Akademik Həsən Əliyevin kolleksiyasının təqdimatı olub
Tarix: 15.05.2017 | Saat: 20:45:00 | E-mail | Çapa göndər


Azərbaycan Milli Elmlər Akademiyasının (AMEA) Mərkəzi Elmi Kitabxanasında (MEK) Əməkdar Elm Xadimi, Dövlət Mükafatı laureatı, akademik Həsən Əliyevin kolleksiyasının təqdimatı olub.
MEK-dən AZƏRTAC-a bildiriblər ki, bu qurumun direktoru Leyla İmanova akademik Həsən Əliyevin kolleksiyasına daxil edilən materialların hamısının kitabxananın layihəsi olan Milli Rəqəmsal Yaddaş (MRY) bazasına daxil edildiyini söyləyib.
L.İmanova materialların elektron kataloqda da əksini tapdığını, kataloqun beynəlxalq mübadiləyə hazır vəziyyətdə olduğunu deyib. MEK-in direktoru bu mənbələrin xarici ölkələrdəki elektron kataloqlar ilə birləşdirilərək akademik Həsən Əliyevlə bağlı materialların vahid bir sistemə salına biləcəyini diqqətə çatdırıb.
Kitabxananın komplektləşdirmə bölməsinin əməkdaşı, təqdimatçı Reyhan Məmmədova akademik Həsən Əliyevin həyat və yaradıcılığı, kolleksiya barədə məlumat verib. Bildirilib ki, bu kolleksiya MEK-ə AMEA-nın Coğrafiya İnstitutunun kitabxanası tərəfindən hədiyyə edilib və buraya 488 nüsxə ədəbiyyat daxildir. Kolleksiyada 410 nüsxə rus dilində, 73 nüsxə Azərbaycan dilində, beş nüsxə isə xarici dillərdədir. Kolleksiyaya fizika, biologiya, riyaziyyat, geologiya, coğrafiya və digər elm sahələrinə aid kitablar daxildir. Kolleksiya həm elektron, həm də ənənəvi kataloqa daxil edilib, “Yer elmləri üzrə yardımçı fond”da yerləşdirilərək oxucuların istifadəsinə verilib.
Coğrafiya İnstitutunun direktoru, akademik Ramiz Məmmədov bildirib ki, 86 il ləyaqətli ömür sürmüş görkəmli alim Həsən Əliyevin yeni alimlər nəslinin yetişməsində və onların yüksəlməsində mühüm xidmətləri olub. R.Məmmədov dünyada ilk dəfə iqlim dəyişikliyinin öyrənilməsi üçün dənizdə platforma yaradılmasının Həsən Əliyevin təşəbbüsü olduğunu deyib, alimin fəaliyyəti dövründə Coğrafiya İnstitutunun intibah dövrü yaşadığını qeyd edib.
İnstitutun direktoru dövlətimizin başçısının müvafiq Sərəncamına əsasən akademik Həsən Əliyevin anadan olmasının 110 illik yubileyi münasibətilə ölkəmizdə tədbirlərin keçirildiyini söyləyib, bu baxımdan təqdimatı yüksək dəyərləndirib.
Digər çıxış edənlər alimlə bağlı xatirələrini bölüşüb, akademik Həsən Əliyevin vətənpərvərliyindən, yüksək insani keyfiyyətlərindən söz açıblar.
Mahmud




 
Bölməyə aid digər xəbərlər
20.07.2019
Universiadada ən yüksək nəticə göstərən idmançılar mükafatlandırılıb
20.07.2019
Artıq sarı zolaqlar qüvvədə - Bu yollarda diqqətli olun!
20.07.2019
Gürcüstan hökuməti Azərbaycan şirkətləri ilə əməkdaşlığa hazırlaşır
19.07.2019
Şəki və Oğuzda tikmə sənətinə maraq göstərən xanımlara ustad dərsləri verilib
19.07.2019
Jurnalistlər üçün Apifioterapiya mərkəzində pulsuz müayinə

Şərh əlavə olunmayıb

    ,    
Namiq Əliyev
Anar MİRİYEV
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10835

1 “4-cü qrupa hazırlaşan hər bir abituriyentin arzusu həkim olmaqdır”
2 Pirdovus Abakarova: “İmtahan suallarının asan və ya çətin olması abituriyentin hazırlıq səviyyəsindən asılıdır”
3 ADPU-nun tələbəsi Nərmin Qəhrəmanlı: “Mənim üçün “könüllü” olmaq iş, komanda ilə işləmək təcrübəsi, dostluq, yeni mühit deməkdir”
4 Dünya brendi olmağı hədəfləyən azərbaycanlı gənc
5 “Ali Radada Azərbaycanpərəst deputatların olması bizim gələcək fəaliyyətimizə müsbət təsir edəcək”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info