“Dünyadakı vəziyyət nəzarətdən çıxa bilər”
Tarix: 26.05.2017 | Saat: 23:35:00 | E-mail | Çapa göndər


Donald Tusk: “Qlobal qaydaların qorunmasına nail olmalı və birliyi saxlamalıyıq”
İtaliyanın Taormina şəhərində keçirilən “Böyük yeddilik” sammiti son illərin ən çətin sammitlərindən biri kimi yadda qalacaq. Bu barədə açıqlama verən Avropa Şurasının sədri Donald Tusk qeyd edib ki, tədbirdə qoyulan məsələlərə iştirakçı ölkə liderlərinin fərqli yanaşmaları var. Xatırladaq ki, sammit İtaliyanın Taormina şəhərində ABŞ, Kanada, Böyük Britaniya, Fransa, Almaniya, İtaliya və Yaponiya liderlərini yenidən bir araya gətirib. “Biz sammitdə ən ciddi beynəlxalq problemləri müzakirə etməyi məqsəd kimi qarşıya qoymuşuq. Şübhəsiz ki, bu, son illərin ən gərgin və çətin sammitlərindən biri kimi tarixə düşə bilər. Heç də gizli deyil ki, bu gün dünya liderlərinin əksəriyyəti iqlim dəyişikliyi, ticarət və s. kimi məsələlərə müxtəlif aspektlərdən yanaşırlar. Buna baxmayaraq, bizim başlıca məqsədimiz “yeddiliyin” bütün istiqamətlərdəki birliyini təmin etməyə çalışmaq və buna nail olmaqdır”. Siyasətçi bildirib ki, sammitin ən mühüm yekunu qlobal qaydaların qorunmasına nail olmaq və bu birliyi qoruyub saxlamaqdan ibarət olacaq: “Biz hər gün sülh və təhlükəsizliyi təhdid edən strateji problemlərlə qarşılaşırıq. Bu gün dünya çətin günlərini yaşayır. Suriyada atəş səsləri səngimir, Şimali Koreyanın nüvə sınaqları, Cənubi Çin dənizindəki hərbiləşmə bu gün də davam edir. Əgər, bizim qrup qətiyyət və birliyini itirərsə, dünyadakı vəziyyət nəzarətdən çıxa bilər”. Qeyd edək ki, bir müddət əvvəl Ağ Evin Milli İqtisadi Şurasının rəhbəri Qeri Kon “Böyük yeddiliy”in görüşündə əsas mövzu kimi Rusiya mövzusunun olacağını bildirmişdi.
Ağasəf Babayev




 
Bölməyə aid digər xəbərlər
13.11.2018
“Ölkəmizdə elə bir sahə yoxdur ki, orada qadınlar təmsil olunmasınlar”
13.11.2018
Marko Alvera: TAP-ın inşası 2020-ci ildə başa çatacaq
13.11.2018
Tereza Mey: “Brexit” müzakirələri son mərhələyə çatıb
10.11.2018
ABŞ İrana qarşı hərbi əməliyyat planlaşdırmır
09.11.2018
Ermənistanın KTMT-dəki nümayəndəsinin geri çağırılması təbiidir, çünki rəsmi Yerevan yanlış siyasət yürüdür

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10461

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info