Pianoçu Ayan Məmmədlinin növbəti möhtəşəm qələbəsi
Tarix: 09.06.2017 | Saat: 15:53:00 | E-mail | Çapa göndər


1-6 iyun tarixində Rusiyanın Pyatiqorsk şəhərində gənc pianoçuların V.Y.Safonov adına XII Beynəlxalq musiqi müsabiqəsi keçirilib. Bakı şəhəri T.Quliyev adına 12 saylı onbirillik musiq məktəbinin VII sinif şagirdi, Respublika və Beynəlxalq Müsabiqələr Laureatı Ayan Məmmədli də, dünyanın müxtəlif ölkələrindən gəlmiş 75 nəfər iştirakçının qatıldığı bu müsabiqədə iştirak etmişdir. 3 mərhələdən ibarət olan və son dərəcə gərgin keçən bu müsabiqənin 1-ci mərhələsinin qalibi olduqdan sonra, 3 iyun tarixində keçirilən müsabiqənin 2-ci mərhələsində, Avropa bəstəkarlarıyla yanaşı, Azərbaycanın dahi bəstəkarı Q.Qarayevin prelyüdasını son dərəcə məharətlə ifa etməklə bütün zalı ayağa qaldıran Ayan Məmmədlinin çıxışından sonra "Bravo" nidaları hər kəsi heyrətə gətirib. Ən maraqlı anlar isə bundan sonra yaşanmağa başlanıb. 14 yaşlı bir azərbaycanlı balasının bu möhtəşəm sənət nümayişi, demək olar ki, əksəriyyəti erməni və erməni əsilli olan münsiflər heyətini və bəzi iştirakçıları əməlli-başlı narahat etməyə başlayıb. Və cəmisi 2 gün keçməmiş Ayanın sorağını eşidən şəhər sakinləri və bütün iştirakçılar onun 3-cü mərhələdə çıxışını dinləmək üçün 5 iyun tarixində yenidən müsabiqənin keçirildiyi Pyatiqorsk Opera teatrının binasına axışıb. Ayanın üçüncü mərhələdəki növbəti uğurlu çıxışı onun pərəstişkarlarına nə qədər böyük zövq versə də, müsabiqədə demək olar ki, "at oynadan" ermənilərin kefinə soğan doğrayıb. Və Ayanın bu müsabiqədən mükafatsız əliboş qayıtması üçün müxtəlif təxribatlara əl atmağa başlayıblar.Hər zaman dünyanın hər yerində olduğu kimi, burada da öz çirkin niyyətlərinin bir qismini həyata keçirməyə, yəni müsabiqənin ilk qalib yerlərini istədikləri kimi həll edə bilsələr də, çoxsaylı tamaşaçıların səbirsizliklə gözlənilən maraqlarından çəkinərək müsabiqənin III yerini və bu yer üçün ayrılmış pul mükafatını, eləcə də yüksək səhnə mədəniyyəti göstərdiyinə görə xüsusi prizi Ayana təqdim etmək məcburiyyətində qalıblar. Xatırladaq ki, Ayan Məmmədli bundan əvvəl Azərbaycanda da iki dəfə laureat olub. Estoniya, İtaliya, Malta, İngiltərə, Yaponiya və Rusiyada keçirilən müsabiqələrdə I, II və III yerlərin qalibi olub. Avstriyada isə Qran pri alıb. O, Respublika Dövlət Gənc Simfonik orkestrinin solistidir. Onun bu uğurlara çatmasında müəlliməsi, Q.Qarayev adına Dövlət Kamera Orkestrinin və Respublika Gənc Simfonik orkestrinin direktoru Nazilə Yaqubovanın böyük əməyi var.
Fuad




 
Bölməyə aid digər xəbərlər
19.10.2019
Azərbaycan kinosunun inkişafına ayrılan vəsait 5 dəfə artırılır
19.10.2019
“Maşın“ı türkiyəli apardı
18.10.2019
Nizami Gəncəvinin “Yeddi gözəl” əsəri özbək dilində Daşkənddə çapdan çıxıb
18.10.2019
Tələbələr “YARAT”ın təşəbbüsü ilə təşkil olunan sərgini ziyarət ediblər
18.10.2019
İmadəddin Nəsiminin yaradıcılığına həsr olunmuş rəsm müsabiqəsinə qeydiyyat başa çatıb

Şərh əlavə olunmayıb

    ,    
Namiq Əliyev
Namiq Əliyev
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10923

1 Prezident: Gələn ilin büdcəsi həm sosial, həm investisiya yönümlü olmalıdır
2 Mitinqi yox, Türk Şurasının nailiyyətini təbliğ edin...
3 Vasim Məmmədəliyev vəfat edib
4 Gələn il əmək pensiyaları bir daha artırılacaq
5 “Zəngəzurun Ermənistana birləşdirilməsi böyük Türk Dünyasını parçaladı”


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info