Səhiyyə Nazirliyinin 19 adda elektron xidməti yenidən hazırlanaraq istifadəyə verilib
Tarix: 06.06.2017 | Saat: 17:07:00 | E-mail | Çapa göndər


Səhiyyə Nazirliyi tərəfindən göstərilən elektron xidmətlərin asanlaşdırılması məqsədilə 19 adda elektron xidmət yenidən hazırlanaraq vətəndaşların, tibb işçilərinin xidmətinə verilib. APA-nın xəbərinə görə, Səhiyyə Nazirliyinin Səhiyyənin İnformasiyalaşdırılması Mərkəzinin direktoru Cəbrayıl Əsədzadə “Açıq hökumətin təşviqinə dair 2016-2018-ci illər üçün Milli Fəaliyyət Planı”nın icrası üzrə Səhiyyə Nazirliyinin gördüyü işlərə dair tədbirdə bildirib ki, bunlara “Doğum haqqında tibbi şəhadətnamə” elektron registrindən məlumatların verilməsi, xarici ölkələrdə ali və orta ixtisas təhsili almış, diplomdan sonra ixtisaslaşma keçən tibb və əczaçılıq işçilərinin işə buraxılması üçün müraciətin və sənədlərin qəbulu və digər xidmətlər daxildir.
Onun sözlərinə görə, elektron xidmətlərin asanlaşdırılması nəticəsində tələb olunan sənədlərin sayı azalıb və xidmətlərdən istifadə rahatlaşıb. C.Əsədzadə qeyd edib ki, aparılan işlər nəticəsində elektron xidmətlərin vətəndaşlar tərəfindən istifadəsi günü-gündən artır: “Bir sıra xidmətlərin yenidən hazırlanması nəticəsində yalnız 2016-cı il ərzində elektron xidmətlərdən istifadə edənlərin sayı 115 mini keçib. Ən çox istifadə olunan elektron xidmətlər tibb işçiləri tərəfindən vətəndaşların işə qəbulla bağlı müsabiqədə iştirak və sənədlərin qəbuludur. Yalnız cari ilin may ayının 1-dən 20-nə kimi bu xidmətdən 20 mindən çox vətəndaş istifadə edilib. Nazirlər Kabineti tərəfindən təsdiq olunan elektron xidmətlərin sayı 38 olsa da, artıq faktiki olaraq Səhiyyə Nazirliyi tərəfindən göstərilən xidmətlərin sayı 40-ı keçib. Bu sayda gündən-günə artır və xidmətlərin keyfiyyətinin artırılmasına çalışırıq. Xidmətlərin göstərilməsi zamanı tələb olunan sənədlərin azalması, mobil versiyaların hazırlanması sahəsində işlər daima davam etdirilir”.
Nazirlik rəsmisi qeyd edib ki, bu gün yalnız elektron xidmətlərin tətbiq olunanları barədə danışmaq olar. Onun sözlərinə görə, elektron xidmətlərdən nəzərdə tutulanların çoxu tətbiq edilir. C.Əsədzadə vurğulayıb ki, hansısa yeni bir tələblərə qarşılıq olaraq elektron xidmətlər yenilənir, uğurla istifadə olunur: “Zamanla ehtiyac və tələbat olduqca yeni elektron xidmətlər yaradılır. Hazırda Səhiyyə Nazirliyinin saytının, Elektron Səhiyyə Xidmətinin yeni mobil versiyasının hazırlanması üzərində iş gedir”.




 
Bölməyə aid digər xəbərlər
12.11.2018
Daha 4 vərəsəyə sığorta ödənişi aldıqlarına dair sənədlər təqdim edilib
07.11.2018
Şamaxıda Qaravəlli kənd məktəbi əsaslı təmirdən sonra istifadəyə verilib
07.11.2018
Vərəsələrə verilmiş sığorta ödənişi ilə bağlı təsdiqedici sənədlər ictimaiyyətə təqdim olunub
07.11.2018
Tələbələrə adlı təqaüd təqdim edilib
07.11.2018
“Sağlam məktəbli” layihəsi davam edir

Şərh əlavə olunmayıb



    ,    
Tural Tağıyev
Namiq Əliyev
Namiq Əliyev
Mehriban Nəsib
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10458

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitet müəllimi 30-40 il əvvəl qazandığı bilik və metodlarla auditoriyaya girməməlidir”
4 “Universitetlərdə rəhbər şəxslərin qapıları tələbələr üçün daim açıq olur”
5 Polşalı şagirdlər Azərbaycan nağıllarına illüsturasiyalar çəkiblər


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info