə növbəti səyyar görüş keçirilib
16.11.2018
Sahil Babayev Şəmkirdə 5 rayonun sakinləri ilə görüşüb
16.11.2018
Birinci qrup ilkin əlillik təyin olunanların sayında azalma 75,8 faizə çatıb
16.11.2018
“Bakı Metropoliteni” işçi axtarır
15.11.2018
110 şəhid hərbi qulluqçu üzrə 135 vərəsəyə birdəfəlik ödəmənin verilməsinə dair qərar qəbul olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10498

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info