“İnsan alveri ilə mübarizə Azərbaycan hökumətinin siyasətinin vacib prioritetlərindən biridir”
Tarix: 12.06.2017 | Saat: 17:11:00 | E-mail | Çapa göndər


Avropa İttifaqının Azərbaycandakı nümayəndəliyi və Beynəlxalq Miqrasiya Təşkilatının Azərbaycandakı nümayəndəliyi tərəfindən həyata keçirilən  “Azərbaycanda insan alverinə qarşı mübarizə üzrə potensialın artırılması” (ENCT) layihəsinin açılışı keçirilib.
 
Avropa İttifaqının əsas və  BMqT Beynəlxalq İnkişaf Fondunun müştərək dəstəyi ilə maliyyələşdirilən layihənin təqdimatında çıxışı edən Azərbaycan xarici işlər nazirinin müavini Mahmud Məmmədquliyev bildirib ki, insan alveri ilə mübarizə Azərbaycan hökumətinin siyasətinin vacib prioritetlərindən biridir. O deyib ki, bu sahədə Azərbaycan tərəfdən ardıcıl və məqsədyönlü siyasət həyata keçirilir: “Azərbaycan bu siyasəti qabaqlama, təqib və müdafiə şəklində icra edir. Biz bu sahədə beynəlxalq əməkdaşlığa böyük önəm veririk. Ümid edirəm ki, layihə Azərbaycanın müvafiq sahədə potensialının daha da inkişafına təkan verəcək. Bu kimi layihələr ikitərəfli əməkdaşlığı genişləndirmək üçün böyük imkan açır”. 
 
Daha sonra çıxış edən Aİ-nin Azərbaycandakı nümayəndəliyinin rəhbəri Malena Mard qeyd edib ki, insan  alverinə qarşı mübarizə Aİ-nin vacib prioritetlərindəndir: “Təəssüf ki, bu sahədə son vaxtlar artım müşahidə edilir. Ona görə, bu sahədə əməkdaşlıq çox vacibdir”. 
 
DİN-in İnsan Alverinə qarşı Mübarizə Baş İdarəsinin rəisi Heydər Heydərov ölkədə insan alveri sahəsində statistikanı açıqlayaraq insan alveri cinayətlərinin ümumi cinayətlərin bir faizindən azını təşkil etdiyini söyləyib.
 
Daha sonra BMqT-nin Azərbaycandakı nümayəndəliyinin miqrantlara yardım bölməsinin rəhbəri Şaren Tuladhar layihəni təqdim edib.
 
 “Azərbaycanda insan alverinə qarşı mübarizə üzrə potensialın artırılması” layihəsi 2016-2018-ci illər arasında həyata keçiriləcək. Layihə Aİ və Azərbaycan Respublikası hökuməti tərəfindən 2012-ci ildə qəbul edilmiş Avropa İttifaqı – Azərbaycan Hərtərəfli İnstitusional Quruculuq Proqramının II İnstitusional İslahat Planı çərçivəsində icra olunacaq.
Tural




 
Bölməyə aid digər xəbərlər
21.05.2019
Səfir Mixail Boçarnikov: Azərbaycanda yaşamaq və işləmək olduqca maraqlıdır
21.05.2019
Şəhid Adil Tatarovun il mərasimi keçirilib
21.05.2019
Sumqayıt hadisələri ilə bağlı sənədli film çəkən Davud İmanov kim olub?
21.05.2019
Daxili işlər naziri Qəbələ və Bakıda sıra baxışı keçirib: 361 nəfər xidmətə qəbul olunub
21.05.2019
Prezidentin satıcı ilə söhbəti - Video

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10784

1 “İş yerlərində təhlükəsiz əmək şəraiti yaratmaq lazımdır”
2 General-mayor Tərlan bəy Əliyarbəyovun nəvəsi: “Babam öz istedadını milli hərbi kadrların yetişməsinə sərf edib”
3 Üç müharibə iştirakçısı olan general-mayor
4 Şuranın dəstəyilə 13 saylı orta məktəbdə “Diaspor dərsi” keçirilib
5 AzMİU-da İmadəddin Nəsiminin 650 illik yubileyi qeyd olunub


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info