ADNSU-nun rektoru İndoneziyanın ölkəmizdəki səfiri ilə görüşüb
Tarix: 30.05.2017 | Saat: 20:05:00 | E-mail | Çapa göndər


Azərbaycan Dövlət Neft və Sənaye Universitetinin (ADNSU) rektoru, professor Mustafa Babanlı mayın 30-da İndoneziya Respublikasının Azərbaycan Respublikasındakı səfiri Husnan Bəy Fananie ilə görüşüb.
Rektor Mustafa Babanlı səfirə ADNSU, İndoneziya ilə Azərbaycan arasında təhsil sahəsindəki əlaqələr, universitetdəki tədris prosesi və tələbələr haqqında ətraflı məlumat verib. Ötən əsrin 60-cı illərində universitetdə İndoneziyadan olan tələbələrin çoxluq təşkil etdiyini qeyd edən rektor hazırda ADNSU-da təhsil alan əcnəbi tələbələr arasında İndoneziyadan olan gənclərin olmadığını bildirib. Keçmiş Azİİ-nin 49 nəfər indoneziyalı məzunu olduğunu qeyd edən rektor hazırda universitetin daha çox əcnəbi tələbə qəbul etmək üçün kifayət qədər potensiala malik olduğunu vurğulayıb.
“Hazırda ADNSU-da 22 ölkədən 500-dək əcnəbi tələbə təhsil alır. Universitetimizin 3 səviyyədə, bakalavr, magistratura və doktorantura pillələrində təhsil vermək imkanı var. Çox istərdim ki indoneziyalı gənclərin ADNSU-ya marağını yenidən artıraq”, - deyə rektor, professor M.Babanlı bildirib. O eyni zamanda ADNSU-ya tələbə cəlb etməklə yanaşı həm də qarşı tərəfin təcrübəsinin öyrənilməsində, İndoneziya ali məktəbləri ilə əlaqələrin qurulmasında da maraqlı olduğunu qeyd edib. Rektor M.Babanlı İndoneziyanın ali məktəbləri ilə həm Startap layihələrində həm də tələbə mübadiləsində əməkdaşlığa hazır olduğunu vurğulayıb.
Səfir Husnan Bəy Fananie müsəlman ölkəsi kimi İndoneziyanın Azərbaycanla əlaqələrinə hər zaman yüksək qiymət verdiyini və ölkəmizdən ən çox neft alan ölkə olduğunu bildirib. İndoneziyanın tarixi və sənaye sahələri, eləcə də ali təhsil ocaqları haqqında geniş məlumat verən səfir cənab H.Fananie hazırda İndoneziyada 7000 universitet olduğunu diqqətə çatdırıb.
“Biz Azərbaycanla dostluq və qardaşlıq münasibətlərinə hər zaman yüksək önəm vermişik. Bu gün də müxtəlif sahələrdə əlaqələrimizin inkişafına xidmət edən işlər görmək üçün çalışırıq. Sizin universitet haqqında çox eşitmişəm. Düşünürəm ki, bu sahə ölkələrimiz üçün olduqca vacibdir. Buna görə də təhsil sahəsində hər cür əməkdaşlığa açığıq. Sentyabrda İndoneziya mədəniyyəti günləri çərçivəsində yeni layihələr düşünürük və bu layihələrdə ADNSU ilə də əməkdaşlıq etməyi çox istərdik”, - deyə səfir bildirib.
İndoneziya Respublikasının səfiri Husnan Bəy Fananie hər il 7 nəfər azərbaycanlı gəncin tələbə mübadiləsi çərçivəsində təhsil almaq üçün İndoneziyaya göndərildiyini də diqqətə çatdırıb.
Mahmud




 
Bölməyə aid digər xəbərlər
03.04.2020
Tənha şəxslərə xidmət göstərənlərə evdən çıxmaq üçün icazə veriləcək
03.04.2020
Karantin dövründə rəhbər və işçiləri işə cəlb edilən dövlət orqanlarının sayı artırıldı
03.04.2020
Üçüncü Dünya müharibəsi alimlərin “savaşı” olacaqmı?!
03.04.2020
DMX koronavirusla bağlı növbəti videoçarx hazırladı - VİDEO
03.04.2020
Karantindən çıxan Azərbaycan vətəndaşları yaşayış yerlərinə necə qayıdacaq?

Şərh əlavə olunmayıb

    ,    
Tural Tağıyev
Anar MİRİYEV
Ağasəf Babayev
Fuad HÜSEYNZADƏ
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 11493

1 Psixoloq Tünzalə Verdiyeva: “Azərbaycanda “İtaliya təcrübəsi”ni yaşamamaq üçün son dərəcə məsuliyyətli olmaq vacibdir”
2 Tural İsmayılov: “İndiki halda cəmiyyətdə milli birlik və məsuliyyət bir nömrəli amildir”
3 Prezident: Ölkəmizdə görülən bütün işlər, qəbul edilmiş qərarlar bir məqsədi güdür ki, biz bu ağır sınaqdan az itkilərlə çıxaq və vətəndaşlarımızı maksimum dərəcədə qoruyaq
4 Ukrayna saytında 31 mart - Azərbaycanlıların Soyqırımı Gününə dair məqalə dərc edilib
5 Dilşad Musadan karantin günləri ilə bağlı valideynlərə tövsiyələr!


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info