Bu addım mədəniyyətlərarası və dinlərarası dialoqda Azərbaycanın mühüm rol oynadığını göstərir
Tarix: 03.05.2017 | Saat: 23:56:00 | E-mail | Çapa göndər


Azərbaycan Prezidenti İlham Əliyevin təşəbbüsü ilə 2017-ci ilin Azərbaycanda “İslam həmrəyliyi ili” elan edilməsi, heç şübhəsiz, çox əhəmiyyətli addımdır. Bu, dövlət başçısının mədəniyyətlərarası və sivilizasiyalararası dialoqun möhkəmlənməsi sahəsində siyasətinin “Bakı prosesi” adlanan istiqamətinə müvafiqdir”. Ərəb Dövlətləri Liqasının (ƏDL) sivilizasiyalararası və dinlərarası dialoq departamentinin direktoru, səfir Samiyə Bebars bu fikri AZƏRTAC-ın xüsusi müxbirinə müsahibəsində söyləyib. S.Bebarsın sözlərinə görə, Azərbaycan dövlətinin multikulturalizm, tolerantlıq və dözümlülük ideyalarının dəstəklənməsinə və inkişaf etdirilməsinə yönəlmiş bu addımı mədəniyyətlərarası və dinlərarası dialoqun möhkəmlənməsində Azərbaycanın mühüm rol oynadığını göstərir. S.Bebars deyib: “Bu, təbidir, ona görə ki, mən özüm də daxil olmaqla, sivilizasiyaların beynəlxalq dialoqu sahəsində mütəxəssislərin çoxunun fikrincə, Azərbaycan rəhbərliyinin böyük səyləri sayəsində Bakı mədəniyyətlərarası və sivilizasiyalararası dialoqun mərkəzinə və paytaxtına çevrilib. Hesab edirəm ki, Azərbaycan Prezidentinin təşəbbüsü Bakının bu istiqamətdə daha əvvəl atdığı addımların məntiqi davamıdır”. ƏDL nümayəndəsi vurğulayıb: ” İslam həmrəyliyi barədə Prezident İlham Əliyevin təşəbbüsü həm də bütün islam dünyasına ünvanlanmış bir mesaj, müxtəlif aktual məsələlərə dair həmrəyliyə, qarşılıqlı anlaşmaya nail olmağın və vahid mövqedən çıxış etməyin zəruriliyi barədə xatırlatmadır. Bu təşəbbüs Azərbaycanın müsəlman ölkələrini birləşdirmək, onların arasında mövcud fikir ayrılıqlarını aradan qaldırmaq , habelə müsəlman ölkələri ilə dünyanın digər ölkələri arasında əlaqələri və əməkdaşlığı möhkəmlətmək istəyini əks etdirir”. Samiyə Bebars Azərbaycanda keçiriləcək IV İslam Həmrəyliyi Oyunları mövzusuna toxunaraq qeyd edib ki, Bakıda İslamiada keçirilməsi növbəti mühüm hadisədir. Bu Oyunlar müsəlman ölkələri üçün idman bayramı olmaqla yanaşı, həm də müsəlman xalqları arasında əlaqələrin və ümumbəşəri dəyərlərin möhkəmlənməsinə şərait yaradacaq. Samiyə Bebars sonda deyib: “Azərbaycanın bu növbəti addımı həmrəylik, əməkdaşlıq və qarşılıqlı anlaşma ruhunun möhkəmləndirilməsinə yönəlib”.




 
Bölməyə aid digər xəbərlər
16.01.2019
Nikola Sturgeon: Brexitlə bağlı yeni referendumun keçirilməsi vacibdir
14.01.2019
“Azərbaycan hər ili əvvəlki ildən daha möhtəşəm uğurlara imza atır”
13.01.2019
Prezident Ermənistandakı böyük problemlərin məhz Sarkisyan rejiminin mahiyyətindən irəli gəldiyini təkzibolunmaz faktlarla sübut etdi
13.01.2019
2019-cu ilin “Nəsimi ili” elan edilməsi Nəsimi ideyaları əsasında azərbaycançılıq təfəkkürünün inkişaf etdirilməsi baxımından çox mühümdür
13.01.2019
Azərbaycanın uğurlu siyasəti Ermənistanın kriminal xunta rejiminin mahiyyətini açıb ortaya qoydu

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10563

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info