TUMİB Cəlilabadda qəhrəmanlıq ənənələrini təbliğ edib
Tarix: 14.05.2017 | Saat: 00:01:00 | E-mail | Çapa göndər


“Türkiyə Universitetləri Məzunları” İctimai Birliyi Azərbaycan Respublikası Gənclər və İdman Nazirliyinin maliyyə dəstəyilə həyata keçirdiyi “Qəhrəmanlarımız bizim qan yaddaşımızdır” adlı layihənin icrasına başlayıb. Layihə çərçivəsində Cəlilabad rayonuna səfər edən TUMİB rəhbərliyi və Cəlilabad rayon İcra Hakimiyyəti Başçısının müavini Dürdanə Əliyeva əvvəlcə rayonun Lallar kəndinə gedərək, Azərbaycanın Milli Qəhrəmanı Eldar Həsənovun ailə üzvlərilə görüşüb, sonra isə şəhid hərbçimizin məzarını ziyarət ediblər. TUMİB üzvləri həmin gün həmçinin Ankara Hərbi Akademiyasının məzunu, Azərbaycan Respublikasının prezidenti İlham Əliyev tərəfindən “İgidliyə görə” medalı ilə təltif olunmuş şəhid zabit Əhməd Abdullayevin də valideynləri ilə görüşmüş, onun da məzarını ziyarət etmişlər.
Azərbaycan Dövlət Pedaqoji Universitetinin (ADPU) Cəlilabad filialında baş tutan tədbir Azərbaycanın ərazi bütövlüyü uğrunda şəhid olmuş qəhrəman oğul və qızlarımızın xatirəsini bir dəqiqəlik sükutla yad etməklə başlayıb. Tədbir iştirakçıları sonra dövlət himnimiz canlı canlı ifa ediblər.
ADPU-nun Cəlilabad filialının direktoru Xudayar Sultanlı gənc nəslin tərbiyəsində təhsil müəssisələrinin üzərinə düşən vəzifələrdən danışıb. Qeyd edib ki, müasir təhsil sistemi milli-mənəvi dəyərlərə bağlı olan vətənpərvər gənclik yetişdirməyə xidmət edir. X.Sultanlı vətəndaş cəmiyyəti institutlarının bu prosesdə iştirakını müsbət hal kimi qiymətləndirib.
“Türkiyə Universitetləri Məzunları” İctimai Birliyinin (TUMİB) sədri Çingiz Bayramov əvvəlcə layihə barədə məlumat verib. Bildirib ki, TUMİB Gənclər və İdman Nazirliyinin keçirdiyi qrant müsabiqəsinin qalibi olduğu üçün Bakıda və regionlarda gənclərin iştirakı ilə görüşlər keçirir: “Bu görüşlərin məqsədi qəhrəmanlarımızı təbliğ etmək, onların keçdikləri şərəfli ömür yolu barədə yeniyetmə və gənclərimizə ətraflı məlumat verməkdir”.
Ç.Bayramov adını Azərbaycan tarixinə qızıl hərflərlə həkk etmiş qəhrəman oğul və qəzlarımızı təbliğ etməklə milli dəyərlərə bağlı olan vətənpərvər gənclik yetişdirməyin mümkün olduğunu deyib. TUMİB sədri bildirib ki, hər bir yemiyetmə və gənc Azərbaycanın qəhrəman övladlarını yaxından tanımalı, onlarla fəxr etməlidir. “Həyatını ölkəmizin suverenliyi, xalqımızın firavan gələcəyi uğrunda fəda etmiş qəhrəman oğul və qızlarımızı unutmağa mənəvi haqqımız yoxdur, deyə təşkilat rəhbəri vurğulayıb.
TUMİB İdarə Heyətinin üzvü, tanınmış jurnalist Seymur Verdizadə gənclərin vətənpərvər ruhda yetişməsində mətbuatın üzərinə düşən vəzifələrdən danışıb. S.Verdizadə deyib ki, ölkədə mövcud olan təbliğat tribunaları gənclərin potensialının üzə çıxmasına dəstək verməli, fərdi ideyalarını reallaşdırmaqda onlara yardım etməlidir.
Cəlilabad rayon Gənclər və İdman İdarəsinin baş məsləhətçisi Salamat Nəcəfov Azərbaycanda dövlət-gənclər siyasətinin uğurla həyata keçirildiyini deyib. S.Nəcəfov qeyd edib ki, təmsil etdiyi qurum gənclərin rayonun ictimai həyatında yaxından iştirak etməsi üçün səylə çalışır.




 
Bölməyə aid digər xəbərlər
18.09.2018
Prezident İlham Əliyev: Bakı-Astara magistral yolunun açılışı tarixi layihədir, Azərbaycanın imkanını göstərir
18.09.2018
Prezident: Bir neçə gün əvvəl əsgərlərimiz düşmənə elə dərs veriblər ki, çətin ki yaxın günlərdə özünə gəlsin
18.09.2018
Bu il Azərbaycana 193 ölkədən 1,9 milyon əcnəbi və vətəndaşlığı olmayan şəxs gəlib
18.09.2018
Ağsuda dini ayinlərin qanunazidd icrası faktı aşkarlanıb
18.09.2018
Aeroportda mülki pilotsuz aparatların uçuşlarına Vahid Nəzarət Mərkəzi yaradılır

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10117

1 ADPU-nun rektoru yüksək balla qəbul olunan tələbələrlə görüşüb
2 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
3 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
4 Krivoy Roqdakı soydaşlarımız festivala hazırlaşırlar
5 Aqil Acalov: “İdmançılar qanvermə aksiyalarında aktiv iştirak edəcəklər”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info