“Tələbə nəzəri biliyinə görə deyil, tədqiqat işlərinə görə qiymətləndirilməlidir”
Tarix: 26.05.2017 | Saat: 20:06:00 | E-mail | Çapa göndər


Xəbər verildiyi kimi Bakıda SABAH-ın Müəllimi adı altında ali məktəb müəllimlərinin I forumu keçirildi. Forumda Təhsil Nazirliyi, SABAH qrupu əməkdaşları, ADPU-nun rəhbərliyi və müəllim-kollektiv heyəti, “Microsoft” şirkətinin nümayəndələri təmsil olunurdular. Forumda əsas təşkilatçılarından olan ADPU-nun rektoru professor Cəfər Cəfərov, universitetin elmi işlər üzrə prorektoru, professor Asəf Zamanov, tədris işləri üzrə prorektor, professor M. Cəbrayılov, Riyaziyyat və informatika fakültəsinin dekan müavini, dos.Nahidə Acalova, ADPU-nun SABAH qruplarının mərkəz rəhbəri Lalə Mürsəlbəyova, ADPU-nun SABAH qruplarının koordinatoru Rəna Heydərova və başqaları yaxından iştirak edirdilər. Azərbaycan Dövlət Pedaqoji Universitetininin rektoru, tarix elmləri doktoru, professor Cəfər Cəfərov belə forumların tez-tez keçirilməsini məqsədəuyğun hesab edir: “Əvvəla ADPU-nun rəhbərliyi olaraq, bu forumun təşkilində iştirak etməyimizdən qürur və məmnunluq duyuruq. Müəllim hazırlığında davamlı olaraq hər zaman belə forumların keçirilməsini təklif edirəm. Müasir dövrümüzdə bilgi hamı üçün çox asanlıqla əldə edilə bilən bir sahə olub. Bu gün İnformasiya və Kommunikasiya Texnologiyaları vasitəsilə hər kəs istənilən bilgiyə sahib ola və onu asanlıqla mənimsəyə bilər. Son illərdə ölkəmizdə təhsilin inkişafı ilə bağlı mühüm addımlar atılıb. Bu gün ölkəmizdə təhsil islahatları həyata keçirilməklə müasir müəllim kimliyi formalaşır”.
Bu foruma ADPU-nun baş müəllimi Məlahət Abdullayevanın münasibətini öyrəndik: “Müəllimlər gələcəyin insanlarını yetişdirir. Bu mənada forum bir çox həlli tələb olunan məsələlərə aydınlıq gətirdi və mən bəzi nəticələrə də gəldim. Əgər məndən soruşsalar ki, bu gün ali məktəbi bitirən tələbəyə nə öyrətməliyik, nə verməliyik - artıq düşünmədən cavab verərdim ki, hər bir tələbəyə gələcəyə getmək üçün lazım olan açarı verməliyik.
Dünya beş ildən bir sürətlə dəyişir. Biz müəllimlərin vəzifəsi dəyişən dünyamızın tələblərinə cavab verən, rəqabətədavamlı gənclər formalaşdırmaqdır. Bu isə müəllimdən yalnız bilik vermək deyil, dünyagörüşü inkişaf etdirməyi tələb edir. Digər tərəfdən, gənclərin də arzu və istəkləri sürətlə dəyişir. Bundan ötrü tələbələrə sərbəstlik vermək lazımdır. Bu gün orta məktəblərdə tətbiq olunan, lakin ali məktəblərdə tətbiqinə təsadüfən rast gəlinən kurikulumun tələblərindən istifadə olunmalıdır. Tələbələr öyrəndikləri nəzəri biliklərə görə deyil, tədqiqat işlərinə görə qiymətləndirilməlidirlər”.
Artıq əminliklə deyə bilərik ki, ölkəmizdə Təhsil Nazirliyinin təşəbbüsü ilə yaradılan SABAH qruplarında yeni və fərqli mühitdə təhsil alan tələbələr əmək bazarının tələblərinə cavab verirlər. Beləliklə, bu forum belə nəticəyə gəlməyə imkan verir ki, müasir dövr yeni insandan daha çox bacarıqlar tələb edir. Hesab edirik ki, belə forumların keçirilməsi həm müəllimlər, həm də tələbələr üçün maarifləndirici xarakter daşıyır və çalışmaq lazımdır ki, bu kimi tədbirlər davamlı olaraq keçirilsin.

Aytən Əlisgəndərova




 
Bölməyə aid digər xəbərlər
14.11.2018
“Bakcell”in baş icraçı direktoru Londonda rəqəmsal transformasiya haqqında danışıb
14.11.2018
“Dini maarifləndirmə işinin təşkili: gerçəkliklər və perspektivlər”
14.11.2018
Slovakiyalı qonaqlar Qobustan qoruğundan xoş təəssüratla ayrılıblar
14.11.2018
Monitorinq Mərkəzi ədəbi dildə norma pozuntularının aradan qaldırılması yollarını müəyyənləşdirəcək
14.11.2018
2018-ci ilin oktyabr ayı ərzində Dövlət Miqrasiya Xidmətinə 47 min 985 müraciət qeydə alınıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10469

1 “Universitetlərdə rəhbər şəxslərin qapıları tələbələr üçün daim açıq olur”
2 “Xaricdə təhsilimi davam etdirsəm, psixologiya sahəsini seçəcəyəm”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info