Ərəb dövlətlərindən Qətərə qarşı yeni addım
Tarix: 09.06.2017 | Saat: 23:34:00 | E-mail | Çapa göndər


Səudiyyə Ərəbistanı, Misir, BƏƏ və Bəhreyn Qətərlə bağlı şəxslərin və təşkilatların "qara siyahıları"nı yayıb

Səudiyyə Ərəbistanı, Misir, Birləşmiş Ərəb Əmirlikləri və Bəhreyn Qətərdə fəaliyyət göstərən və ya ondan dəstək alan 59 şəxsin və 12 təşkilatın adını terrorçular siyahısına daxil ediblər. Ərəb KİV-ləri bildirirlər ki, bu barədə dörd dövlətin birgə bəyanatında məlumat verilir. Birgə sənəddə qeyd edilir ki, Qətər ikili standartlar siyasəti yeridir: o, bir tərəfdən terrora qarşı mübarizə apardığını bəyan edir, digər tərəfdən ekstremist qruplaşmaları dəstəkləyir. Dörd ərəb dövləti terrorçuları dəstəkləyənlərin aşkara çıxarılmasını və təqib olunmasını davam etdirmək, terrorun maliyyələşdirilməsi mənbələrinin harada yerləşməsindən asılı olmayaraq, bu mənbələrə qarşı mübarizə aparmaq niyyətində olduqlarını bəyan edib. Ərəb ölkələri terrorizmi dəstəkləyən insanların və təşkilatların siyahısının yenilənəcəyini vəd ediblər. Səudiyyə Ərəbistanı bildirir ki, bu siyahılar mütəmadi olaraq yenilənəcək və elan ediləcək: “Siyahıya daxil edilənlər Qətərlə bağlıdır və onun şübhəli planlarına xidmət edirlər. Bu, Qətərin ikili siyasətini göstərir. Bu dövlət bir tərəfdən terrorizmlə mübarizə apardığını bəyan edir, digər tərəfdən müxtəlif terror təşkilatlarını maliyyələşdirir, dəstəkləyir və sığınacaq verir”. Qeyd olunub ki, Səudiyyə Ərəbistanı, Misir, Birləşmiş Ərəb Əmirlikləri və Bəhreyn dövlət terrorizmlə mübarizədə səylərinin birləşdirilməsi və regionda təhlükəsizliyin bərqərar olmasının vacibliyini önə çəkərək vurğulayıb ki, bu cür şəxs və qrupların təqib olunmasında ciddi fəaliyyət göstərəcəklər, istər regional, istərsə də qlobal miqyasda bu istiqamətdə dəstəyini əsirgəməyəcəklər. Onlar terrorla mübarizəni davam etdirəcək, mənbəyindən asılı olmayaraq terrorizmin maliyyələşdirilməsini hədəfə alacaq. Bu arada Türkiyə prezidenti Rəcəb Tayyip Ərdoğan Qətər ərazisində türk hərbçilərinin yerləşdirilməsinə haqqında sazişin ratifikasiya edilməsi haqqında sərəncam imzalayıb. Türkiyə və Qətər arasında ikitərəfli əməkdaşlığın möhkəmləndirilməsinə dair 2014-cü ildə imzalanmış saziş Qətər ərazisində Türkiyənin hərbi bazasının yaradılmasını nəzərdə tutur. Qeyd edək ki, bundan əvvəl Türkiyə parlamenti qeyd olunan sazişi ratifikasiya edib.
Anar




 
Bölməyə aid digər xəbərlər
23.09.2018
Düşmənlər İranda vəziyyəti gərginləşdirə bilməyəcəklər
22.09.2018
Türkiyə Prezidenti Rəcəb Tayyib Ərdoğan TEKNOFEST festivalına qatılıb
22.09.2018
İranda terror aktı: həlak olanların sayı 24 nəfərə çatıb
22.09.2018
Tereza Mey: “Brexit” barədə danışıqlar düyünə düşüb
22.09.2018
İranda terror aktı nəticəsində 11 nəfər həlak olub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10133

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 Yalnızlıq qorxusu
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info