İkinci Avropa Oyunları iyunun 21-30-da keçiriləcək
Tarix: 25.05.2017 | Saat: 20:29:00 | E-mail | Çapa göndər


Avropa Olimpiya Komitəsinin Skopye şəhərində keçirilən 38-ci seminarında “Minsk-2019” Avropa Oyunlarının keçirilmə vaxtı təsdiqlənib.
 Belarus Respublikasının Milli Olimpiya Komitəsinin saytında yer alan məlumata görə, oyunlar iyunun 21-30-da keçiriləcək. Açılış və bağlanış mərasimləri Minsk şəhərindəki “Dinamo” stadionunda baş tutacaq. Bəzi yarışlar Oyunların rəsmi açılışından bir gün əvvəl - iyunun 20-də başlaya bilər. “Dinamo” stadionunda rekonstruksiya işlərinin 2017-ci ilin sonlarında başa çatacağı gözlənilir. İnşaat işlərinin dövlət proqramı çərçivəsində aparıldığı və Avropa Oyunları ilə bağlı olmadığı bildirilir. Əvvəllər Belarusun futbol üzrə milli komandasının istifadəsində olan və 1980-ci ildə Yay Olimpiya Oyunlarının turnirlərini qəbul edən stadionda yüngül atletika yarışları keçiriləcək.
“Minsk-Arena” isə gimnastika üzrə yarışların məkanı kimi təsdiq edilib. 15 min azarkeş üçün nəzərdə tutulan çoxfunksional meydançada idman gimnastikası və bədii gimnastika, akrobatika, batutda tullanma yarışları olacaq. Arena 2013-cü il dünya çempionatında istifadə edilən velodromun da daxil olduğu üç binadan ibarət kompleksdir. Burada, həmçinin trekdə yarış və badminton üzrə yarışların təşkili nəzərdə tutulur.
Şose yarışları şəhərin küçələrində keçiriləcək, Minskin mərkəzində 2 min tamaşaçı tutumuna malik “Palova-Arena” 3X3 basketbol yarışlarına ev sahibliyi edəcək.
Boks turniri “Uruçye” İdman sarayında, sərbəst, yunan-Roma, qadın güləşləri və sambo – “Çijovka-Arena”da təşkil olunacaq. Sprinter kanoesində yarışlar “Zaslavle” avarçəkmə kanalında, karate və cüdo – İdman Sarayında, çimərlik futbolu və çimərlik voleybolu – Olimpiya İdman Kompleksində, atıcılıq – “Sporting Club”da, stolüstü tennis – “Falcon Club”da, kamandan oxatma – “Minsk” futbol klubunun meydanlarında keçiriləcək.
Həmçinin oyunların proqramına daxil edilən 16 idman növündən 11-nin “Olimpiada-2020”-yə lisenziya xarakteri daşıdığı təsdiqlənib. Gimnastika və güləş, 3X3 basketbol, sambo və çimərlik futbolu olimpiya proqramına daxil olunmadığı üçün istisna təşkil edir.
İdmançılar tələbə şəhərciyində yerləşdiriləcək. İkinci Oyunlarda 4 min idmançının və 2 min rəsmi şəxsin iştirakı gözlənilir.
Avropa Olimpiya Komitəsinin Koordinasiya Komissiyası Yunanıstan Olimpiya Komitəsinin prezidenti Spiros Kapralosun başçılığı ilə yarışların keçiriləcəyi idman arenalarında olub .
Belarusun Baş naziri Andrey Kobyakov “Minsk-2019”-un təşkilat komitəsinin sədri seçilib. Əvvəllər Belarus Respublikasının Milli Olimpiya Komitəsinin baş katibi işləyən Georgi Katulin direksiyaya başçılıq edəcək. Milli Olimpiya Komitəsinin hazırkı baş katibi Anatoli Kotov isə onun müavini olacaq. Birinci vitse-prezident Andrey Astaşeviç “Minsk-2019”-un nümayəndəsi kimi kooperativ üzv qismində Avropa Olimpiya Komitəsinin icraçı komitəsinin heyətinə daxil ediləcək. Sergey Şablıko Oyunların idman direktoru təyin olunub.
“Minsk-2019” işçi qrupu Oyunların şüarının “Bright You” (“Əlvan sən”) olacağını bəyan edib.
Avropa Olimpiya Komitəsi idmançıların və Milli Olimpiya komitələrinin rəsmi nümayəndələrinin yol xərclərini üzərinə götürəcək, “Minsk-2019” isə qəbul edən tərəf kimi şəhərdə qalmaq xərclərini ödəyəcək.
Xatırladaq ki, ilk Avropa Oyunları 2015-ci ildə Azərbaycanın paytaxtı Bakı şəhərində keçirilib.
Tural




 
Bölməyə aid digər xəbərlər
22.02.2019
UEFA Avropa Liqası: “Fənərbaxça“ turnirdə mübarizəni dayandırıb
22.02.2019
Azərbaycan Gimnastika Federasiyası “Mükafatlandırılan federasiyalar” siyahısında birinci olub
22.02.2019
Rusiyalı atlet Anjelika Sidorova Almaniyada qış çempionatının qalibi olub
21.02.2019
Dünya futbol ulduzları Bakıya gələcəklər
21.02.2019
Azərbaycan Gimnastika Federasiyası FIG tərəfindən “Mükafatlandırılan Federasiyalar“ siyahısında birinci olub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10611

1 Milli qəhrəmanlara və şəxsiyyətlərə hücum savaşın tərkib hissəsidir
2 “Əsas oxucu kütləsi sayılan gənclər bu gün internet mediaya daha çox üstünlük verirlər”
3 ABŞ-da atışma: xəsarət alanlar var
4 Londonda Karl Marksın məzarına növbəti dəfə vandal hücumu olub
5 Əsərləri dünyanın bütün elektron kitabxanalarında yer alan azərbaycanlı yazar


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info