Kabildəki terror aktından sonra Əfqanıstanda 11 yaraqlı edam ediləcək
Tarix: 02.06.2017 | Saat: 00:43:00 | E-mail | Çapa göndər


Əfqanıstan Prezidenti Əşrəf Qəni dünən Kabildə diplomatik korpusun yerləşdiyi məhəllədə törədilmiş partlayışdan sonra “Taliban” hərəkatı və “Hakkani şəbəkəsi” qruplaşması ilə bağlılığı olan 11 yaraqlı barədə ölüm hökmünün icrası barədə göstəriş verib. Bu məlumatı “Tolo” telekanalı yayıb. Telekanalın məlumatına görə, Əfqanıstan liderinin imzaladığı qərar ekstremist təşkilatların əsas səhra komandirlərinə şamil edilir. Bununla belə, həmin siyahıda “Hakkani şəbəkəsi” qruplaşmasının yaradıcısı Calaluddin Hakkaninin oğlu və hazırkı başçısı Siracuddin Hakkaninin qardaşı Anas Hakkaninin adına rast gəlinmir. Xatırladaq ki, çərşənbə günü səhər Kabilin Vəzir Əkbər Xan məhəlləsində, bir sıra ölkələrin diplomatik missiyalarının yerləşdiyi “yaşıl zonanın” girişində minalanmış avtomobil partladılıb. Əfqanıstan Səhiyyə Nazirliyinin son məlumatına görə, partlayış nəticəsində 90 nəfər həlak olub, 380 nəfər yaralanıb. Partlayışdan zərər çəkənlər arasında səfirlik işçiləri və KİV nümayəndələri də var. Belə ki, BBC teleradio korporasiyasının və Əfqanıstanın Tolo TV kanalının əməkdaşlarının həlak olduqları, İran səfirinin, Yaponiya səfirliyinin iki əməkdaşının, Misir səfirliyinin gözətçisinin, AFR səfirliyinin xidmətçilərinin və jurnalistlərin yaralandıqları bildirilir. Partlayışın məsuliyyətini İŞİD terror qruplaşması üzərinə götürüb. Lakin sonradan Əfqanıstan milli təhlükəsizlik xidməti terror aktının “Hakkani şəbəkəsi” qruplaşması tərəfindən planlaşdırıldığını bəyan edib. Bu qruplaşma Pakistanın Şimali Vəziristan rayonunda yerləşir və Əfqanıstanın hakimiyyət orqanları ilə mübarizə aparır.




 
Bölməyə aid digər xəbərlər
18.01.2019
“Ermənistanda xalq əvvəlkindən də pis yaşamağa başlayıb”
18.01.2019
“Təhlükəsiz bölgə Suriyanın şimalında sabitlik üçün vacibdir”
18.01.2019
Erməni zabitlər qəzaya uğrayıb: biri ölüb, digəri isə ağır vəziyyətdədir
18.01.2019
“Rusiya Latviya ərazisindəki NATO bazasını bir neçə dəqiqəyə məhv edər”
18.01.2019
Ermənistan-İran münasibətlərində gərginlik yarana bilər

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Nikola Sarkozi: “Bakıda böyük quruculuq işlərinin şahidi oldum”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info