“İşimizi elə qurmalıyıq ki, ölkəmiz maraqlı turizm istiqamətlərindən biri olsun”
Tarix: 09.06.2017 | Saat: 15:11:00 | E-mail | Çapa göndər


"Çox sevindirici haldır ki, təzəlikcə fəaliyyətə başlamasına baxmayaraq Milli Turizm Təbliğat Bürosunun ilk işlərindən biri məhz ölkədə fəaliyyət göstərən turizm agentliklərini bir araya toplamaq və onlarla əməkdaşlıq imkanlarını müzakirə etməkdir. Büro bu təşəbbüsü ilə fəaliyyətində turizm firmalarının təcrübəsindən yararlanmaq istəyini açıq şəkildə ortaya qoyur".
Bunu 8 iyun 2017-ci il tarixində Bakıda fəaliyyət göstərən gəlmə turizm sahəsində ixtisaslaşmış yerli və xarici tur operator və turizm şirkətləri ilə Milli Turizm Təbliğat Bürosunun görüşündə “AtaTravel” MMC-nin baş direktoru Vüsal Əliyev deyib.
O bildirib ki, gəlmə turizmi sahəsində ixtisaslaşmış turizm şirkətləri üçün ən vacib məsələlərdən biri ölkənin təbliğinin daha peşəkar və konkret mexanizmə uyğun olaraq aparılmasıdır: "Büronun qarşısına qoyulan ən əsas vəzifələrdən biri də məhz ölkənin təbliği ilə bağlı aydın mexanizmlər işləyib hazırlamaq və onları uğurlu şəkildə tətbiq etməkdir. Hər bir regionun, ölkənin özünün spesikifikası var və bu tələb edir ki, marketinq siyasəti qurularkən bu məqamlar nəzərə alınsın. Əcnəbi turistlərlə birbaşa olaraq turizm firmaları işlədiyi üçün, onlar bu sahədə xüsusi informasiyaya sahibdirlər və düşünürəm ki, ölkənin turizm potensialının təbliği istiqamətində gələcəkdə həyata keçirilməsi planlaşdırılan tədbirlərin icrasında onlar da yaxından iştirak etməlidirlər".
V.Əliyevin sözlərinə görə, turisti ölkəyə cəlb etmək məsələnin bir tərəfi, onu ölkədən məmnun yola salmaq isə digər ən önəmli tərəfidir. Təbii ki, çalışmalıyıq işimizi elə quraq ki, ölkə turistlərin diqqətini çəksin və onlar üçün maraqlı turizm istiqamətlərindən biri olsun. Hesab edirəm turizm firmaları olaraq bu işdə Büroya əlimizdən gələn dəstəyi göstərmək, bu işdə onlara kömək etmək hər birimizin üzərinə düşən bir məsuliyyətdir.
Çünki büronun uğurlu qurulacaq fəaliyyətindən turizm firması olaraq birbaşa biz, dolayısı ilə turizm xidmətinə cəlb olunan digər qurumlar və şəxslər, yekunda isə ən önəmlisi dövlətimiz qazanacaq. Hər birimizin ümumi məqsədi eynidir.
Ölkənin tanıdılması, Bakı şəhəri və regionlara daha çox turistin cəlb edilməsi və bununla da ölkəyə əlavə gəlirlərin gəlməsinə nail olunması. Büroya gələcək fəaliyyətində uğurlar arzulayır və əlimizdən gələn köməkliyi göstərməyə hazır olduğumuzu bildiririk.
Tural




 
Bölməyə aid digər xəbərlər
20.10.2019
Gələn il Azərbaycan manatının dollara məzənnəsi ilə bağlı proqnoz
19.10.2019
Moskva Bakıya nüvə elmi və texnologiyaları mərkəzinin yaradılmasını təklif edib
19.10.2019
Çinlə Azərbaycan arasında ticarət dövriyyəsi rekord həddə çatıb
19.10.2019
BP: Azərbaycanın bərpa olunan enerji mənbələri sahəsində böyük potensialı var
19.10.2019
Azərbaycanda həyata keçirilən iqtisadi islahatlar Vaşinqtonda müzakirə olunub

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10923

1 Prezident: Gələn ilin büdcəsi həm sosial, həm investisiya yönümlü olmalıdır
2 Mitinqi yox, Türk Şurasının nailiyyətini təbliğ edin...
3 Vasim Məmmədəliyev vəfat edib
4 Gələn il əmək pensiyaları bir daha artırılacaq
5 “Xoşbəxtlikdən, Azərbaycanın qolu sayılmadı“


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info