ABŞ-da Azərbaycanın mədəniyyətlərarası dialoqda rolu vurğulanıb
Tarix: 10.05.2017 | Saat: 16:53:00 | E-mail | Çapa göndər


Nyu-Yorkda İslam Əməkdaşlığı Təşkilatı (İƏT) Qrupunun səfirlər səviyyəsində iclası keçirilib.
İclasda BMT-nin baş katibi Antonio Quterreş brifinqlə çıxış edib və təşkilatlar arasında əməkdaşlığın inkişafı üzrə prioritet sahələr barədə danışıb.
Brifinqdən sonra baş katib ilə İƏT-in üzv dövlətləri arasında interaktiv dialoq keçirilib. Dialoqda Azərbaycan, Mərakeş, Pakistan, Banqladeş, Fələstin, Səudiyyə Ərəbistanı, Əlcəzair, Cibuti, İndoneziya, Misir, İran, Malayziya, Türkiyə, İordaniya və Nigeriya nümayəndələri iştirak ediblər. İƏT-ə üzv ölkələr BMT-nin baş katibi tərəfindən müəyyən olunmuş prioritetləri müsbət qiymətləndirib, təşkilat üçün maraq kəsb edən sahələrdə əməkdaşlığın inkişafı üzrə təkliflərini və tövsiyələrini veriblər.
Azərbaycan Respublikasının BMT yanında daimi nümayəndəsi Yaşar Əliyev sülh və təhlükəsizliyin qorunmasında İƏT-in rolu üzrə Azərbaycanın təşəbbüsü və sədrliyi ilə keçirilmiş BMT Təhlükəsizlik Şurasının 2013-cü il 28 oktyabr tarixli iclasının önəmini diqqətə çatdırıb. Bildirilib ki Təhlükəsizlik Şurasının sədrinin bəyanatında digər məsələlərlə yanaşı, münaqişələrin BMT Nizamnaməsi və Təhlükəsizlik Şurasının müvafiq qətnamələrinə uyğun həllinin təşviq edilməsində sözügedən təşkilatların ümumi məqsədləri bölüşdüyü vurğulanıb.
Səfir Yaşar Əliyev, həmçinin diqqətə çatdırıb ki, Azərbaycan coğrafi, tarixi, mədəni baxımdan mədəniyyətlərarası dialoqun keçirilməsi üçün mərkəzə çevrilib, ölkəmizin ev sahibliyi etdiyi BMT-nin Sivilizasiyalar Alyansının VII Qlobal Forumu, Mədəniyyətlərarası Dialoq Forumu, Humanitar Forum və digər mötəbər tədbirlər dialoqun inkişafına konkret töhfələr verir. Azərbaycanda tarixən mövcud olan multikultural mühitin və həmrəylik mədəniyyətinin daha da inkişaf və təbliğ etdirilməsi məqsədilə 2016-cı il Azərbaycanda “Multikulturalizm İli”, 2017-ci il isə “İslam Həmrəyliyi İli” elan olunub.
İclasın ikinci hissəsində cari ilin 12-22 may tarixlərində Azərbaycanda keçiriləcək IV İslam Həmrəyliyi Oyunları ilə bağlı İƏT-in üzv dövlətləri üçün təqdimat keçirilib.
Səfir Yaşar Əliyev İslam Həmrəyliyi Oyunlarının “Həmrəylik bizim gücümüzdür” şüarı altında keçirildiyini və bunun təkcə idman tədbiri deyil, eyni zamanda, İƏT-in üzv dövlətləri, xüsusilə İƏT gəncləri arasında dialoq və dözümlülüyün təşviqinə vəsilə olacağını vurğulayıb. Daha sonra “Bakı-2017” IV İslam Həmrəyliyi Oyunları haqqında ətraflı məlumat verilib. Qeyd edilib ki, İslam dünyasını birləşdirən maraqlı, çoxnövlü idman tədbiri olan “Bakı-2017”də 57 ölkədən 5 minədək atletin iştirakı nəzərdə tutulub. Müsəlman ölkələrini təmsil edən idmançılar on gün ərzində idmanın 20 növü (24 kateqoriya) üzrə mübarizə aparacaqlar və Bakıdakı Oyunlar televiziya vasitəsilə 58 ölkədə canlı yayımlanacaq.
Sonda IV İslam Həmrəyliyi Oyunlarına həsr olunmuş videoçarx nümayiş etdirilib və BMT-dəki İslam Əməkdaşlığı Təşkilatının üzv ölkələrinin səfirlərinə xüsusi bukletlər təqdim olunub.
Tural




 
Bölməyə aid digər xəbərlər
19.02.2019
İtaliyanın keçmiş baş nazirinin valideynləri ev dustaqlığına məhkum olunublar
19.02.2019
Çin kosmosda günəş elektrostansiyası tikəcək
19.02.2019
Binəli Yıldırım istefaya gedib
19.02.2019
Boliviyada yük maşını ilə avtobus toqquşub
18.02.2019
Britaniya parlamenti: “Sosial media tənzimlənməlidir”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10602

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Vzqlyad.ru”: “Nazarbayev və Əliyev türk-islam dünyasının lideri roluna ən aktiv iddiaçılardır”
4 “Əsas oxucu kütləsi sayılan gənclər bu gün internet mediaya daha çox üstünlük verirlər”
5 Qabaqcıl texnologiyalar dövründə ənənəvi və internet medianın inkişafı


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info