“Dövlət qurumlarının reyestr bazaları Komitənin bazasına inteqrasiya olunmalıdır”
Tarix: 30.05.2017 | Saat: 15:22:00 | E-mail | Çapa göndər


Bakıda "Yüksək səviyyəli statistiklər üçün Dayanıqlı İnkişaf Məqsədləri üzrə məlumat və statistikaya dair" sub-regional seminar başlayıb.
 
Seminarda BMT-nin Asiya və Sakit okean ölkələri üzrə Statistika İnstitutu, MDB Dövlətlərarası Statistika Komitəsi, İslam Əməkdaşlıq Təşkilatı, İslam Ölkələrinin Statistik, İqtisadi, Sosial Tədqiqatlar və Təlim Mərkəzi, Almaniya, Belarus, Bolqarıstan. Gürcüstan, Qazaxıstan, Qırğızıstan, Moldova, Monqolustan, Özbəkistan, Rusiya, Tacikistan və Türkiyə statistika qurumlarının rəhbər şəxsləri iştirak edir. 
 
Seminar 2 gün davam edəcək. Tədbirdə çıxış edən Azərbaycan Dövlət Statistika Komitəsinin sədri Tahir Budaqov deyib ki, "Dünyamızın transformasiyası: 2030-cu ilədək dayanıqlı inkişaf sahəsində Gündəlik"lə müəyyən edilmiş məqsəd və hədəflər üzrə irəliləyişin milli, regional  və qlobal səviyyədə monitorinqinin aparılması üçün tələb olunan yüksək keyfiyyətli, əlçatan, vaxtlı-vaxtında verilən, etibarlı və təfsilatlı məlumatların təmin edilməsi baxımından BMT-nin Statistika Komissiyasının 48-ci sessiyasında təsdiq edilmiş qlobal göstəricilər sistemi böyük əhəmiyyətə malikdir. O bildirib ki, Dayanıqlı İnkişaf Məqsədlərinə nail olma vəziyyətinin qiymətləndirilməsi üçün informasiya təminatının həyata keçirilməsi statistiklərin üzərinə yeni vəzifələr qoyur: “Dövlət qurumlarının reyestr bazaları Dövlət Statistika Komitəsinin reyestr bazasına inteqrasiya olunmalıdır. Bunun üçün beynəlxalq qurumlarının dəstəyinə böyük ehtiyac var”.
 
Baş nazirin müavini Əli Əhmədov seminarın qarşıya qoyduğu məqsədlərə nail olacağına inandığını söyləyib: "İnanıram ki. Dayanıqlı İnkişaf Məqsədlərinə nail olmaq üçün uğurlu konsepsiya ortaya qoyacaqsınız". 
 
Ailə, Qadın və Uşaq Problemləri üzər Dövlət Komitəsinin sədri Hicran Hüseynova qeyd edib ki, 2030-cu ilə qədər yoxsulluğa son qoymaq üçün BMT-nin Dayanıqlı İnkişaf Məqsədləri üzrə 17 məqsəd müəyyənləşdirilib: "Azərbaycanda ailə institutunun möhkəmləndirilməsi üçün vahid siyasət həyata keçirilir. Statistik məlumatların toplanması həyata keçirilən siyasətin daha da təkmilləşməsinə gətirib çıxarıb. Rəsmi statistikada xüsusən qızların erkən nikaha daxil olması, zorakılıq, küçə uşaqları və digər istiqamətlər üzrə həyata keçirilib. Bu tədqiqatlar bizə ölkə üzrə real vəziyyəti qiymətləndirməyə imkan verir”.
 
BMT-nin ölkəmizdə yeni təyin olunmuş rezident əlaqələndiricisi Qulam İshakzai Dayanıqlı İnkişaf Məqsədlərinə heç kəsin kənarda qalmamalı olduğunu vurğulayıb: "Bunun üçün rəsmi statistikanın önəmi böyükdür. İnanıram ki, Azərbaycanda bu sahələrdə görülən işlər barədə məlumatlar, statistika UNİCEF vasitəsi ilə BMT-yə çatdırılacaq. Azərbaycan könüllü olaraq Dayanıqlı İnkişaf Məqsədləri üzrə hesabatı iyulda Nyu-Yorkda təqdim etmək təşəbbüsü ilə çıxış edib. BMT qurumlarının bu sahədə Azərbaycana dəstək verməsi vacibdir. BMT bu yaxınlarda qəbul edilmiş yol xəritələri üzrə də Azərbaycana dəstək vermək niyyətindədir".
 
Tədbir çıxışlarla davam edib.
Tural Tağıyev




 
Bölməyə aid digər xəbərlər
21.02.2019
Dövlət Əmək Müfəttişliyi Xidməti işəgötürənlərə müraciət edib
21.02.2019
DMX tələbə və məzunlar üçün təşkil olunan “Karyera sərgisi”ndə iştirak edib
21.02.2019
Migel Silva Pinto “ASAN xidmət” mərkəzi ilə tanış olub
21.02.2019
Azərbaycan əhalisinin banklardakı pulu 8 milyard manatı ötüb
20.02.2019
Özünüməşğulluq proqramına cəlb edilənlərin “Məşğulluq” altsistemində ayrıca kabineti olacaq

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Tural Tağıyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10609

1 “Gürcüstanda yaşayan gürcü və azərbaycanlı gənclərin mütəmadi görüşlər keçirməsi vacib şərtdir”
2 Milli qəhrəmanlara və şəxsiyyətlərə hücum savaşın tərkib hissəsidir
3 “Əsas oxucu kütləsi sayılan gənclər bu gün internet mediaya daha çox üstünlük verirlər”
4 ABŞ-da atışma: xəsarət alanlar var
5 Yunanıstanda Azərbaycan milli musiqi alətlərinin təqdimatı keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info