Bolqarıstanın vitse-prezidenti İliana Yotova BSU-da olub
Tarix: 08.05.2017 | Saat: 21:29:00 | E-mail | Çapa göndər


Bolqarıstan Respublikasının vitse-prezidenti xanım İliana Yotova Bakı Slavyan Universitetində olub. Qonağı Azərbaycan Respublikasının Bolqarıstandakı səfiri Nərgiz Qurbanova, Bolqarıstanın Azərbaycandakı səfiri Maya Xristova və digər rəsmi şəxslər müşaiyət edib. Rəsmi qonaq universitetin girişində təntənəli şəkildə duz-çörəklə qarşılanıb, onun şərəfinə universitet tələbələrindən ibarət rəqs ansamblı Bolqarıstan və Azərbaycan rəqsləri ifadə edib.
Sonra nüfuzlu qonağı BSU-nun rektoru, professor Nurlana Əliyeva qəbul edib. O, Azərbaycan Respublikası ilə Bolqarıstanın dostluq əlaqələrinin qədim tarixi olduğunu və bu münasibətlərin tarixin sınaqlarından keçdiyini nəzərə çatdırıb. O, ölkənin birinci xanımı, vitse-prezident Mehriban Əliyevanın təşəbbüsü ilə Heydər Əliyev Fondunun rəhbərliyi altında Bolqarıstanın bir sıra dini-mədəni obyektlərində təmir-bərpa işlərinin aparıldığını, arxeoloji qazıntılara şərait yaradıldığını, azərbaycanlı tələbələrin bolqar dilini, mədəniyyətini öyrəndiyini və bolqar tələbələrin də dilimizi milli-adət ənənələrmizi öyrəndiyini vurğulayıb. BSU-nun rektoru N.Əliyeva xanım İ.Yotovanın gərgin iş qrafikinə baxmayaraq, fürsət tapıb BSU-ya gəlməsini Azərbaycanla Bolqarıstan arasında tarixi-mədəni münasibətlərimizin yeni mərhələdə davamı kimi dəyərləndirib. Universitet barədə qonağa məlumat verən N.Əliyeva Azərbaycan torpaqlarının ermənilər tərəfindən işğala məruz qalması nəticəsində BSU-nun dörd yataqxanasında üçündə Qarabağdan qaçqın düşmüş insanlar yaşadığını bildirib.
Sonra Azərbaycanın Bolqarıstandakı səfiri Nərgiz Qurbanova Qarabağ problemi, torpaqlarımızın işğalı barədə qonağa daha müfəssəl məlumat verərək, problemin həllini üzərinə götürmüş Minsk Qrupunun passiv mövqe tutmasını da diqqətə çatdırıb.
Bolqarıstanın vitse-prezidenti xanım İ.Yotova çıxışında səmimi qarşılanmaya görə rektor Nurlanə Əliyevaya və universitetin tələbə-müəllim heyətinə dərin minnətdarlığını bildirib. O, sonra Azərbaycan Respublikasının müstəqillik qazandıqdan sonra Bolqarıstanla daha intensiv münasibətlər saxladığını bildirərək, dövlətimizin başçısının bu sahədə ciddi işlər gördüyünü qeyd edib. İ.Yotova 10 il deputat kimi AŞPA-da çalışdığını Azərbaycanın yaşadığı Qarabağ probleminə dərindən bələd olduğunu da diqqətə çatdırıb. Vitse –prezident eyni zamanda Avropada, o cümlədən Bolqarıstanda yaşanan miqrant problemlərinə də toxunub.
İ.Yotova BSU-nun Bolqarıstanın ali məktəbləri ilə sıx əlaqə saxlamasından məmnun olduğunu bildirərək, bu əlaqələrin gələcəkdə daha genişlənməsi arzu etdiyini dilə gətirib. O, Bakı Slavyan Universitetinin Bolqarıstan ali məktəbləri ilə qarışılıqlı münasibətlərində xoş məramlı səfir olmağa hazır olduəunu da vurğulayıb.
BSU rəhbərliyi ilə vitse prezident arasında hədiyyə mübadiləsindən sonra qonaqlar universitet rəhbərliyinin müşaiyəti ilə Bolqar dili Tədris və Mədəniyyət Mərkəzində olublar. Vitse –prezident Mərkəzdə saxlanan xatirə kitabına ürək sözlərini yazıb.
Sonra vitse –prezident Akt zalında universitetin tələbə-müəllim heyəti ilə görüşüb. İ.Yotova onları maraqlandıran sualları cavablandırıb.

Fuad




 
Bölməyə aid digər xəbərlər
22.04.2019
Qazaxın Məzəm kəndində düşmən atəşindən qorunmaq üçün istinad divarı çəkilir
22.04.2019
Azərbaycan tarixi üçün vacib mənbə - “Araz şahiddir”
22.04.2019
DGK: “Ölkəyə avtomobil gətirilməsində heç bir məhdudiyyətdən söhbət gedə bilməz”
22.04.2019
“Həyat naminə qan ver” aksiyası keçirilib
22.04.2019
KİV nümayəndələri üçün seminar keçirilib

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10757

1 Tarixin ibrət dərsləri...
2 Ramiz Mehdiyevin sərəncamı ilə tədbirlər planı təsdiqləndi
3 Azərbaycanlı həkim-yazıçı Rusiya Yazıçılar İttifaqına üzv olub
4 “Azərbaycan dilinin Orfoqrafiya Normaları” təsdiq edilib
5 Gülnar Səmanın kitabının təqdimatı keçiriləcək


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info