Piratçılığın səviyyəsi aşağı düşüb
Tarix: 23.04.2013 | Saat: 22:24:00 | E-mail | Çapa göndər


Müəllif Hüquqları Agentliyi ulu öndər Heydər Əliyevin 90 illik yubileyi münasibətilə və 23 aprel - Ümumdünya Kitab və Müəlliflik Hüququ Gününə həsr olunan konfrans keçirib. Agentliyin sədri Kamran İmanov ümummilli liderin müəllif hüquqlarının qorunması ilə bağlı fəaliyyəti haqqında danışıb. O bildirib ki, H.Əliyevin ölkəyə rəhbərlik etdiyi illərdə bu sfera ilə bağlı qanunvericilik bazası formalaşdırılıb və təkmilləşdirilib.
Ümumdünya Kitab və Müəlliflik Hüququ Gününün əhəmiyyətini də qeyd edən K.İmanov kitabların insan həyatındakı zəruriliyini vurğulayıb. O, ermənilərin Azərbaycan mədəni irsinə qarşı iddiaları və tarixin saxtalaşdırılmasına yönələn fəaliyyətləri haqqında da fikirlərini bildirib. Kamran İmanov deyib ki, pirat nüsxələrin istehsalının və yayılmasının qarşısının alınması üçün əsərlərin, fonoqramların, kompyuter proqramlarının və tərkibində əqli mülkiyyət hüququnun obyektləri olan digər malların nüsxələrinin hər birinə xüsusi nəzarət markaları yapışdırılacaq. Hazırda agentlik müəllif-hüquq sahəsində 70-dək vəzifə və funksiya yerinə yetirir: “Azərbaycan MDB məkanında əsərlərin könüllü qeydiyyat sistemini tətbiq edən ilk ölkələrdən biridir. Əsərlərin qeydiyyat sisteminin tətbiqinə 1996-cı il martın 12-dən başlanılıb. Həmin vaxtdan indiyə kimi agentlikdə 5840 müəllifə - hüquq sahibinə məxsus olan 8765 əsər qeydiyyatdan keçirilib. Qeydiyyat elektron qaydada aparılır. Bununla əlaqədar xüsusi olaraq “Elektron xidmət” bölməsi yaradılıb”. O qeyd edib ki, hüquqların təminatı, pitratçılıqla mübarizə son vaxtlar daha da gücləndirilib. Müvafiq dövlət orqanları ilə birgə həyata keçirilən tədbirlər nəticəsində ölkəmizdə piratçılığın səviyyəsi 2005-ci illə müqayisədə 2012-ci ildə müxtəlif seqmentlər üzrə 9-28% aşağı düşüb: “Hazırda piratçılığın səviyyəsi kitab bazarında 33%, audio-video məhsul bazarında 68%, proqram təminatı sahəsində 87% təşkil edir. “Əqli mülkiyyətin hüquqlarının təminatı və piratçılıqla mübarizə haqında” qanunun qüvvəyə minməsi ilə piratçılıqla mübarizə sahəsində ölkəmizdə yeni mərhələ başlayıb. Qanunun qəbul edilməsi ilə əlaqədar hazırda rəqəmsal şəbəkələrdə lisenziyalaşdırma və rəqəmli hüquqların idarə edilməsi üzrə elektron xidmətlər sisteminin formalaşdırılması işi başa çatmaqdadır. Bu sistem vasitəsilə kommersiya məqsədilə yayılan əsərlərə, fonoqramlara, audiovizual əsərlərə və tərkibində əqli mülkiyyət olan digər mallara rəqəmsal kodlar veriləcək”. Agentliyin rəhbəri onu da bildirib ki, qurumun nəzdində fəaliyyət göstərən 960 saylı “Qaynar xətt”ə hər il 700-dən çox müraciət daxil olur: “Keçən il isə müəllif-hüquq məsələləri ilə bağlı “Hüquq məsləhətxanası”na 500-dən çox vətəndaş müraciət edib”. Milli Məclisin deputatı, Azərbaycan Ağsaqqallar Şurasının sədri Fəttah Heydərov isə çıxışında Heydər Əliyevin milli dövlətçiliyin formalaşmasına və inkişafına yönələn fəaliyyətinə toxunub. O, saxta erməni tarixi ilə mübarizənin artırılmasının vacibliyini vurğulamaqla yanaşı, uzun illər ərzində ermənilərin Azərbaycana və türk millətinə yönələn əsassız iddialarının cavablandırılmamasını da təəssüf hissi ilə qeyd edib. Daha sonra tədbirdə Prezident yanında Strateji Araşdırmalar Mərkəzinin direktoru Fərhad Məmmədovun, Nazirlər Kabineti yanında “İçərişəhər” Dövlət Tarix-Memarlıq Qoruğu İdarəsinin, Bakı Dövlət Universitetinin, Azərbaycan Milli Elmlər Akademiyasının nümayəndələrinin məruzələri dinlənilib. Məruzə və çıxışlarda erməni müəlliflərin kitablarındakı uydurmalar və belə “əsərlərə” olan “müəlliflik hüquqları” və digər erməni plagiatçılıqları ilə bağlı məsələlərə toxunulub.
GÜNAY





 
Bölməyə aid digər xəbərlər
27.06.2019
Meksikada Azərbaycanın mədəniyyəti və milli mətbəxi təqdim olunub
26.06.2019
“Rossiyskaya qazeta” rusiyalı turistləri Azərbaycana dəvət edir
26.06.2019
“Danışır Xocalı” sənədli filminə ictimai baxış keçirilib
25.06.2019
“Narkomaniyaya qarşı mübarizədə gənclərin rolu” mövzusunda tədbir keçirilib
25.06.2019
Şirməmməd Ağaməmməd oğlu Hüseynov

Şərh əlavə olunmayıb

    ,    
Tural Tağıyev
Namiq Əliyev
Fuad HÜSEYNZADƏ
Esmira Məmmədova
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10816

1 Yeni naziri kollektivə Ramiz Mehdiyev təqdim etdi
2 Heydər Əliyev və bələdiyyələr
3 Tarix müəllimi Könül Əliyeva: “Əməkhaqqının artırılması bizim əməyimizə verilən böyük qiymət və dəyərdir”
4 Əli Nağıyev DTX rəisi təyin edildi
5 Vilayət Eyvazov daxili işlər naziri təyin edilib


27.06 01:11 Psixi sağlamlıq uğrunda mübarizə ortaq məsuliyyətimizdir. Vətəndaş cəmiyyətini müdafiə edəcək, insan hüquqlarının universallığı və qanunu uğrunda mübarizə aparacaq güclü bir Avropaya ehtiyacımız var. Psixi xəstələrin adekvat müalicəsi təmin olunmalıdır. Azərbaycanda insan hüquqlarına əsaslanan yanaşmanın təmin edilməsi üçün əlimizdən gələni edirik. Məqsədimiz irəliyə doğru getmək, hüquqlara riayət edilməsini təmin etməkdir. AZƏRTAC xəbər verir ki, bu fikirləri “Psixi sağlamlıqla bağlı məcburiyyətlərə son qoymaq: insan hüquqlarına əsaslanan yanaşmaya zərurət” adlı məruzənin müzakirələri zamanı AŞPA-dakı nümayəndə heyətimizin üzvü Naqif Həmzəyev deyib. O, Birləşmiş Millətlər Təşkilatının (BMT) Əlillərin hüquqlarının müdafiəsi üzrə Konvensiyasına uyğun olaraq psixi xəstələrin hüquqlarına riayət edilməsi zərurətinə toxunub. Dinindən, sosial vəziyyətindən asılı olmayaraq hər kəsin bərabər olduğunu qeyd edib. Buna görə də hər bir insanın, uşaq və qadınların bərabərliyi üçün mübarizə aparmağın vacibliyini söyləyib.
© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info