“Xarici təsirə düşənlərin müxalifətdə başçılığa can atması arzuolunmazdır”
Tarix: 22.04.2013 | Saat: 23:23:00 | E-mail | Çapa göndər


Radikal müxalifətin “milli şura” yaratmaq məsələsi məlum olduğu kimi alınmadı və bu məsələ qapalı hesab edilir. Amma digər yandan da bunun ideya müəllifi olan kinorejissor Rüstəm İbrahimbəyovun guya şuranı formalaşdırdığı, artıq bu qurumla bağlı onu təşkil edəcək tərəflərin razılığına nail olunduğu barədə ziddiyyətli xəbərlər yayılır. Yayılan xəbərlərdən biri də odur ki, guya R.İbrahimbəyov “milli şura”nın rəhbəri olacaq.
Halbuki “milli şura” ilə bağlı müzakirəyə qoşulan “ictimai palata”da təmsil olunan qurumlar, xüsusilə də Müsavat partiyası bu cür xəbərləri cidd-cəhdlə təkzib edir. Belə ki, “medianews.az” saytında bu barədə yayılan xəbərlərin doğruluğu müsavatçılar tərəfindən inkar edilib. Müsavat R.İbrahimbəyovun guya yaradılacaq “milli şura”ya sədr olacağına, yaxud da “ictimai palata”dakı AXCP və Müsavat başçılarının bu durumla barışacaqlarına, ümumiyyətlə, “milli şura”ya “hə” deyəcəklərinə şübhə ilə yanaşdığını öz qəzetində açıq şəkildə ifadə edib. Bütün bunlar isə onu deməyə əsas verir ki, “milli şura” ideyası əvvəlcə radikal düşərgədə ortaya atılsa da, sonradan bu barədə razılaşma olmadığından indi tərəflərin hər biri gündəmə gəlmək üçün bu məsələni öz xeyri üçün manipulyasiya edir və dövriyyəyə özlərinə sərf edən informasiyalar buraxırlar. Beləliklə, prezident seçkilərinə olan vaxt azaldıqca, pərakəndə və dağınıq, bir-birilərilə ziddiyyətdə olan radikal müxalifət düşərgəsi təşkilatlanmaq əvəzinə, bu cür informasiyalarla günlərini bada verməkdədirlər. “Palitra”ya bu barədə açıqlamasında Azərbaycan Demokrat Partiyasının sədri Sərdar Cəlaloğlu bildirdi ki, bu “milli şura” məsələsi o qədər qeyri-ciddidir ki, onunla maraqlanmağa dəyməz: “Həm ideyanın özünün qoyuluşu, həm də zaman baxımından bunun yaradılma cəhdi yanlışdır. Həm də bu şuranın həyata keçirilməsi taktikası yanlışdır. İstər nəzəri, istərsə də praktiki baxımdan “milli şura” alınmayacaqdı və elə alınmadı da. Amma eyni zamanda da “milli şura”nı yaratmaqla bağlı bir araya gəlmiş qurumların hər biri bu məsələdən özlərinə sərf edən xəbərlər yaymaqla gündəmdə qalmaq istəyirlər. Bu qurumun detalları razılaşdırılmayıb və hər tərəf də həmin detalları özlərinə sərf edən tərəfə çəkməyə çalışır. Bu isə narazılıqları daha da artırır. Bunun isə heç bir mənası yoxdur, elə-belə, aradabir Rüstəm bəy bir bəyanat verir, sonra da hamı bir-birinə dəyir. Amma “milli şura” kimlərdən ibarət olacaq, bura daxil olan qüvvələr kimlər olacaq, bu şura “milli” adına iddia etməsinə baxmayaraq, əslində kimlərin şurası olacaq - bunlar barədə heç bir razılaşma və müəyyənlik yoxdur”.
Cəlaloğlu onu da qeyd etdi ki, “milli şura” ideyasını Rusiyadakı “milyarderlər ittifaqı” deyilən quruma yaxın R.İbrahimbəyov irəli sürdüyü üçün də bu şura şübhəlidir: “Hər halda xarici təsirlər əsasında ortaya çıxacaq bir qurumun nə qədər milli olacağı da ciddi şübhələr doğurur”.
R.İbrahimbəyovun “milli şura”nın rəhbəri olacağı ilə bağlı deyilən fikirlər isə qurumun qeyri-ciddiliyini daha da artırır və ona “rəng” qatmış olur: “Əgər həmin qurum siyasi mübarizə qurumu olacaqdısa, oraya kifayət qədər siyasi təcrübəsi olan, ciddi siyasi imicli bir adam başçı olmalı idi. Amma Rüstəm İbrahimbəyovun müxalifətin hər hansı bir kəsimini təşkil edən quruma başçılığı çox anormaldır. Çünki İbrahimbəyov seçkidə həmin qurumu müxalifətin rəhbəri rolunda yönləndirə bilməyəcək. Buna onun potensialı, gücü, bacarığı yetməz. Bir sözlə, müxalifətin mənafeyi baxımdan Rüstəm İbrahimbəyovun “milli şura”nın rəhbəri olacağı arzuolunmazdır. Çünki biz onun üzvü olduğu “milyarderlər ittifaqı”na yaxşı baxmırıq”.
ADP sədrinin sözlərinə görə, xarici dairələrin təsiri altında olanların “milli” adı ilə müxalifətdə başçılığa can atması arzuolunmazdır.
İlkin AĞAYEV




 
Bölməyə aid digər xəbərlər
19.02.2019
Moskvada Azərbaycanın Rusiyadakı səfirinin Çeçenistanın məsul nümayəndələri ilə görüşü olub
19.02.2019
YAP Pirallahı rayon təşkilatı sədrinin 2018-ci ilin yekunlarına və qarşıda duran vəzifələrə dair hesabatı
19.02.2019
İqtidarın qazandığı hər bir uğur müxalifətin siyasi iflasını sürətləndirir
19.02.2019
Fərid Şəfiyev Beynəlxalq Münasibətlərin Təhlili Mərkəzinin sədri təyin edildi - səfir vəzifəsindən geri çağırıldı
18.02.2019
İbrahim Öztek: “Xocalı soyqırımı nankor bir cəmiyyətin xəyanətkar hücumunun son halqasıdır”

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10605

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 Qabaqcıl texnologiyalar dövründə ənənəvi və internet medianın inkişafı
5 ABŞ-da atışma: xəsarət alanlar var


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info