ADPU- da attestasiya davam edir
Tarix: 25.05.2017 | Saat: 19:00:00 | E-mail | Çapa göndər


Azərbaycan Dövlət Pedaqoji Universitetində (ADPU) kafedralarda tədris olunan fənlər üzrə professor, dosent, baş müəllim və müəllim vəzifələrini tutmaq üçün müsabiqə keçirilir. Bununla yanaşı, mayın 25-dən başlayaraq ADPU-da tədris-yardımçı heyətin və Kitabxana-İnformasiya Mərkəzinin əməkdaşlarının da attestasiyasının keçirilməsinə başlanılıb. Belə ki, ADPU-nun rektoru, professor Cəfər Cəfərov “Azərbaycan Respublikasında təhsilin inkişafı üzrə Dövlət Strategiyası”nın tələblərini, “Azərbaycan Müəllimlər İnstitutunun Azərbaycan Dövlət Pedaqoji Universitetinə qoşulması barədə” Azərbaycan Respublikası Prezidentinin Sərəncamından irəli gələn müddəaları, eləcə də Əmək Məcəlləsini və “Təhsil haqqında” Qanunu əsas tutaraq universitetdə çalışan tədris-yardımçı heyətin və Kitabxana-İnformasiya Mərkəzinin əməkdaşlarının peşəkarlıq səviyyəsinin yoxlanılması, onların ixtisasına müvafiq olaraq tutduğu vəzifəyə (peşəyə) uyğunluğunun müəyyənləşdirilməsi və kadr potensialından səmərəli istifadənin təmin olunması məqsədilə müvafiq əmr imzalayıb. Əmrdə ADPU-da tədris-yardımçı heyətdə və Kitabxana-İnformasiya Mərkəzində çalışan, qanunvericiliklə attestasiyadan keçməli olan bütün işçilərin attestasiyasının keçirilməsi öz əksini tapıb. Həmin əmrə əsasən tədris-yardımçı heyətin və Kitabxana-İnformasiya Mərkəzinin əməkdaşlarının attestasiyasının təşkili və keçirilməsi üçün tanınmış və nüfuzlu təhsil ekspertləri, Əməkdar elm xadimi, professor Şahlar Əsgərov, Təhsil Şurasının sədri, Əməkdar müəllim, professor Əjdər Ağayev, həmçinin Zaur Bağırov, Vaqif Əliyev, Qumral Qədimova, Razim Məmmədov, İlham Əhmədov, İradə Əliyeva və Zakir Nağıyevin daxil olduğu attestasiyasiya komissiyası yaradılıb. Komissiya öz fəaliyyətini Əmək Məcəlləsinə, Nazirlər Kabinetinin “Azərbaycan Respublikasında işçilərin attestasiyasının keçirilməsi Qaydaları”na uyğun həyata keçirir. Əmrin icrası ilə əlaqədər universitetin İnsan resursları şöbəsi Həmkarlar İttifaqı Komitəsi və hüquqşünasla birlikdə attestasiyadan keçməli olan əməkdaşların siyahısını hazırlayıb komissiyaya təqdim edib. Bütövlükdə attestasiyaya 240 nəfər cəlb edilib. Attestasiya müsahibə formasında keçirilir. Qeyd etmək lazımdır ki, universitetin İnsan resursları şöbəsi tərəfindən bir müddət öncə tədris-yardımçı heyətin və Kitabxana-İnformasiya Mərkəzinin əməkdaşlarının bilik və peşəkarlıq səviyyəsinin müəyyən edilməsi məqsədilə ikimərhələli yoxlama keçirilib. Birinci mərhələdə onların informasiya-kommunikasiya texnologiyaları sahəsində bilik və bacarıqları yoxlanılıb. Yazılı qaydada aparılan ikinci mərhələdə isə onların ümumi elmi-nəzəri səviyyəsi, ixtisas bilikləri, eyni zamanda qanunvericiliklə bağlı bilikləri, məntiqləri, dünyagörüşləri yoxlanılıb. Onu da qeyd edək ki, tədris-yardımçı heyətin və Kitabxana-İnformasiya Mərkəzinin əməkdaşlarının imtahan zamanı göstərdikləri nəticələr attestasiya zamanı nəzərə alınacaq. ADPU-nun rektoru, professor Cəfər Cəfərov həm müsabiqənin, həm də attestasiyanın qanun çərçivəsində, şəffaf və obyektiv keçirilməsinə ciddi nəzarət edir.
Nigar




 
Bölməyə aid digər xəbərlər
03.04.2020
Tənha şəxslərə xidmət göstərənlərə evdən çıxmaq üçün icazə veriləcək
03.04.2020
Karantin dövründə rəhbər və işçiləri işə cəlb edilən dövlət orqanlarının sayı artırıldı
03.04.2020
Üçüncü Dünya müharibəsi alimlərin “savaşı” olacaqmı?!
03.04.2020
DMX koronavirusla bağlı növbəti videoçarx hazırladı - VİDEO
03.04.2020
Karantindən çıxan Azərbaycan vətəndaşları yaşayış yerlərinə necə qayıdacaq?

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11494

1 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”
2 Tural İsmayılov: “İndiki halda cəmiyyətdə milli birlik və məsuliyyət bir nömrəli amildir”
3 Prezident: Ölkəmizdə görülən bütün işlər, qəbul edilmiş qərarlar bir məqsədi güdür ki, biz bu ağır sınaqdan az itkilərlə çıxaq və vətəndaşlarımızı maksimum dərəcədə qoruyaq
4 Ukrayna saytında 31 mart - Azərbaycanlıların Soyqırımı Gününə dair məqalə dərc edilib
5 Dilşad Musadan karantin günləri ilə bağlı valideynlərə tövsiyələr!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info