ADPU-da Heydər Əliyevin anadan olmasının 94-cü ildönümünə həsr edilmiş tədbir keçirilib
Tarix: 05.05.2017 | Saat: 17:59:00 | E-mail | Çapa göndər


Azərbaycan Dövlət Pedaqoji Universitetinin (ADPU) rəhbərliyi, professor-müəllim heyəti və tələbə kollektivi Fəxri Xiyabanda xalqımızın ümummilli lideri Heydər Əliyevin məzarını ziyarət edib, məzarı önünə əklil qoyub, gül dəstələri düzüb. Xalqımızın görkəmli oftalmoloq alimi, akademik Zərifə Əliyevanın da xatirəsi ehtiramla yad edilib, məzarı önünə gül dəstələri düzülüb. Sonra isə universitetin Böyük Akt zalında ulu öndər Heydər Əliyevin anadan olmasının 94-cü ildönümünə həsr edilmiş tədbir keçirilib. Tədbirdə əvvəlcə Azərbaycanın Dövlət Himni səsləndirilib və ulu öndər Heydər Əliyevin xatirəsi bir dəqiqəlik sükutla yad edilib.
Tədbiri giriş sözü ilə açan ADPU-nun Tədris işləri üzrə prorektoru, professor Malik Cəbrayılov bildirib ki, müstəqil dövlətimizin memarı və qurucusu, ümummilli liderimiz Heydər Əliyevin anadan olmasının 94-cü ildönümü münasibətilə respublikamızda və dünyanın bir çox ölkələrində müxtəlif tədbirlər keçirilir. Bu tədbirlərdə xalqımızın dahi oğlu Heydər Əliyevin xatirəsi yad edilir, idarəçilik və dövlətçilik fəaliyyətinə yüksək qiymət verilir. Qeyd edib ki, xalqımızın zəngin ictimai-siyasi fikir və çoxəsrlik dövlətçilik tarixində Heydər Əliyevin xüsusi yeri və mövqeyi var. Görkəmli siyasi xadim, müdrik dövlət rəhbəri Heydər Əliyev ölkəmizin inkişafı, dövlətimizin gücləndirilməsi, xalqımızın elmi-intellektual səviyyəsinin yüksəldilməsi və dünya miqyasında tanınması üçün səmərəli məqsədyönlü fəaliyyət həyata keçirib. Müstəqil Azərbaycan dahi öndər Heydər Əliyevin şah əsəridir. Azərbaycan Respublikasının Prezidenti cənab İlham Əliyev ulu öndər Heydər Əliyevin müdrik və mütərəqqi siyasətini uğurla davam etdirərək dövlətimizin daha da gücləndirilməsini və beynəlxalq siyasi nüfuzunun yüksəldilməsini təmin edir.
Tədbirdə Türk və Şərqi Avropa xalqları tarixi və tarixin tədrisi metodikası kafedrasının professoru Mais Əmrahov ulu öndər Heydər Əliyevin həyat və fəaliyyəti haqqında məruzə ilə çıxış edib. Professor M.Əmrahov bildirib ki, qüdrətli siyasi xadim, ümummilli liderimiz Heydər Əliyev Azərbaycanı vətəndaş müharibəsindən xilas edərək daxili ictimai-siyasi sabitliyi təmin edib, ölkəmizdə hüquqi, demokratik, dünyəvi dövləti və vətəndaş cəmiyyətini formalaşdırıb. Məhz ümummilli lider Heydər Əliyev Azərbaycanın davamlı və dayanıqlı inkişafını təmin edən düzgün siyasi kursu müəyyən edib və onu böyük məharətlə, uzaqgörənliklə həyata keçirib. Heydər Əliyev öz böyük adı, mütərəqqi fikir və idealları ilə bütün bəşəriyyətin yaddaşına əbədi köçmüşdür. Qədirbilən xalqımız ulu öndər Heydər Əliyevin xatirəsini əziz tutur.
Tədbirdə çıxış edən Ədəbiyyat və onun tədrisi metodikası kafedrasının müdiri, professor Zahid Xəlil, Filologiya fakültəsinin dekanı, professor Buludxan Xəlilov ümummilli lider Heydər Əliyevlə bağlı xatirələrini bölüşüb, “Təhsil millətin gələcəyidir!” deyən Ulu Öndərin həyatımızın bütün sahələrinə, xüsusən də, elm, təhsil və mədəniyyətin inkişafına böyük diqqət və qayğı göstərməsi haqqında maraqlı və məzmunlu çıxışlar ediblər.
Konfransda ulu öndər Heydər Əliyevin həyat və fəaliyyəti ilə bağlı videoçarx göstərilib, tələbə-gənclərin ifasında ədəbi-bədii kompozisiya nümayiş etdirilib.

Nigar




 
Bölməyə aid digər xəbərlər
22.02.2019
Şəhid qazancı...
22.02.2019
Elçin Quliyev: Azərbaycan Sərhəd Mühafizəsi ən müasir döyüş texnikaları, gözətçi gəmiləri ilə təchiz olunub
22.02.2019
Baş prokuror Salyan rayonunda vətəndaşları qəbul edib
22.02.2019
“İrəli” gəncləri “Women rights are human rights” layihəsində
22.02.2019
“Kaspersky Lab”: Azərbaycanda istifadəçilərin 60%-i antivirus quraşdırmaqda maraqlı deyil

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 Əsərləri dünyanın bütün elektron kitabxanalarında yer alan azərbaycanlı yazar
3 ABŞ-da atışma: xəsarət alanlar var
4 Diaspor üzvləri Ümumavropa Qarabağ mitinqinə çağırış edib
5 Londonda Karl Marksın məzarına növbəti dəfə vandal hücumu olub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info