700 bal toplayan tələbə: “Ən böyük arzum – BANM-ə yüksək balla daxil olmaq idi”
Tarix: 23.05.2017 | Saat: 15:55:00 | E-mail | Çapa göndər


Əsədzadə Mahirə Məhəbbət qızı 27 avqust 1999-cu ildə Bakı şəhərində anadan olub. Orta təhsilini 2006-2008-ci illərdə Laçın rayonu 40 nömrəli məktəbdə, 2008-2017-ci illərdə isə Bakı şəhəri 162 nömrəli tam orta məktəbdə alıb. Dərslərdə daim fəal olub, yüksək qiymətlər alıb və eyni zamanda məktəbdə keçirilən tədbirlərdə, tamaşalarda, olimpiadalarda iştirak edib. Fərman, diplom və təsəkkürnamələrlə təltif olunub. Dövlət İmtahan Mərkəzinin (DİM) 2017/2018-ci tədris ili üzrə keçirilən qəbul imtahanında ən yüksək nəticə hesab olunan 700 balı toplayaraq Baki Ali Neft Məktəbinin (BANM) “Proseslərin avtomatlaşdırılması mühəndisliyi” ixtisasını seçəcək.

- 700 ballıq nəticəni nələrin sayəsində əldə edə bilmisən? Necə düşünürsən, bunun üçün xüsusi istedad olmalıdır, yoxsa burada şans hansısa rol oynayır?
- Əlbəttə ki, bu nəticə çox çalışmağımın bəhrəsi idi. İlk öncə hədəf seçdim, daha sonra əmin addımlarla bu yolda irəlilədim. Düşünmürəm ki, bu ancaq şans işi olsun. 700 bal istedad, bilik, diqqət və şans tələb edir. Əgər bu hədəfi seçmisənsə, bunun üçün son 1-2 il oxumaq bəs etmir, məktəb vaxtı keçirilən dərslərdə bu elmin bünövrəsini qoymaq lazımdır.
- Qəbul imtahanı necə keçmişdi? İmtahandan əvvəl və imtahandan sonrakı xatirələrin sənin üçün hansı təəssüratlarla yadda qalıb?
- İmtahan qabağı hər bir abituriyent kimi narahat idim. Deməzdim ki, həyəcanlı olmuşam. Narahatlığıma səbəb isə mənə zəhmət çəkən, elm öyrədən bütün müəllimlərimin və özümün çəkdiyi zəhmətin nəticəsinin necə olacağı, yəni məsuliyyət hissi idi. İmtahan sonrası isə artıq bu nəticəni gözləyirdim.
- Niyə məhz bu ixtisası və BANM-i seçdin, bu seçimi etdikdə hansı məqsədləri qarşına qoydun?
- BANM tələbələr üçün böyük şanslar vəd edir, yüksək ixtisaslı mütəxəssislərin hazırlanmasına önəm verir. Tələbə üçün ən yaxşı seçim olacağını düşünürəm və ətrafımdakı yüksək bal toplayanların da seçimi bu təhsil ocağı olmuşdu.
- Ən böyük arzun nədir?
- Abituriyent olarkən ən böyük arzum - BANM-ə yüksək balla daxil olmaq idi. Şükür ki, bu arzum gerçək oldu . İndi isə növbəti hədəfim universitet həyatının da belə uğurlu keçməsidir.
- Özünü gələcəkdə harada görürsən və gələcək üçün planların hansılardır?
- Bu uğurun gələcəyə atılmış ilk addım olacağına inanıram. Gələcəkdə özümü peşəkar mühəndis kimi görmək istəyirəm. Vətənim, xalqım üçün savadlı bir kadr kimi yetişmək istəyirəm.

Nigar




 
Bölməyə aid digər xəbərlər
03.04.2020
Tənha şəxslərə xidmət göstərənlərə evdən çıxmaq üçün icazə veriləcək
03.04.2020
Karantin dövründə rəhbər və işçiləri işə cəlb edilən dövlət orqanlarının sayı artırıldı
03.04.2020
Üçüncü Dünya müharibəsi alimlərin “savaşı” olacaqmı?!
03.04.2020
DMX koronavirusla bağlı növbəti videoçarx hazırladı - VİDEO
03.04.2020
Karantindən çıxan Azərbaycan vətəndaşları yaşayış yerlərinə necə qayıdacaq?

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11494

1 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”
2 Tural İsmayılov: “İndiki halda cəmiyyətdə milli birlik və məsuliyyət bir nömrəli amildir”
3 Prezident: Ölkəmizdə görülən bütün işlər, qəbul edilmiş qərarlar bir məqsədi güdür ki, biz bu ağır sınaqdan az itkilərlə çıxaq və vətəndaşlarımızı maksimum dərəcədə qoruyaq
4 Ukrayna saytında 31 mart - Azərbaycanlıların Soyqırımı Gününə dair məqalə dərc edilib
5 Dilşad Musadan karantin günləri ilə bağlı valideynlərə tövsiyələr!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info