Avropa parlamentarisi: “İlham Əliyev və Mehriban Əliyeva ölkənin inkişafına müstəsna töhfələr veriblər”
Tarix: 24.05.2017 | Saat: 15:00:00 | E-mail | Çapa göndər


Gilmi Heli: “Azərbaycan Fransa üçün regionun ən mühüm əhəmiyyətə malik dövlətidir”

Parisdə fəaliyyət göstərən Azərbaycan Mədəniyyət Mərkəzində ölkəmizin Fransadakı səfirliyi və UNESCO yanında daimi nümayəndəliyinin birgə təşkilatçılığı ilə 28 May - Respublika Günü münasibətilə rəsmi qəbul keçirilib.
Tədbirdə Fransanın yüksək vəzifəli rəsmiləri, Xarici İşlər, Müdafiə nazirliklərinin əməkdaşları, senatorlar, Milli Assambleyanın deputatları, ölkədə akkreditə olunmuş diplomatik korpusun, eləcə də işgüzar dairələrin nümayəndələri, Azərbaycanın Dostları Assosiasiyasının üzvləri, bu ölkədə yaşayan soydaşlarımız və tələbələr iştirak ediblər.
Mərasimdə Azərbaycan Xalq Cümhuriyyətinin yaranması və fəaliyyəti barədə ətraflı məlumat verilib. Diqqətə çatdırılıb ki, Azərbaycan müstəqilliyini bərpa etdikdən sonra bir sıra çətinliklərlə qarşılaşıb, Ermənistanın hərbi təcavüzü nəticəsində ərazisinin 20 faizi işğal edilib. Bütün bunlara baxmayaraq, Azərbaycan sürətlə inkişaf edərək bölgənin lider dövlətinə çevrilib, regionun enerji və nəqliyyat təhlükəsizliyini təmin edən bir sıra mühüm layihələr həyata keçirib.
Rəsmi qəbul ziyafətlə davam edib. 28 May - Respublika Günü münasibətilə rəsmi qəbulda iştirak edən Avropa parlamentarisi, Parisin 7-ci rayonunun meri Rəşidə Dati ölkəmizə heyran olduğunu bildirib. Azərbaycanı tanıdığı andan ölkəmizə bağlandığını, Bakının ona çox doğma olduğunu vurğulayıb. Azərbaycan xalqının qonaqpərvərliyindən danışan Rəşidə Dati ölkəmizin qədim sivilizasiyaya və tarixə malik olduğunu diqqətə çatdırıb.
“Prezident İlham Əliyev və birinci xanım Mehriban Əliyeva ölkənin inkişafına müstəsna töhfələr veriblər. Mədəniyyət, təhsil, gender bərabərliyi sahəsində nəzərəçarpacaq irəliləyişlər əldə edilib. Bütün bunlar ölkənizin inkişafının göstəriciləridir. Mehriban xanım Əliyevaya böyük hörmətim var. O, ölkəsini böyük məhəbbətlə, fədakarlıqla təşviq və müdafiə edir. Azərbaycan xalqı, həmçinin biz Avropa parlamentariləri mədəniyyətlərarası dialoqa, eləcə də ölkənizin ikitərəfli və çoxtərəfli əlaqələrinin inkişafına verdiyi töhfələrə görə Mehriban Əliyevaya minnətdarıq. Bir Fransa vətəndaşı olaraq Mehriban Əliyevaya Azərbaycan mədəniyyətini bizə yaxından tanıtdığı üçün təşəkkür edirəm”, - deyə Rəşidə Dati vurğulayıb.
Filippinin Fransadakı səfiri Mariya Tereza Lazaro Bakıda keçirilən multikulturalizm, mədəniyyətlərarası dialoqla bağlı forumlarda iştirakından söz açıb. Bildirib ki, belə forumlar çox məhsuldardır və bütün dünya ölkələrinin gündəmindədir. Azərbaycan belə bir dialoq platforması yaratmaqla bütün dünyaya sülhün, harmoniyanın yolunu göstərib və göstərir. Ölkəmizə səfəri çərçivəsində Bakının görməli məkanları ilə tanışlığından danışan səfir paytaxtımızın Şərq ilə Qərb arasında körpü olan ecazkar bir şəhər olduğunu vurğulayıb. Vurğulayıb ki, özündə zəngin tarixi irsi yaşadan Bakı müasir tikililəri ilə göz oxşayır. Diplomat Azərbaycan dövlətinə bundan sonra da tərəqqi və inkişaf arzulayıb.
Fransalı jurnalist Gilmi Heli qeyd edib ki, Azərbaycan dinamik inkişaf edən, sabit bir ölkədir. Ölkəmizin müasirliyi, unikallığı haqqında eşitdiyini, amma bir müddət əvvəl Bakıya səfəri zamanı bunun əyani şahidi olduğunu diqqətə çatdırıb. Diqqətə çatdırıb ki, çox mürəkkəb regionda yerləşməsinə baxmayaraq, Azərbaycan daxili iqtisadi inkişafını təmin edib, qonşu ölkələrlə sağlam qarşılıqlı əlaqələr qura bilib. O deyib: “Azərbaycan Fransa üçün regionun ən mühüm əhəmiyyətə malik dövlətidir. Azərbaycan sabit iqtisadi tərəfdaş, enerji resursları qaynağı kimi Avropanın həyatında mühüm rol oynayır”.
On beş ildir Azərbaycana gedib-gəldiyini deyən fransalı jurnalist bildirib: “Ölkənizdə incəsənətin yüksək inkişafının şahidi olmuşam. Eyni zamanda, Venesiyada, Parisdə təşkil olunan beynəlxalq sərgilərdə Azərbaycan pavilyonlarını ziyarət etmişəm. Azərbaycanın dostuyam və həmişə də dostu olaraq qalacağam. Yaşasın Azərbaycan və azərbaycanlılar!”.
Tural Tağıyev




 
Bölməyə aid digər xəbərlər
12.11.2018
Misirdə sosial şəbəkələrdə yanlış informasiya yayanlar cəzalanacaq
11.11.2018
Türkiyə HHQ İraqın şimalında 14 terrorçunu məhv edib
11.11.2018
İranın xarici işlər nazirinin maraqlı “tviti”
10.11.2018
Angela Merkel antisemitizmin artmasına görə narahatdır
10.11.2018
Lionda Azərbaycan-Fransa Dialoq Assosiasiyasının təqdimatı olub

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10456

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info