“Məzun-2017” yarmarkasında 910 boş iş yeri təklif olunub
Tarix: 16.05.2017 | Saat: 19:36:00 | E-mail | Çapa göndər


Azərbaycan Dövlət Aqrar Universitetində (ADAU) “Məzun-2017” yarmarkası keçirilib. Bu il universiteti əyani və qiyabi təhsil formasında bitirən 1149 məzunun işlə təminatına kömək məqsədi daşıyan sayca doqquzuncu yarmarkada ölkənin 35 rayonundan 129 müəssisə və təşkilat tərəfindən, ümumilikdə, 910 boş iş yeri təklif olunub.
Yarmarkada Gəncə Şəhər İcra Hakimiyyəti başçısının müavini Sevda Qurbanəliyeva, Respublika Təhsil Şurasının sədri, professor Əjdər Ağayev, kənd təsərrüfati nazirinin elm və təhsil şöbəsinin müdiri Namiq Məmmədov, Gəncədə fəaliyyət göstərən elm və təhsil müəssisələrinin rəhbərləri, həmçinin bir sıra holdinq, şirkət, müəssisə və təsərrüfatların təmsilçiləri iştirak ediblər.
Tədbiri açan ADAU-nun rektoru İbrahim Cəfərov bildirib ki, məzunların universitetdə aldıqları zəruri biliklər, qazandıqları zəngin təcrübə gələcəkdə aqrar kadrlar kimi çalışacaqları müəssisə və təsərrüfatlara töhfələr verəcəyinə əminlik yaradır.
İbrahim Cəfərov qeyd edib ki, son illərdə Aqrar Universitetdə yaradılan infrastruktur, zəngin maddi-texniki baza, müasir auditoriya və laboratoriyalar ölkədə kənd təsərrüfatının müvafiq sahələri üzrə aqrar mütəxəssis hazırlayan elm-təhsil müəssisəsinin inkişafına səbəb olub. Həmçinin universitetin dünyanın bir sıra qabaqcıl ölkələrinin ali təhsil müəssisələri ilə həyata keçirdiyi müxtəlif akademik mübadilə proqramları ADAU-nun yüksək ixtisaslı gənc aqrar kadrlarla təminatını yaxşılaşdırıb. Elə ona görə də hazırda Aqrar Universiteti bitirən məzunlar qazandıqları zəruri nəzəri–praktik bilik və bacarıqlar sayəsində əmək bazarında kəskin rəqabət şəraitində çətinlik çəkməkdən işlə təmin olunmağı bacarırlar.
Gəncə Şəhər İcra Hakimiyyəti başçısının müavini Sevda Qurbanəliyeva əsası ümummilli lider Heydər Əliyev tərəfindən qoyulan dövlət gənclər siyasətindən və son illərdə respublika gənclərinə yaradılan yüksək şəraitdən danışıb. Qeyd edilib ki, hazırda gənclərin hərtərəfli inkişafı, onların intellektual potensialının aşkarlanması dövlətin qarşısında duran əsas məsələlərdən biridir.
Respublika Təhsil Şurasının sədri, professor Əjdər Ağayev Aqrar Universitetin inkişaf istiqamətində gördüyü işləri və bu təhsil müəssisəsindəki tədris prosesini, ümumilikdə, müasir təhsil sisteminə töhfə kimi qiymətləndirib.
Kənd təsərrüfatı nazirliyinin elm və təhsil şöbəsinin müdiri Namiq Məmmədov qeyd edib ki, ölkənin ərzaq təhlükəsizliyi və əhalinin zəruri ərzaq məhsulları ilə təminatı dövlətin qarşısında duran prioritet məsələlərdən biridir. Buna görə də aqrar sahədə məşğulluğun stimullaşdırılması, məhsuldarlığın yüksəldilməsi və ixracyönümlü məhsul istehsalının artırılması məqsədilə Prezident İlham Əliyev tərəfindən bir sıra mühüm sənədlər imzalanıb, tapşırıqlar verilib.
Aqrar Universitetdə təşkil olunan məzun yarmarkasına müxtəlif holdinq, şirkət, müəssisə və təsərrüfatların təmsilçiləri tərəfindən marağın artdığını deyən Namiq Məmmədov bildirib ki, bu, həm də universitetin məzunlarının əmək bazarında bilik və bacarıqlarının yüksək qiymətləndirilməsi ilə bağlıdır. Məhz bunun nəticəsidir ki, hər il Aqrar Universiteti bitirən yüzlərlə məzun əmək bazarındakı kəskin rəqabətə baxmayaraq, özlərinə uyğun iş yerləri ilə təmin olunurlar.
Daha sonra yarmarka açıq elan edilib və iştirakçılar bir sıra holdinq, şirkət, müəssisə və təsərrüfatların məhsulları, eləcə də vakant iş yerləri ilə tanış olublar.
Yarmarkada “Grand Motors”, “Azərsun Holdinq”, “Gilan Holdinq”, “Nurgün Aqro” MMC, “Vətən AZ”, “AzRus Dostluq”, “Hacıqabul Quşçuluq”, “Şəmkir Aqropark” və digər iri şirkətlər, banklar, bank olmayan kredit təşkilatları və səhmdar cəmiyyətlər gələcəyin aqrar mütəxəssislərinə öz məhsullarını və vakant iş yerlərini təklif ediblər.

Nigar




 
Bölməyə aid digər xəbərlər
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
Gömrük xidməti ölkəmizin iqtisadi maraqlarının qorunmasında xüsusi yer tutur
20.09.2018
ADPU-nun Azərbaycan tarixi kafedrasının əməkdaşı Beynəlxalq Forumda iştirak edib
20.09.2018
Prezidentin köməkçisi: “Ərazilərin minalardan təmizlənməsi humanist missiyadır”
20.09.2018
Azərbaycanın milli qəhrəmanları haqqında ingilis dilində məqalələr hazırlanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10123

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Son 15 il ərzində Azərbaycanda 3 mindən çox məktəb tikilib və əsaslı təmir edilib”
5 Ukraynada “Dünya azərbaycanlılarının palitrası” kitabının təqdimatı olub


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info