“Azərbaycan-Pakistan əlaqələri sınaqdan keçmiş möhkəm əsaslar üzərində qurulub”
Tarix: 12.05.2017 | Saat: 19:07:00 | E-mail | Çapa göndər


Pakistan Xarici İşlər Nazirliyinin İslamabaddakı Strateji Tədqiqatlar İnstitutunda Pakistanla Azərbaycan və Mərkəzi Asiya ölkələri arasında diplomatik münasibətlərin qurulmasının 25-ci ildönümü ilə əlaqədar “Pakistanın Mərkəzi Asiya respublikaları və Azərbaycan ilə əlaqələri: Perspektivlər və çağırışlar” adlı seminar keçirilib.
Seminarda Pakistanın xarici işlər katibi Təhminə Janjua, Azərbaycanın və Mərkəzi Asiya ölkələrinin Pakistandakı səfirləri, mütəxəssislər, ictimaiyyətin nümayəndələri və media mənsubları iştirak ediblər.
Tədbirdə çıxış edən xanım T.Janjua Pakistanın Azərbaycan və Mərkəzi Asiya ölkələri ilə əlaqələrinin mühüm əhəmiyyət kəsb etdiyini, münasibətlərin dərin mədəni və tarixi köklərə bağlı olduğunu söyləyib. O, ikitərəfli münasibətlərin inkişafında qarşılıqlı səfərlərin vacib rol oynadığını diqqətə çatdırıb.
Xarici işlər katibi Pakistanla Azərbaycan və Mərkəzi Asiya ölkələri arasında münasibətlərin genişləndirilməsində regional bağlantının və iqtisadi əməkdaşlığın mühüm faktor olduğunu bildirib, bu istiqamətdə araşdırma və təşəbbüslərin davam etdirildiyini deyib.
Ölkəmizin Pakistandakı səfiri Əli Əlizadə Azərbaycan-Pakistan əlaqələrinin sınaqdan keçmiş möhkəm əsaslar üzərində qurulduğunu, əməkdaşlığımızın dostluq və qardaşlıq telləri ilə bağlı olduğunu söyləyib. O, Pakistanın Azərbaycanın müstəqilliyini tanıyan ilk dövlətlərdən olduğunu, ölkəmizin müstəqilliyinin çətin vaxtlarında, Azərbaycanın erməni terrorizmi və müharibə ilə üzləşdiyi zamanda Pakistanın Azərbaycana öz dəstəyini göstərdiyini və bunun unudulmadığını bildirib.
Səfir Pakistanın daim Ermənistanın işğalçılıq siyasətini qınadığını və bu günədək Ermənistanı bir dövlət kimi tanımadığını vurğulayıb, buna görə Pakistan dövlətinə və xalqına təşəkkür edib. Azərbaycanın da hər zaman qardaş Pakistana öz dəstəyini göstərdiyini ifadə edən səfir ümummilli lider Heydər Əliyevin hakimiyyətə gəlməsi ilə Azərbaycanın Pakistanla əlaqələrinin möhkəm əsasının qoyulduğunu, bu əlaqələrin hazırda ölkə rəhbərləri tərəfindən uğurla davam etdirildiyini, müəyyən zaman çərçivəsində münasibətlərimizin strateji tərəfdaşlıq səviyyəsinə çatdığını diqqətə çatdırıb.
Ə.Əlizadə Azərbaycanın Pakistanla iqtisadi, mədəni, turizm və müdafiə sənayesi sahələrində əlaqələrinin daha da inkişafının prioritet istiqamətlərdən olduğunu, hər iki ölkədə həyata keçirilən iqtisadi layihələrdən yararlanmaq imkanlarının çox olduğunu vurğulayıb. Bu ilin yanvar ayından başlayaraq Azərbaycanda “ASAN viza” elektron viza sisteminin tətbiqi ilə bağlı məlumat verən səfir pakistanlı iş adamlarının və turistlərin Azərbaycana səfər prosedurunun xeyli sadələşdirildiyini qeyd edib, həyata keçirilən işlər nəticəsində turizm, mədəniyyət, iqtisadiyyat sahələrində əməkdaşlığın daha da dərinləşəcəyinə ümid etdiyini bildirib.
Səfir Azərbaycanın Pakistanı hər zaman güclü, stabil, təhlükəsiz və inkişaf edən ölkə kimi görmək istədiyini bildirib, diplomatik əlaqələrin qurulmasının 25 illiyi münasibətilə təbriklərini çatdırıb. O, Azərbaycan-Pakistan dostluq və qardaşlıq əlaqələrinin əbədi olacağına əminliyini ifadə edib.
Daha sonra Mərkəzi Asiya ölkələrinin Pakistandakı səfirləri, İslamabad Strateji Tədqiqatlar İnstitutunun, Sülh və Diplomatik Araşdırmalar İnstitutunun və Peşəvər Universitetinin məsul şəxsləri çıxış edərək Pakistanla Azərbaycan və Mərkəzi Asiya ölkələri arasında əlaqələrin genişlənməsi ilə bağlı fikirlərini bildiriblər.
Tural




 
Bölməyə aid digər xəbərlər
24.09.2018
Yerevan meri postuna seçkilərdə xeyli qanun pozuntusu və insident qeydə alınıb
24.09.2018
Aşot Qriqoryan: “Bu gün Ermənistanın yürütdüyü siyasət acınacaqlı vəziyyətdədir”
24.09.2018
Minsk şəhərində “Bakı Bulvarı”
23.09.2018
İrəvanda “ölü canlar” da seçki bülletenlərinə salınıb
22.09.2018
Qalust Qriqoryan: “İsrailin müdafiə nazirinin Bakı səfəri Ermənistana xüsusi mesajdır ”

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10139

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Yalnızlıq qorxusu
4 Krivoy Roqdakı soydaşlarımız festivala hazırlaşırlar
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info