Gənc alimlərin potensialından daha çox istifadə edilməlidir
Tarix: 22.04.2013 | Saat: 22:35:00 | E-mail | Çapa göndər


Azərbaycan Milli Elmlər Akademiyasının (AMEA) İnformasiya Texnologiyaları İnstitutunda tədqiqatçılar üçün “Beynəlxalq elmi jurnalların tələbləri” mövzusunda təlim seminarı keçirilib. Seminar “Springer” nəşriyyatı, Azərbaycan prezidenti yanında Elmin İnkişaf Fondu və AMEA İnformasiya Texnologiyaları İnstitutunun birgə təşkilatçılığı ilə baş tutub.
Tədbirdə çıxış edən AMEA İnformasiya Texnologiyaları İnstitutunun direktoru Rasim Əliquliyev bildirib ki, müasir dövrdə dünya elminə inteqrasiya digər tədbirlərlə yanaşı, elmi araşdırmaların dünya səviyyəsində aparılmasını, elmi əsərlərin istinad indeksli jurnallarda dərcini və bu sahədə beynəlxalq əlaqələrin davamlılığını tələb edir. Onun sözlərinə görə, “Azərbaycan Respublikasında 2009-2015-ci illərdə elmin inkişafı üzrə Milli Strategiya”nın da əsas hədəflərindən biri mühüm elmi-tədqiqat nəticələrinin əldə olunması və təbliğində böyük imkanlara malik olan beynəlxalq elmi bazaların imkanlarından geniş istifadədir: “Alimlərin mühüm kəşflərinin, elmi nəticələrinin təbliğində böyük əhəmiyyət kəsb edən elmi bazalarla əməkdaşlıq bu gün elmi-tədqiqat institutlarının qarşısında duran əsas vəzifələrdəndir. Son illər Azərbaycan alimlərinin beynəlxalq elm aləmində təmsil olunması üçün “Springer”, “Elsevier”, “İEEE”, “Tomson Reuters” kimi nüfuzlu təşkilatlarla əməkdaşlıq əlaqələri qurulur. Lakin bununla kifayətlənmək lazım deyil və bu əlaqələr daha da inkişaf etdirilməlidir”. Prezident yanında Elmin İnkişafı Fondunun icraçı direktoru Elçin Babayev qeyd edib ki, alimlərin beynəlxalq əməkdaşlığı olmadan Azərbaycan elminin dünyada tanınmasından söhbət gedə bilməz. Onun sözlərinə görə, bu gün Azərbaycanda kifayət qədər gənc alim var və onlar yaşlı alimlərdən bir sıra xüsusiyyətlərinə görə nisbətən fərqlənirlər: “Biz də alimlərin beynəlxalq aləmdə təmsil olunması üçün heç bir fərq qoymadan dəstək göstərməyə hazırıq. Lakin gənc alimlərə ikiqat kömək göstərilir. Çünki bu gün beynəlxalq əlaqələri inkişaf etdirmək üçün gənclərin potensialından daha çox istifadə edilməlidir”. “Springer” nəşriyyatının Türkiyə, Qafqaz və Mərkəzi Asiya ölkələri üzrə direktoru Sıtkı Aktaş, Orta Şərq ölkələri üzrə redaktoru Kris Bendal və digər qonaqlar çıxış edərək Azərbaycanın elmi müəssisələrinin “Springer” xidmətlərindən səmərəli istifadəsinin təmini, beynəlxalq elmi jurnallarda dərc olunacaq məqalələrə qoyulan tələblər və digər məsələlər barədə məlumat veriblər. Bundan əlavə, yüksək keyfiyyətli məqalələrin hazırlanması, alimlərin tədqiqatlarının, innovativ nəticələrinin təbliği kimi mükəmməl imkanlar barədə qarşılıqlı fikir mübadiləsi aparılıb.




 
Bölməyə aid digər xəbərlər
17.08.2019
Leyla Əliyeva Müslüm Maqomayevin məzarını ziyarət edib
17.08.2019
Dövlət Gömrük Komitəsi şirkətlərdən imtahan götürür
16.08.2019
Rusiya və İran hərbi gəmiləri Bakı limanını tərk edib
16.08.2019
İqtisadiyyat nazirinin müavini Masallıda vətəndaşları qəbul edib
16.08.2019
Eldar Sultanov: İntiharlarla bağlı xəbərlərin KİV-də yayılması insanların, xüsusilə gənclərin psixologiyasına mənfi təsir göstərir

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10858

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
4 Azərbaycana qarşı casusluq edən 128 nəfər aşkar edilib
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info