İƏT ölkələri “Gənclər zirvəsi”nin Bakı Bəyannaməsi qəbul olunub
Tarix: 12.05.2017 | Saat: 19:07:00 | E-mail | Çapa göndər


Bakıda İslam Əməkdaşlıq Təşkilatının (İƏT) müvafiq qərarı, Gənclər və İdman Nazirliyi və Dialoq və Əməkdaşlıq uğrunda İslam Konfransı Gənclər Forumunun təşkilatçılığı ilə 35 ölkəni təmsil edən gənclərin iştirakı ilə “Fəaliyyətdə həmrəylik” şüarı altında keçirilən “İƏT modeli gənc liderlər zirvəsi”nin bağlanış və mükafatlandırma mərasimi keçirilib. İslam ölkələrinin iqtisadi inteqrasiyası, islamofobiya və radikalizmə qarşı yaradıcı üsullarla mübarizə, münaqişə zonalarında insan haqlarının müdafiəsi və s. məsələləri əhatə edən Gənclik Zirvəsində İƏT-in 35 üzv ölkəsinin 70-ə yaxın universitetindən seçilmiş təxminən 100 gənc lider, beynəlxalq təşkilatların rəhbərləri, üzv ölkələrdən gəlmiş nüfuzlu elm xadimləri, BMT-nin nümayəndələri, dövlət qurumlarının təmsilçiləri iştirak ediblər. Tədbirin sonuncu günündə müzakirələrin nəticəsi olaraq, yekun qətnamələr qəbul edilib, iştirakçılara və simulyasiya sessiyalarının qaliblərinə müvafiq sertifikatlar və qiymətli hədiyyələr təqdim edilib. Bundan başqa, Beynəlxalq İƏT modelin təqdimatı keçirilib, İƏT modeli gənc liderlər zirvəsinin qəbul etdiyi Bakı Bəyannaməsi elan olunub. Gənclər zirvəsinin sessiyalarında iştirakçılar Xocalı soyqırımına qlobal miqyasda hüquqi-siyasi qiymət verilməsi, Rohinya münaqişəsi qurbanlarının insan haqlarının qorunması, islamofobiyaya qarşı mübarizə məsələləri ilə bağlı müvafiq qətnamələr qəbul ediblər. Xocalıya həsr olunmuş sessiyada beynəlxalq iştirakçılar İƏT Gənclər Forumunun Mədəniyyətlərarası Dialoq üzrə baş əlaqələndiricisi Leyla Əliyeva tərəfindən irəli sürülən “Xocalıya ədalət!” kampaniyası humanitar problemlərin sivilizasiyalararası dialoq aspektindən tanıtdırılması istiqamətində nümunəvi təşəbbüs kimi qiymətləndirilib.
Sammitin beynəlxalq münsiflər heyətinin qərarına əsasən İndoneziyanı (birinci yer), Fələstini (ikinci yer) və Kamerunu (üçüncü yer) təmsil edən komandalar Beynəlxalq İƏT modelinin qalibləri elan olunub. Azərbaycanı təmsil edən komanda isə xüsusi mükafatla təltif edilib.
“İƏT Modeli” Gənc Liderlər Zirvəsinin təntənəli bağlanış mərasimində İslam Əməkdaşlıq Təşkilatının baş katibi Yusif Əl-Osayminin müraciəti oxunub.
Çıxış edənlər belə tədbirlərin İslam ölkələrinin həmrəyliyinin və əməkdaşlığının möhkəmlənməsinə, gənclərin intellektual inkişafına və əlaqələrinin genişlənməsinə töhfə verdiyini vurğulayılar.
Tədbirin sonunda Gənclər Zirvəsi tərəfindən qəbul olunmuş Bakı Bəyannaməsində İƏT ölkələrinin gələcək inkişafı, davam edən münaqişələrin həlli, müasir çağırışlara müsəlman ölkələrinin verəcəyi cavablar, radikalizm və ekstremizmin aradan qaldırılması yolları göstərilib, bu kontekstdə İslam ölkələrinin həmrəyliyinə inam qeyd olunub. Bəyannamədə, eyni zamanda, Bakıda keçirilən IV İslam Həmrəyliyi Oyunları və bu Oyunlar ərəfəsində gənclik proqramı olaraq İƏT ölkələri Gənclik Zirvəsinin təşkili Azərbaycan dövləti və rəhbərliyi tərəfindən İslam ölkələrinin həqiqi həmrəyliyinə nail olmaq istiqamətində mühüm addım kimi qiymətləndirilib.
Tural




 
Bölməyə aid digər xəbərlər
26.06.2019
“Rossiyskaya qazeta” rusiyalı turistləri Azərbaycana dəvət edir
26.06.2019
“Danışır Xocalı” sənədli filminə ictimai baxış keçirilib
25.06.2019
“Narkomaniyaya qarşı mübarizədə gənclərin rolu” mövzusunda tədbir keçirilib
25.06.2019
Şirməmməd Ağaməmməd oğlu Hüseynov
25.06.2019
Gənclər üçün festivalın növbəti ünvanı Quba şəhəri olub

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10815

1 Yeni naziri kollektivə Ramiz Mehdiyev təqdim etdi
2 Əli Nağıyev DTX rəisi təyin edildi
3 Heydər Əliyev və bələdiyyələr
4 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
5 Vilayət Eyvazov daxili işlər naziri təyin edilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info