UNEC-in tələbə və müəllimləri beynəlxalq mübadilə proqramlarında
Tarix: 13.05.2017 | Saat: 01:32:00 | E-mail | Çapa göndər


UNEC 2016/17-ci tədris ilində Avropa Komissiyasının maliyyələşdirdiyi “Erasmus+” proqramı çərçivəsində Avropanın 12, Türkiyə Respublikası Hökumətinin maliyyələşdirdiyi “Mevlana” proqramı üzrə isə qardaş ölkənin 40-dan çox universiteti ilə tələbə və müəllim mübadiləsi imkanları təklif edir.
Son dörd ildə UNEC-də təqdim olunan beynəlxalq mübadilə proqramlarında iştirak hüququ qazanan tələbələrin sayı 6 dəfəyə yaxın, müəllimlərin sayı isə 4 dəfədən çox artıb. Bu tədris ilində UNEC-in ümumilikdə 72 tələbəsi mübadilə proqramlarından faydalanıb. Bu, 2013/14-cü tədris ilindəki müvafiq göstəricidən 4 dəfə çoxdur. Onlardan 28 tələbə “Erasmus+” proqramı çərçivəsində Böyük Britaniyanın Lester Universiteti, Rumıniyanın Babeş-Bolyai Universiteti, Türkiyənin Anadolu və Orta Doğu Texniki Universitetləri, Fransanın CEFAM və Montpellier Universitetləri, Niderlandın Vrije Amsterdam Universiteti, Polşanın Lodz Universiteti və Litvanın Mikolos Romeris Universitetində bir və ya iki semestr təhsil almaq üçün seçilib. İlk dəfə olaraq, “Erasmus+” proqramı çərçivəsində Almaniya, Rumıniya və Türkiyədən olan 6 tələbə UNEC-də bir semestr təhsil alıb. UNEC-in 6 bakalavrı və 1 magistri “Mevlana” proqramı çərçivəsində Türkiyənin YÖK (Yüksek Öğretim Kurulu) təqaüdünü qazanaraq, Gazi, Sakarya, Anadolu, İstanbul Aydın və İzmir Katip Çelebi Universitetlərində mübadilədə iştirak ediblər. Eyni zamanda, “Mevlana” proqramı çərçivəsində İstanbul Universitetinin 1 tələbəsi UNEC-də bir semestr təhsil alıb. “Erasmus+” proqramı çərçivəsində UNEC-in 21 professor, müəllim və inzibati heyət üzvü Fransanın CEFAM Universitetində, Polşanın Poznan İqtisad və Biznes Universitetində, Türkiyənin Anadolu Universitetində, Rumıniyanın Babes-Bolyai Universitetində və Macarıstanın Dunaujvaros Universitetində mühazirələr oxumaq və təcrübə mübadiləsində iştirak etmək üçün dəvət alıb. Bu, UNEC tarixində rekord göstəricidir. Həmçinin tədris ilində “Erasmus+” proqramı çərçivəsində Fransanın CEFAM və Montpellier Universitetlərinin, Polşanın Poznan İqtisad və Biznes Universitetinin, Macarıstanın Dunaujvaros Universitetinin və Litvanın Mikolos Romeris Universitetinin 10 professor, müəllim və inzibati heyət üzvü UNEC-də mübadilədə iştirak edib. Onlar oxuduqları mühazirələrlə UNEC-in tədris prosesinə aktiv qoşulub, UNEC müəllim, tələbə və inzibati heyət üzvlərinin iştirak etdiyi dəyirmi masalara qatılıblar. Ümumilikdə, son iki il ərzində “Erasmus+” proqramı çərçivəsində Avropanın müxtəlif ölkələrinin 20-dən artıq əməkdaşı UNEC-də “qonaq professor” qismində səfərdə olub.
Anar




 
Bölməyə aid digər xəbərlər
17.01.2019
Dövlət Sosial Müdafiə Fondu tərəfindən ötən il 6148 sanator-kurort göndərişi verilib
17.01.2019
Bu il daha 6400-dən çox şəhid hərbi qulluqçunun vərəsələri birdəfəlik ödəmə ilə təmin ediləcək
16.01.2019
“Bizim həyət” layihəsi paytaxtın Sabunçu rayonunda icra olunur
16.01.2019
Yanvar ayı üzrə pensiyaların maliyyələşdirilməsinə başlandı
16.01.2019
Nazirlik işəgötürən şirkətlərə xəbərdarlıq etdi

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10564

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Azərbaycanın qonşu ölkələrlə əlaqələri yüksək səviyyədədir
4 Hüseyn Babayev AAF-ın vitse-prezidenti təyin edilib
5 Dərslər təxirə salındı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info