İğdırda etiraz mitinqi keçirilib
Tarix: 22.04.2013 | Saat: 23:06:00 | E-mail | Çapa göndər


Beynəlxalq Diaspor Mərkəzi (BDM) və Dünya Azərbaycanlıları Konqresinin (DAK) nümayəndə heyəti Türkiyə Cümhuriyyətinin İğdır vilayətinə səfər edib. BDM mətbuat xidmətindən verilən məlumata görə, öncə İğdırda yerləşən soyqırıms abidəsi ziyarət olunub.
Daha sonra BDM, DAK və Əsilsiz Erməni İddiaları ilə Mübarizə Dərnəyinin (ASİM-DER) birgə təşkilatçılığı ilə İğdırın Əlican kəndində Əlican sərhəd-keçid məntəqəsi önündə qondarma “erməni soyqırımı”na etiraz olaraq mitinq keçirilib. Çox sayda sadə vətəndaşın, eləcə də İğdırda və Qarsda fəaliyyət göstərən QHT və diaspor təşkilatlarının nümayəndələrinin iştirak etdiyi mitinqdə yalançı “erməni soyqırımı”nın ermənilərin uydurması olduğu bəyan edilərək 1915-1918-ci illərdə ermənilərin türklərə qarşı törətdiyi soyqırımına diqqət çəkilib. Mitinqdə çıxış edən BDM sədri İsmayıl Ağayev bunun Əlican sərhəd-keçid məntəqəsində keçirdikləri ikinci etiraz mitinqi olduğunu vurğulayıb: “Bu ermənilərə dəfələrlə demişik, yenə də deyirik - Qarabağla, İrəvan bizimdir, əl çəkin bu saxta torpaq iddialarınızdan. İrəvanın sahibi olaraq illərlə bu torpaqları sizə kirayə vermişik. Ancaq artıq bu zaman bitib. Qarabağı azad edəcəyik və növbəti hədəfimiz İrəvan olacaq”. Daha sonra çıxış edən ASİM-DER başqanı Göksəl Gülbəy 1915-1918-ci illərdə ermənilərin türklərə qarşı törətdikləri soyqırımına diqqət çəkərək, erməni diasporunun 24 apreldə yalançı “erməni soyqırımı”nı dünyaya sırımağa, özəlliklə Avropa və ABŞ siyasətçilərini sıxışdırıb bunu qəbul etdirməyə çalışmasına etiraz olaraq bu mitinqi keçirdiklərini bildirib: “1915-1918-ci illərdə bu bölgələrdə və 1992-ci ildə Xocalıda ermənilər tərəfindən törədilən soyqırımını görməzliyə vuran dünya birliyinə səslənirəm. Ermənilərin türk millətinə qarşı törətdikləri soyqırımılara, vəhşiliyə qarşı səssiz qalmayın, türk millətinə qarşı edilən bu haqsızlığa göz yummayın artıq”. Sonda “erməni soyqırımı”na etiraz olaraq Ermənistan prezidenti Serj Sərkisyanın maketi yandırılıb.




 
Bölməyə aid digər xəbərlər
20.11.2018
Qətərdə regionun ultramüasir klinikası açılıb
19.11.2018
Putin:“Türk axını” tamamlandıqdan sonra Rusiya-Türkiyə enerji əməkdaşlığı daha da güclənəcək”
18.11.2018
Bolqarıstanı kütləvi etiraz aksiyaları bürüyüb
17.11.2018
Rusiyadan Ermənistana gedən magistralda 600-ə yaxın avtomobil qalıb
17.11.2018
Suriyada uşaqlardan ibarət terrorçu dəstələr yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info