Astanada II Beynəlxalq “Böyük Çöl” Humanitar Forumu keçirilib
Tarix: 26.05.2017 | Saat: 20:02:00 | E-mail | Çapa göndər


Qazaxıstanın paytaxtı Astanada Beynəlxalq Türk Akademiyasının təşkilatçılığı, Türk Tarix Qurumu və TİKA-nın dəstəyi ilə II Beynəlxalq “Böyük Çöl” Humanitar Forumu keçirilib. Forumda türkdilli dövlətlər arasında elmi inteqrasiya, türk ədəbiyyatı və dillərinin tədqiqi, tarix, arxeologiya, etnoqrafiya və digər sahələrdə müasir tendensiyaların və inkişaf meyllərinin öyrənilməsi müzakirə olunub.
Dünyanın müxtəlif ölkələrindən 300-ə yaxın alim və tədqiqatçının qatıldığı tədbiri açıq elan edən Beynəlxalq Türk Akademiyasının prezidenti Darxan Kıdırali forumun əsas məqsədinin Türk dünyasının mədəni dəyərlərinin bəşəriyyətin inkişafındakı yeri və rolunu müzakirə etmək, mütəxəssisləri bir araya gətirərək elmi əməkdaşlığı və informasiya mübadiləsini gücləndirmək, qlobal və regional problemlərin həllinə yardım göstərə biləcək təkliflər hazırlamaq olduğunu bildirib.
Qazaxıstanın Dövlət katibi Gülşara Abdikalikova Prezident Nursultan Nazarbayevin Foruma ünvanladığı təbrik məktubunu oxuyub.
Türkologiyanın inkişafı və türkdilli dövlətlər arasında elmi inteqrasiyanın inkişafındakı xidmətlərinə görə, Tatarıstanın və Rusiyanın nüfuzlu elm xadimi Mirfatih Zəkiyev, Qazaxıstanın elm və dövlət xadimi Mirzatay Joldasbekov Türk Akademiyasının qızıl medalı ilə təltif olunublar.
UNESCO, İSESCO, İqtisadi Əməkdaşlıq Təşkilatı Elm Fondu, Türkdilli Dövlətlərin Əməkdaşlıq Şurası, TürkPA, TÜRKSOY, eyni zamanda digər qurumların rəhbərləri və təmsilçilərinin qatıldığı forum daha sonra müxtəlif panellər üzrə işini davam etdirib. “Mənəvi oyanışın yolları”, “Elmi inteqrasiya və ortaq dəyərlər”, “Tarixi yaddaş və gələcəyə baxış”, “Türk ədəbiyyat ənənələri və müasir durum”, “Türk dillərinin tədqiqi və qorunması” kimi bölmələrdə müzakirələr aparılıb.
Azərbaycan Milli Elmlər Akademiyası Folklor İnstitutunun direktoru, İctimai Televiziyanın Yayım Şurasının sədri, akademik Muxtar İmanov “Mifoloji düşüncədə içtərəfli qarşılaşdırma və bədii ədəbiyyatda obrazın ikiləşməsi problemi”, siyasi elmlər fəlsəfə doktoru Asif Usubəliyev “Türkdilli dövlətlərin mədəni siyasətində dəyərlərin üstünlüyü”, Azərbaycan Milli Elmlər Akademiyası Ədəbiyyat İnstitutundan filologiya üzrə fəlsəfə doktoru Ağahüseyn Şükürov isə “Müstəqillik illərində Azərbaycan-qazax ədəbi əlaqələri” mövzusunda məruzə ilə çıxış ediblər.
Çıxışlarda qeyd olunub ki, elm adamlarının birgə layihələr həyata keçirməsi, bütün dünyadan türkoloq alimlərin bir araya gəlib, eyni mənəvi irsi bölüşməyi öyrənmələri baxımından forumun böyük əhəmiyyəti var
Forumun sonunda bəzi sahələr üzrə ortaq daimi komitələrin yaradılması və birgə layihələr həyata keçirilməsi barədə razılıq əldə olunub.

Fuad




 
Bölməyə aid digər xəbərlər
03.04.2020
Tənha şəxslərə xidmət göstərənlərə evdən çıxmaq üçün icazə veriləcək
03.04.2020
Karantin dövründə rəhbər və işçiləri işə cəlb edilən dövlət orqanlarının sayı artırıldı
03.04.2020
Üçüncü Dünya müharibəsi alimlərin “savaşı” olacaqmı?!
03.04.2020
DMX koronavirusla bağlı növbəti videoçarx hazırladı - VİDEO
03.04.2020
Karantindən çıxan Azərbaycan vətəndaşları yaşayış yerlərinə necə qayıdacaq?

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11493

1 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”
2 Tural İsmayılov: “İndiki halda cəmiyyətdə milli birlik və məsuliyyət bir nömrəli amildir”
3 Prezident: Ölkəmizdə görülən bütün işlər, qəbul edilmiş qərarlar bir məqsədi güdür ki, biz bu ağır sınaqdan az itkilərlə çıxaq və vətəndaşlarımızı maksimum dərəcədə qoruyaq
4 Ukrayna saytında 31 mart - Azərbaycanlıların Soyqırımı Gününə dair məqalə dərc edilib
5 Dilşad Musadan karantin günləri ilə bağlı valideynlərə tövsiyələr!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info