Fərdi jurnalist yazıları müsabiqəsinin nəticələri açıqlanıb
Tarix: 12.05.2017 | Saat: 00:43:00 | E-mail | Çapa göndər


Prezident yanında Kütləvi İnformasiya Vasitələrinin İnkişafına Dövlət Dəstəyi Fondu və Azərbaycan Respublikasının Standartlaşdırma, Metrologiya və Patent üzrə Dövlət Komitəsinin birgə təşkil etdikləri "Keyfiyyət infrastrukturunun inkişafı rəqabətədavamlı ixrac məhsulları istehsalının vacib amilidir" mövzusunda fərdi jurnalist yazıları müsabiqəsinin nəticələri açıqlanıb, qaliblər mükafatlandırılıblar.
Tədbirdə Standartlaşdırma, Metrologiya və Patent üzrə Dövlət Komitəsinin sədri Ramiz Həsənov, Fondun icraçı direktoru Vüqar Səfərli, habelə ölkənin 20-dək aparıcı kütləvi informasiya vasitələrinin rəhbərləri və qalib jurnalistlər iştirak ediblər.

Tədbiri giriş sözü ilə açan Fondun icraçı direktoru Vüqar Səfərli Azərbaycanın bu günlərdə böyük bayram sevinci yaşadığını, ölkəmizin IV İslam Həmrəyliyi Oyunlarının rəsmi açılış mərasimi ərəfəsində olduğunu xatırladıb. Bu əlamətdar hadisə münasibətilə qonaqları və media təmsilçilərini təbrik edən icraçı direktor mötəbər idman tədbirinin yerli və beynəlxalq ictimaiyyətə dolğun şəkildə çatdırılması baxımından medianın da üzərinə mühüm vəzifələrin düşdüyünü vurğulayıb.
V.Səfərli bildirib ki, Fond fəaliyyət göstərdiyi 8 il müddətində fikir, söz və məlumat azadlıqlarının genişləndirilməsi, kütləvi informasiya vasitələrinin maddi-texniki bazasının möhkəmləndirilməsi, jurnalistlərin peşəkarlığının artırılması, yaradıcı əməyinin stimullaşdırılması və sosial müdafiəsinin gücləndirilməsi məqsədinə xidmət edən çoxsaylı layihələr həyata keçirib. İcraçı direktor, həmçinin mərkəzi və yerli icra hakimiyyəti orqanları ilə qarşılıqlı faydalı əməkdaşlığın genişləndirilməsinin Fondun fəaliyyətində başlıca istiqamətlərdən biri olduğunu qeyd edib. Vüqar Səfərli bu məqsədlə mütəmadi olaraq dövlət qurumları ilə birgə konfrans və müsabiqələrin təşkil olunduğunu vurğulayıb. Son illər ölkədə qeyri-neft sektorunun və sahibkarlığın inkişafı məqsədilə ardıcıl islahatlar həyata keçirildiyini diqqətə çatdıran Vüqar Səfərli biznes mühitinin daha da yaxşılaşdırılması, rəqabətədavamlı məhsulların istehsalının və ixracının genişləndirilməsində Standartlaşdırma, Metrologiya və Patent üzrə Dövlət Komitəsinin də mühüm xidmətlərinin olduğunu vurğulayıb. Vüqar Səfərli bildirib ki, Komitə ilə birgə keçirilən müsabiqənin məqsədi qeyri-neft ixrac potensialının yüksəldilməsində keyfiyyət infrastrukturu sahələrinin rolunun dolğun və obyektiv şəkildə ictimaiyyətə çatdırılmasında jurnalist əməyini stimullaşdırmaq, habelə jurnalistlərin bu sahədə peşəkarlıqlarını artırmaq olub.
Vüqar Səfərli 2017-ci il yanvarın 26-dan aprelin 14-dək davam edən müsabiqəyə 31 kütləvi informasiya vasitəsindən 48 yazının təqdim edildiyini, yazıların 4 ekspert tərəfindən qiymətləndirildiyini diqqətə çatdırıb: "Müsabiqədə 6 nəfər əsas, 10 nəfər həvəsləndirici mükafata layiq görülüb. I yer üçün bir nəfər olmaqla 1000, II yer üçün 2 nəfər olmaqla 800, III yer üçün 3 nəfər olmaqla 600 manat mükafat nəzərdə tutulub. Habelə 10 nəfər jurnalistin hər biri 200 manat məbləğində olmaqla həvəsləndirici mükafatlara layiq görülüblər". İcraçı direktor daha sonra komitənin fəaliyyəti barədə məlumat vermək üçün sözü Standartlaşdırma, Metrologiya və Patent üzrə Dövlət Komitəsinin sədri Ramiz Həsənova verib. Standartlaşdırma, Metrologiya və Patent üzrə Dövlət Komitəsinin sədri Ramiz Həsənov komitənin fəaliyyəti haqqında geniş məlumat verərək Azərbaycanda keyfiyyət infrastrukturunun formalaşması və inkişafı istiqamətində ardıcıl islahatların aparıldığını bildirib. Prezidentin 10 fevral 2017-ci il tarixli fərmanını xatırladan komitə sədri qeyd edib ki, həmin Fərmana əsasən keyfiyyət infrastrukturunun əsas istiqamətləri olan standartlaşdırma, metrologiya və akkreditasiya, o cümlədən patent hüququ obyektlərinin mühafizəsi sahələrində idarəetmə təkmilləşdirilib, beynəlxalq tələblərə uyğun olaraq yeni publik hüquqi şəxslər təsis edilib. Avropalı ekspertlərlə birgə hazırlanmış "Texniki tənzimləmə haqqında" Qanun layihəsi üzərində işin yekunlaşdığını və aidiyyəti üzrə təqdim olunduğunu deyən Ramiz Həsənov qanunun qəbulundan sonra ölkədə istehsal olunan məhsulların təhlükəsizlik tələblərinin texniki reqlamentlərlə, keyfiyyət parametrlərinin isə standartlarla tənzimlənəcəyini deyib.
Metrologiya sahəsində milli etalon laboratoriyalarının bundan sonra da qurulacağını deyən komitə sədri etalonların ölçmələrin vəhdətinin təmin edilməsi sahəsində dövlət siyasətinin həyata keçirilməsində mühüm əhəmiyyət daşıdığını xüsusi qeyd edib. Uyğunluğun qiymətləndirilməsi sahəsində akkreditasiya nəticələrinin beynəlxalq ticarətdə tanınması, verilmiş sertifikat və laboratoriya protokollarının xarici ölkələrdə qəbul edilməsi məqsədilə də işlər aparılmaqdadır. Komitə sədrinin sözlərinə görə, qeyri-neft ixrac potensialının gücləndirilməsi və ticarətdə texniki maneələrin aradan qaldırılması ilə bağlı Prezidentin hökumət qarşısında qoyduğu vəzifələri icrası baxımından akkreditasiya proseslərinin xaricdə tanınmasına nail olmaq mühüm əhəmiyyət kəsb edir. Bu məqsədlə ölkəmizin Avropa Akkreditasiya Qurumuna üzvlüyü ilə bağlı müraciət edildiyini deyən R.Həsənov bununla bağlı yaxın günlərdə görüşün keçiriləcəyini deyib. Ramiz Həsənov komitənin fəaliyyət sahələrinin ictimaiyyət tərəfindən tanıdılmasında və keyfiyyət infrastrukturunun inkişaf etdirilməsində kütləvi informasiya vasitələrinin rolunu da xüsusi vurğulayıb. O bildirib ki, vətəndaş cəmiyyəti quruculuğunda nailiyyətlər qazanmış ölkəmizdə medianın sərbəst və dövlət hakimiyyətindən asılı olmayan fəaliyyətinin təmin edilməsi istiqamətində xeyli işlər görülüb və bu siyasət davam etdirilir. Dövlət başçısının rəhbərliyi altında dövlət tərəfindən media vasitələrinin iqtisadi cəhətdən özünü təmin etməsinə hesablanmış çox vacib addımlar atılıb.
Dövlət qurumları ilə medianın sıx əməkdaşlığını vacib hesab edən komitə sədri Prezident yanında Kütləvi İnformasiya Vasitələrinin İnkişafına Dövlət Dəstəyi Fondunun bu sahədə böyük təcrübəsinin olduğunu bildirib. Ramiz Həsənov Fondun Standartlaşdırma, Metrologiya və Patent üzrə Dövlət Komitəsi ilə birgə elan etdiyi fərdi jurnalist yazıları müsabiqəsinin Azərbaycanda qeyri-neft ixracının təşviqinə, keyfiyyət infrastrukturunun inkişafına və bu sahənin ictimaiyyət arasında təbliğinə müsbət nəticələrini verəcəyini qeyd edib. O, həmçinin qeyd edib ki, müsabiqə müddətində onlarla məqalələr dərc edilib, komitənin fəaliyyət istiqamətlərinin mövcud vəziyyəti araşdırılıb, mütəxəssislərdən müsahibələr alınıb və təkliflər verilib.
R.Həsənov qurumun media ilə əlaqələrinin inkişafına verdiyi töhfəyə görə Fondun rəhbərliyinə, eləcə də müsabiqədə iştirak edən jurnalistlərə təşəkkürünü bildirərək belə müştərək layihələrin gələcəkdə də davam etdiriləcəyini vurğulayıb. Müzakirələr zamanı çıxış edən Milli Məclisin deputatı, "Yeni Azərbaycan" qəzetinin baş redaktoru Hikmət Məmmədov, "Bakı-Xəbər" qəzetinin baş redaktoru Aydın Quliyev, "Xalq Cəbhəsi" qəzetinin baş redaktoru Elçin Mirzəbəyli qlobal maliyyə böhranı şəraitində Azərbaycanda qeyri-neft sektorunun inkişaf etdirilməsi və rəqabətədavamlı ixrac məhsulları istehsalı baxımından keyfiyyət infrastrukturu sahələrinin müstəsna rolunu qeyd ediblər. Çıxışlarda keçirilən birgə müsabiqənin medianın və ümumilikdə ictimaiyyətin Standartlaşdırma, Metrologiya və Patent üzrə Dövlət Komitəsinin fəaliyyəti ilə daha yaxından tanış olmaları, eləcə də jurnalistlərin sosial vəziyyətinin yaxşılaşdırılması və yaradıcı əməyinin stimulaşdırılması baxımından əhəmiyyəti xüsusi vurğulanıb. Sonra müsabiqənin qaliblərinə diplom və mükafatlar təqdim edilib. Tədbiri yekunlaşdıran icraçı direktor Vüqar Səfərli qalibləri təbrik edərək media ilə səmərəli əməkdaşlığa görə Standartlaşdırma, Metrologiya və Patent üzrə Dövlət Komitəsinin rəhbərliyinə təşəkkürünü bildirib və belə müştərək layihələrin gələcəkdə də davam etdiriləcəyini vurğulayıb.
Anar




 
Bölməyə aid digər xəbərlər
20.11.2018
Gömrükçülər narkotik vasitə aşkarlayıb
20.11.2018
NDU-da YAP-ın yaradılmasının 26-cı ildönümü ilə bağlı konfrans keçirilib
19.11.2018
“İrəli”nin keçirdiyi intellektual yarışların Aran və Gəncə-Qazax üzrə qalibləri müəyyənləşib
19.11.2018
Paytaxtın 2 rayonunda iməclik keçirilib
18.11.2018
Ölkəmizin on şəhər və rayonunun məktəbliləri Lənkərana gəliblər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info