«Azərbaycanla əlaqələrimiz dinamik şəkildə inkişaf edir»
Tarix: 24.04.2013 | Saat: 23:51:00 | E-mail | Çapa göndər


Mixail Myasnikoviç: «İnformasiya-kommunikasiya
texnologiyaları sahəsində Azərbaycanla əməkdaşlığa böyük önəm veririk»


Azərbaycan kosmik sferada istifadə olunan texnologiya ilə bağlı Belarusun təcrübəsindən istifadə etməkdə maraqlıdır. Bu haqda Belarusun «Belapan.ru» saytı məlumat yayıb. Sayt yazır ki, bu məsələ Azərbaycanın rabitə və informasiya texnologiyaları naziri Əli Abbasovun Minskdə bu ölkənin baş naziri Mixail Myasnikoviçlə keçirilən görüşündə səsləndirilib.

Belarus hökumətinin mətbuat xidmətinin yaydığı məlumatda qeyd edilir ki, tərəflər informasiya texnologiyaları sahəsində əməkdaşlığın inkişaf etdirilməsi məsələsi ətrafında geniş fikir mübadiləsi aparıblar. Məlumatda qeyd edilir ki, azərbaycanlı nazir Yerin öyrənilməsi ilə bağlı hazırlanan Belarus peykinin orbitə buraxılması sahəsində təcrübənin öyrənilməsinin əhəmiyyətindən danışıb: «Biz təcrübənin bölüşdürülməsi, innovasiya texnologiyalarının işlənməsi və kosmosun birgə tədqiqatı sahəsində əməkdaşlıqda maraqlıyıq». Görüşdə qeyd edilib ki, Azərbaycan informasiya-kommunikasiya texnologiyalarının inkişafı sahəsində Belarusla əməkdaşlığı genişləndirmək niyyətindədir. Əli Abbasovun sözlərinə görə, əsas diqqət Belarusun Yüksək Texnologiyalar Parkına yönəlib. Yaxın vaxtlarda bu sahədə əməkdaşlığın genişləndirilməsinin müzakirə ediləcəyi gözlənilir. Myasnikoviç bildirib ki, Belarusla Azərbaycanın əlaqələri dinamik şəkildə inkişaf edir, birgə proqramlar və layihələr həyata keçirilir: «Bizim əməkdaşlığımız xoşməramlıdır. Aramızda-dövlət başçılarından tutmuş, hökumətlərə, nazirlərə, müəssisə rəhbərlərinə qədər etimad atmosferi formalaşıb». Myasnikoviç informasiya-kommunikasiya texnologiyaları sahəsində Azərbaycanla əməkdaşlığa böyük önəm verdiklərini bildirib. Baş nazirin fikrincə, bu sfera Belarus üçün prioritetdir. Belarusun Statistika Komitəsinin məlumatına görə, cari ilin yanvar-fevral ayları ərzində iki dövlət arasında ticarət dövriyyəsi 33,7 milyon dollar təşkil edib ki, bu ötən ilin analoji dövrü ilə müqayisədə 13,1 faiz çoxdur. Qeyd edək ki, Minskdə İKT sahəsi üzrə Belarus-Azərbaycan biznes-forumu keçirilib. Rabitə və İnformasiya Texnologiyaları Nazirliyinin məlumatına görə, forumun keçirilməsində məqsəd ikitərəfli əməkdaşlığın möhkəmləndirilməsi və gələcək inkişafı, iki ölkənin rabitə və İKT sahəsindəki dövlət orqanlarının qarşılıqlı fəaliyyətinin gücləndirilməsi, onların İT potensialının nümayiş olunması, eləcə də məhsul və xidmətlərin ixracı üçün imkan və şəraitin yaradılması, işgüzar görüş və danışıqların aparılması, təcrübə mübadiləsi və tərəfdaşlıq əlaqələrinin qurulmasıdır.
ANAR




 
Bölməyə aid digər xəbərlər
14.11.2018
Xələf Xələfov Xəzər dənizi məsələləri üzrə səlahiyyətli nümayəndə təyin edilib
14.11.2018
Savelyev: “Rusiya ilə Azərbaycanın münasibətləri bu potensialın reallaşdırılmasının parlaq nümunəsidir”
14.11.2018
Bakıda MDB daxili işlər orqanlarının iclası keçirilir
14.11.2018
Dövlət Komitəsinin nümayəndə heyəti Los-Ancelesdə görüşlər keçirib
14.11.2018
Qarabağa qanunsuz səfər edən Avropa Parlamentinin üzvü Albaniyada arzuolunmaz şəxs elan olundu

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10470

1 “Xaricdə təhsilimi davam etdirsəm, psixologiya sahəsini seçəcəyəm”
2 “Universitetlərdə rəhbər şəxslərin qapıları tələbələr üçün daim açıq olur”
3 Polşalı şagirdlər Azərbaycan nağıllarına illüsturasiyalar çəkiblər
4 Azərbaycan turizmi Yunanıstanda təbliğ olunub
5 “Alstom” BTQ üçün ilk yük lokomotivinin Azərbaycana gətiriləcəyi tarixi açıqladı


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info