ADPU-da “Dayanıqlı inkişaf və təhsil ”mövzusunda seminar keçirilib
Tarix: 03.05.2017 | Saat: 16:12:00 | E-mail | Çapa göndər


Azərbaycan Dövlət Pedaqoji Universitetində (ADPU) xalqımızın ümummilli lideri Heydər Əliyevin anadan olmasının 94-cü ilinə həsr edilən “Dayanıqlı inkişaf və təhsil” mövzusunda seminar keçirilib. Seminarda ADPU-nun rəhbərliyi, Rusiya Dayanıqlı və Qlobal İnkişaf İnstitutunun direktoru, Rusiya Təbiətşünaslıq Akademiyasının və Rusiya Ekologiya Akademiyasının həqiqi üzvü, professor Nizami Məmmədov, universitetin fakültə dekanları, kafedra müdirləri iştirak ediblər. 
Tədbiri giriş sözü ilə açan ADPU-nun rektoru, professor Cəfər Cəfərov seminarın çox aktual bir mövzuya həsr olunduğunu bildirib. Qeyd edib ki, seminarın keçirilməsində məqsəd bu sahədə qabaqcıl dünya təcrübəsinin öyrənilib tətbiq edilməsidir. Müasir dövrümüzdə ətraf mühitin və ekologiyanın mühafizəsi, bəşəriyyətin gələcəyi naminə təbii və intellektual resurslardan qənaətlə və səmərəli istifadə, insan və təbiət arasında inteqrasiya, əhalinin demoqrafiyası və ərzaqla təchizatı, davamlı inkişafda insan amilinin əsas götürülməsi, insanın həyat səviyyəsinin yüksəldilməsi, yaxşı təhsil, sosial ədalət, demokratiya, bəşəri sərmayənin, elm və texnologiyaların inkişafının davamlılığının təmin edilməsi, insan inkişafı indeksi, təhsilə sərmayə qoyulması böyük əhəmiyyət kəsb edir. Dayanıqlı inkişaf məhz bu vacib məqsədlərin həyata keçirilməsinə xidmət edir. Bu məqsədlərin həyata keçirilməsi isə sistemli, koordinasiya və inteqrasiya olunmuş fəaliyyət yolu ilə kompleks tədbirlərin gerçəkləşməsini vacib vəzifə kimi qarşıya qoyur. Hazırda dayanıqlı inkişaf dünya ictimaiyyətinin ən çox diqqət yetirdiyi məsələlərdən biridir. Bu prosesdə dövlət, qeyri-hökumət təşkilatlarının, ictimai birliklərin, kommersiya strukturlarının, eləcə də təhsil müəssisələrinin üzərinə böyük vəzifələr düşür. Rektor çıxışında belə seminarların daha geniş miqyasda keçirilməsinin vacibliyini vurğulayıb. 
Seminarda Tarix və coğrafiya fakültəsinin dekanı, dosent Şahin Pənahov “Dayanıqlı inkişaf: qlobal və milli aspektlər”mövzusunda, Rusiya Dayanıqlı və Qlobal İnkişaf İnstitutunun direktoru, Rusiya Təbiətşünaslıq Akademiyasının və Rusiya Ekologiya Akademiyasının həqiqi üzvü, professor Nizami Məmmədov slayd vasitəsi ilə “Dayanıqlı inkişaf mədəniyyətinin formalaşdırılması dayanıqlı inkişafa keçid kimi” mövzusunda məruzələrlə çıxış ediblər. Qeyd edək ki, dayanıqlı inkişafın məzmun və mahiyyətini, məqsəd və hədəflərini, paradiqma və prioritetlərini, gender bərabərliyini, cəmiyyət və təhsilin vəhdətini, hamı üçün keyfiyyətli təhsil imkanlarının yaradılmasını, şəxsiyyətin təhsil vasitəsi ilə sosial mühitə uyğunlaşmasını, ömürboyu təhsili, dayanıqlı inkişaf sahəsində beynəlxalq əməkdaşlığı, bu sahədə beynəlxalq miqyasda qəbul edilən proqramların ölkələrin milli inkişaf proqramlarına daxil edilməsini və davamlı inkişafda yeni mədəniyyətin formalaşdırılmasını geniş əhatə edən hər iki məruzə böyük maraqla qarşılanıb.
Səmərəli və işgüzar keçən seminarda professor Əzizxan Tanrıverdi, professor İramin İsayev, dosent Razim Abdurazaqov, dosent Zahirəli Sadıxov və başqaları çıxış edərək maraqlı və dəyərli fikirlər səsləndiriblər. 
ADPU-nun rektoru, professor Cəfər Cəfərov tədbirə yekun vuraraq seminar iştirakçılarına fəaliyyətlərini davamlı inkişafın məqsəd və hədəflərinə uyğun qurmağı tövsiyə edib.

Nigar




 
Bölməyə aid digər xəbərlər
18.09.2018
Bu il Azərbaycana 193 ölkədən 1,9 milyon əcnəbi və vətəndaşlığı olmayan şəxs gəlib
18.09.2018
Ağsuda dini ayinlərin qanunazidd icrası faktı aşkarlanıb
18.09.2018
Aeroportda mülki pilotsuz aparatların uçuşlarına Vahid Nəzarət Mərkəzi yaradılır
18.09.2018
Təhlükəsiz avtomobil idarəetmə mövzusunda dəyirmi masa
18.09.2018
“Maarifləndirici tədbirlərin nəticəsi olacaq”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
3 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
4 Aqil Acalov: “İdmançılar qanvermə aksiyalarında aktiv iştirak edəcəklər”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info