İslam Həmrəyliyi Oyunlarının keçirildiyi günlərdə Şəkiyə gələn turistlərin sayı artıb
Tarix: 17.05.2017 | Saat: 17:11:00 | E-mail | Çapa göndər


Azərbaycanda IV İslam Həmrəyliyi Oyunlarının keçirilməsi ölkənin turizm sektorunda da böyük canlanmaya səbəb olub. Oyunları izləmək üçün respublikamıza təşrif buyuran əcnəbi turistlər ölkəmizi daha yaxından tanımaq üçün paytaxtla yanaşı, bölgələrə də üz tutur, sürətlə inkişaf edən Azərbaycanının gözəlliklərini, məşhur tarixi məkanlarını öz gözləri ilə görürlər.
Oyunların davam etdiyi bu günlərdə Şəkiyə gələn yerli və xarici turistlərin sayında da xeyli artım müşahidə olunur. Əcnəbi qonaqların Şəkidə ən çox üz tutduqları tarixi məkanlardan biri də “Yuxarı Baş” Dövlət Tarix-Memarlıq Qoruğunun ərazisidir.
Qoruğun direktoru Təranə Abdullayeva Azərbaycanın növbəti dəfə dünya miqyaslı böyük idman tədbirinə ev sahibliyi etməsindən fəxarət və qürur hissi keçirdiyini vurğulayaraq deyib: “Mayın əvvəllərindən başlayaraq Qoruğun ərazisinə gələn turistlərin sayı xeyli artıb. Əcnəbi turistlər arasında ərəb ölkələrindən, eləcə də Türkiyə və Rusiyadan gələnlər üstünlük təşkil edir. Bələdçilər turistlərə ərazidəki tarixi abidələrin özəllikləri ilə yanaşı, ölkəmizdə uğurla davam edən IV İslam Həmrəyliyi Oyunları barədə də məlumat verirlər. Şəki xanlarının sarayı ilə tanışlıqdan sonra turistlər Qoruğun ərazisindəki istirahət məkanında Şəki şirniyyatları ilə bəzədilmiş çay süfrəsinə dəvət olunur, burada qoyulmuş böyük ekranlı televizor vasitəsi ilə Oyunların gedişini izləyirlər”.
Təranə Abdullayevanın bildirdiyinə görə, İslam Həmrəyliyi Oyunlarının davam etdiyi bu günlərdə Qoruğun iş rejimində də dəyişiklik edilib. Yəni, hazırda ərazidəki tarixi abidələrin qapıları səhər saat 8.00-dan axşam 20.30-dək turistlərin üzünə açıqdır.
Xan sarayının həyətində uzaq Avstraliyadan gəlmiş turistlərlə söhbət zamanı məlum oldu ki, Peter və Karoline Villiadsenlər cütlüyü səyahət etməyi çox xoşlayırlar. Azərbaycana ilk dəfədir səfər edirlər. Qədim Şəki onların çox xoşuna gəlib. Xan sarayının möhtəşəm abidə, nadir sənət nümunəsi olduğunu vurğulayan qonaqlar sarayın nəfis şəkildə hazırlanmış şəbəkə pəncərələri, interyeri və divar rəsmləri ilə abidənin yerləşdiyi ərazinin təbiət lövhələrinin çox gözəl vəhdət təşkil etdiyini bildirirlər.
Omanlı turist Rəşid Əl-Həkmani isə bildirib ki, həyat yoldaşı ilə artıq Bakı və Qəbələ şəhərlərində olub. Azərbaycanda İslam Həmrəyliyi Oyunlarının keçirilməsi barədə məlumatı Bakıda olarkən əldə edib. Əcnəbi qonaq öz ölkəsinin idmançılarının da İslam dünyasının bu böyük idman tədbirində iştirak etməsindən çox sevindiyini bildirib.
Söhbətə qoşulan Dubaydan gəlmiş turistlər də son illər Azərbaycanda böyük idman yarışlarının keçirilməsindən məlumatlı olduqlarını deyib, ölkəmizdə turizmin inkişafı üçün çox gözəl şəraitin olduğunu vurğulayıblar.
Çikaqolu Davud Piter, sloveniyalı Rok Çampa, Misirdən gəlmiş Əhməd Mahmudla söhbət zamanı məlum oldu ki, onlar da Azərbaycana ilk dəfədir səfər edirlər və insanların qonaqpərvərliyindən, isti münasibətlərindən çox məmnundurlar.
Qoruğun ərazisində yerləşən “Sənətkarlar evi”ndə fəaliyyət göstərən sənətkarlar da ölkəmizdə İslam Həmrəyliyi Oyunlarının keçirilməsindən qürur hissi keçirdiklərini bildiriblər. Təkəlduz ustası Vəfa Mustafayeva deyir ki, turistlərin marağını nəzərə alaraq Oyunların rəmzi simvolu olan su səhənginin əks olunduğu kiçik ölçülü milli suvenirlər də hazırlayıb. Turistlər belə kiçik suvenir-hədiyyələrə üstünlük verirlər. Söhbət zamanı digər şəkili sənətkarlar da Azərbaycanda kütləvi idman tədbirlərinin, beynəlxalq festivalların keçirilməsinin paytaxtla yanaşı, bölgələrdə də turizm sektorunun inkişafına çox böyük təsir göstərdiyini vurğulayıblar.

Nigar




 
Bölməyə aid digər xəbərlər
21.09.2018
Cüdo üzrə dünya çempionatının açılış mərasimi keçirilib
21.09.2018
Ədliyyə naziri Ağstafada vətəndaşları qəbul edib
21.09.2018
Sumqayıtın ən innovativ startap layihələri bəlli oldu
21.09.2018
Ramin Quluzadə Qazaxda vətəndaşlarla görüşüb
21.09.2018
Leysan yağacaq, dolu düşəcək

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10127

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info