Futbolçularımız IV İslam Həmrəyliyi Oyunlarının çempionu olub
Tarix: 22.05.2017 | Saat: 16:13:00 | E-mail | Çapa göndər


Futbol üzrə Azərbaycan milli komandası IV İslam Həmrəyliyi Oyunlarının çempionu olub.
Tofiq Bəhramov adına Respublika stadionunda keçirilən final görüşündə Azərbaycan milli komandası Oman yığmasına 2:1 hesabı ilə qalib gələrək İslamiadanın qızıl medalını qazanıb.
Azərbaycan Respublikasının Birinci vitse-prezidenti, IV İslam Həmrəyliyi Oyunlarının Təşkilat Komitəsinin sədri xanım Mehriban Əliyeva və ailə üzvləri final matçına baxıblar.
Əvvəlcə hər iki ölkənin dövlət himnləri səsləndirilib.
Görüşə fəal başlayan Azərbaycan millisi 17-ci dəqiqədə istəyinə nail olub. Millimizin futbolçusu Mahir Mədətov rəqib komandanın qapısına yol taparaq komandamızı hesabda önə çıxarıb – 1:0. Qarşılaşmanın 22-ci dəqiqəsində komandamız ikinci topu rəqib qapısından keçirməyə yaxın olsa da, top çərçivədən keçməyib. Oman millisinin qapısına təyin olunmuş cərimə zərbəsini Mahir Mədətov dəqiq yerinə yetirə bilməyib. Lakin beş dəqiqə sonra Mahir Mədətov özünün və komandasının ikinci qolunu vurub – 2:0.
Oyunun qəhrəmanına çevrilmiş Mahir Mədətovun 37-ci dəqiqədə güclü zərbəsi qapı çərçivəsinə tuş gəlib. Oman millisinin cəhdlərinə baxmayaraq, ilk hissə Azərbaycan millisinin 2:0 hesablı üstünlüyü ilə başa çatıb.
Gürcüstanlı baş hakim Giorgi Kruaşvilinin idarə etdiyi oyunda omanlı futbolçular ikinci hissəyə daha fəal başlayıblar. Qarşılaşmanın 56-cı dəqiqəsində rəqib komandanın futbolçusu Salaah Əl-Yahyai hesab arasındakı fərqi azaldıb – 2:1. İki dəqiqə sonra omanlı futbolçu qapıçımız Şaxrudin Maqomedaliyev ilə təkbətək çıxsa da, qolkiperimiz dueldən qalib ayrılıb və hesabın dəyişməsinə imkan verməyib.
Komandaların cəhdlərinə baxmayaraq, oyunun sonunadək hesab dəyişməyib. Beləliklə, Oman millisini 2:1 hesabı ilə məğlub edən Azərbaycan yığma komandası IV İslam Həmrəyliyi Oyunlarının çempionu olub.
Əlcəzair millisi isə “Bakı-2017”ni bürünc medalla başa vurub.
Sonra qalib komandaların mükafatlandırılması mərasimi keçirilib.
Çempion komandamızın üzvlərinə qızıl medalları Azərbaycan Milli Olimpiya Komitəsinin vitse-prezidenti, İslam Həmrəyliyi İdman Federasiyasının ikinci vitse-prezidenti Çingiz Hüseynzadə təqdim edib.
Gümüş medallar Oman millisinin futbolçularına İslam Həmrəyliyi İdman Federasiyasının baş katibi Faysal Əbdüləziz Əl-Nassar tərəfindən təqdim olunub.
Azərbaycan Futbol Federasiyaları Assosiasiyasının prezidenti Rövnəq Abdullayev isə üçüncü yerdə qərarlaşan əlcəzairli futbolçulara bürünc medalları təqdim edib.
Qeyd edək ki, millimiz qrup mərhələsində Səudiyyə Ərəbistanı yığmasını 2:0 hesabı ilə məğlub edib. Kamerun və Mərakeş yığmaları ilə oyunda hesab açılmayıb. Yarımfinala vəsiqə qazanan Azərbaycan millisi bu mərhələdə Əlcəzairdən üstün olub – 2:0.
Tural




 
Bölməyə aid digər xəbərlər
21.03.2019
Lado Mehdiyevin xatirəsinə həsr olunmuş badminton turnirinə yekun vurulub
20.03.2019
Millimiz ilk oyununda Rusiya ilə heç-heçə edib
20.03.2019
Azərbaycan millisi məzmunlu futbol göstərməyə hazırdır
19.03.2019
İngiltərə millisinə yeni oyunçu cəlb edilib
18.03.2019
“Barselona“ böyük hesabla “Real Betis“ə qalib gəlib

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10701

1 Elektromaqnitizmin müxtəlif sahələrinə mühüm töhfələr verən görkəmli azərbaycanlı alim
2 Akademik Ramiz Mehdiyev tariximizin xanlıqlar dövrünə sənədlər işığında nəzər salır
3 Lənkəranın ucqar kənd məktəbində Novruz şənliyi keçirilib
4 Yuliya Naçalova vəfat edib
5 Fərdi yaşayış evlərinin sənədləşdirilməsi ilə bağlı konsepsiya hazırlanır


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info