TUMİB rəhbərliyi Tovuzda gənclərlə görüş keçirdi
Tarix: 24.05.2017 | Saat: 01:12:00 | E-mail | Çapa göndər


“Türkiyə Universitetləri Məzunları” İctimai Birliyi Azərbaycan Respublikası Gənclər və İdman Nazirliyinin maliyyə dəstəyilə həyata keçirdiyi “Qəhrəmanlarımız bizim qan yaddaşımızdır” adlı layihənin icrasını Tovuz rayonunda davam etdirib. TUMİB rəhbərliyi və Tovuz rayon İcra Hakimiyyətinin İctimai- siyasi və humanitar məsələlər şöbəsinin baş məsləhətçisi Ceyhun Həsənov  tədbirdən əvvəl rayonun Ağdam kəndinə gedərək, Azərbaycanın Milli Qəhrəmanı Naiq Yusifovun ailə üzvlərilə görüşüb, sonra isə şəhid hərbçimizin məzarını ziyarət ediblər. Tovuz Dövlət Sosial-İqtisadi Kollecində baş tutan tədbir Azərbaycanın ərazi bütövlüyü uğrunda şəhid olmuş qəhrəman oğul və qızlarımızın xatirəsini bir dəqiqəlik sükutla yad etməklə başlayıb. Tədbir iştirakçıları sonra dövlət himnimiz canlı canlı ifa ediblər.
“Türkiyə Universitetləri Məzunları” İctimai Birliyinin (TUMİB) sədri Çingiz Bayramov əvvəlcə layihə barədə məlumat verib. Bildirib ki, TUMİB Gənclər və İdman Nazirliyinin dəstəyi ilə Bakıda və regionlarda gənclərin iştirakı ilə görüşlər keçirir: “Bu görüşlərin məqsədi qəhrəmanlarımızı təbliğ etmək, onların keçdikləri şərəfli ömür yolu barədə yeniyetmə və gənclərimizə ətraflı məlumat verməkdir”. Ç.Bayramov öz çıxışında qeyd edib ki, qəhrəmanlıq etmək, adının tarixin səlnaməsinə yazılmasına nail olmaq Vətən sevgisindən, torpaq məhəbbətindən irəli gəlir. Vətən sevgisinin rüşeymi insanın ürəyindəki vətənpərvərlik duyğusunda kök atır. Ulu öndər Heydər Əliyev deyib: "Hamımızın ümumi vəzifəmiz xalqımızda vətənpərvərlik, vətən torpağına, millətə sədaqət, vətən uğrunda şəhidliyə hazır olmaq hisslərini formalaşdırmaq, inkişaf etdirmək və təbliğ etməkdir".
Tədbirdə Tovuz Dövlət Sosial-İqtisadi Kollecinin direktoru Rizvan Qəmbərov, TUMİB İdarə Heyətinin üzvü, tanınmış jurnalist Seymur Verdizadə Tovuz rayon Gənclər və İdman İdarəsinin rəisi Sahib Ələsgərov və Qovlar şəhər İcra Nümayəndəsi Oruc Binnətov və başqaları çıxışedərək, gənc nəslin vətənpərvər ruhda tərbiyəsində gənclər təşkilatlarının üzərinə düşən vəzifələrdən danışıblar. Qeyd ediblər ki, adını Azərbaycan tarixinə qızıl hərflərlə həkk etmiş qəhrəman oğul və qızlarımızı təbliğ etməklə milli dəyərlərə bağlı olan vətənpərvər gənclik yetişdirmək mümkündür.
Natiqlər çıxışlarında bildiriblər ki, əsası Ulu öndər Heydər Əliyev tərəfindən qoyulmuş dövlət gənclər siyasətinin Prezident İlham Əliyev tərəfindən uğurla davam etdirilməsinin nəticəsidir ki, vətənpərvər ruhda yetişmiş Azərbaycan gəncləri 2016 –cı ilin aprel ayındakı döyüşlərdə erməni işğalçılarına qarşı göstərdikləri şücaətləri ilə tariximizdə yeni qəhrəmanlıq səhfəsi açdılar.




 
Bölməyə aid digər xəbərlər
15.11.2018
“Vəkillik dövlət və cəmiyyət arasında münasibətlərin stabilizatorudur”
15.11.2018
Bakıda beynəlxalq konfrans keçirilir
15.11.2018
Mətbuat Şurası ilə AMEA Mərkəzi Elmi Kitabxanası memorandum imzalayıb
15.11.2018
Bakıda Dünya Diabet Gününə həsr olunmuş tədbir keçirilib
14.11.2018
“Bakcell”in baş icraçı direktoru Londonda rəqəmsal transformasiya haqqında danışıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10477

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Azərbaycan turizmi Yunanıstanda təbliğ olunub
4 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı
5 “Gedir dayanmadan zamanın köçü”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info