“Ölkəmiz həm Şərq-Qərb, həm də Şimal-Cənub istiqamətində yüklərin qəbul edilərək ötürülməsinə hazırdır”
Tarix: 16.06.2017 | Saat: 18:17:00 | E-mail | Çapa göndər


ABŞ-da geniş auditoriyaya malik olan Con Batçelor Şou radio verilişi canlı yayımda Azərbaycanın bu ölkədəki səfiri Elin Süleymanovdan müsahibə alıb.
Müsahibədən əvvəl aparıcı bu yaxınlarda ölkəmizdə səfərdə olduğunu xatırladaraq, səfər barədə xoş təəssüratlarını bölüşüb, Şərq-Qərb və Şimal-Cənub beynəlxalq nəqliyyat dəhlizlərinin qovuşuğunda yerləşən Azərbaycanın regionun digər ölkələrinə çıxış üçün əlverişli coğrafi mövqeyə malik olduğunu diqqətə çatdırıb. Bununla yanaşı, aparıcı ölkənin inkişafında və əldə etdiyi uğurlarda qadınların rolunun göstəricisi kimi Azərbaycanın Avrasiya ölkələri sırasında liderliyinin şahidi olduğunu və Amerika cəmiyyətinin belə məlumatları eşitmək istəyində olduğunu vurğulayıb.
Müsahibə zamanı səfir E.Süleymanov ABŞ Konqresinin üzvü Stiv Skaliz və Konqresin digər işçilərinə qarşı törədilmiş silahlı hücum xəbəri ilə bağlı kədərini bölüşüb və xəsarət alanlara tezliklə sağalmalarını arzu edib. Daha sonra o, Azərbaycanda qadınların cəmiyyətdəki rolundan danışaraq, ilk dəfə olaraq müsəlman Şərqində və bir çox Qərb ölkələrdən əvvəl qadınlara seçkilərdə iştirak etmək və seçilmək hüququnun məhz Azərbaycanda verilməsinin tarixi nailiyyət hesab olunduğunu diqqətə çatdırıb. Səfir Azərbaycanda qadınların ictimai-siyasi fəallığının ildən-ilə daha da artdığını, dövlət qulluğunda çalışanlar arasında qadınların xüsusi çəkisinin yüksəldiyini, eləcə də onların ölkəmizdə elm, təhsil, mədəniyyət, səhiyyə və digər sahələrin inkişafında müstəsna rol oynadıqlarını qeyd edib. E.Süleymanov 2015-ci ildə Birinci Avropa Oyunları və 2017-ci ildə IV İslam Həmrəyliyi Oyunlarının yüksək səviyyədə keçirilməsinin məhz Azərbaycan Respublikasının Birinci vitse-prezidenti xanım Mehriban Əliyevanın təşkilatçılığı ilə mümkün olduğunu vurğulayıb. Bu xüsusda, o, həmçinin həmin gün ABŞ-ın Ticarət Nazirliyi və ABŞ-Azərbaycan Ticarət Palatasının birgə təşkilatçılığı ilə Konqresdə “Azərbaycanda və Gürcüstanda qadınların cəmiyyətdə və iqtisadi inkişafda rolu” mövzusunda keçirilmiş tədbirə toxunaraq, bunun hər iki ölkədə qadınların cəmiyyətdəki rolu barədə ABŞ ictimaiyyətinin məlumatlandırılması baxımından mühüm əhəmiyyət daşıdığını söyləyib.
Səfir aparıcının Azərbaycanın nəqliyyat-tranzit imkanları barədə suallarına cavab verərək, ölkəmizin qədim İpək Yolunun mühüm hissəsi olmaqla, Şərq-Qərb və Şimal-Cənub yollarının kəsişməsində yerləşdiyini qeyd edib. O, enerji layihələri ilə yanaşı, Çindən Avropaya, eləcə də Hindistandan Şimali Avropaya daşınan yüklərin ölkəmizin yerləşdiyi regiondan keçən nəqliyyat dəhlizlərinə cəlb olunması istiqamətində görülən işlərdən danışaraq, bu yolla daşımaların ənənəvi dəniz yollarından fərqli olaraq həm vaxt, həm də məsafə baxımından daha qısa olduğunu bildirib. O, eyni zamanda, Azərbaycan tərəfindən regionun nəqliyyat-tranzit imkanlarının artırılması məqsədilə bu sahəyə böyük həcmdə sərmayələrin yatırıldığını, o cümlədən yeni Bakı Beynəlxalq Dəniz Ticarət Limanı və Avropa ilə Asiya dəmir yolu şəbəkəsini birləşdirəcək Bakı-Tbilisi-Qars dəmir yolu xəttinin tikintisinin həyata keçirildiyini və beləliklə, ölkəmizin həm Şərq-Qərb, həm də Şimal-Cənub istiqamətində yüklərin qəbul edilərək ötürülməsinə hazır olduğunu vurğulayıb. Bununla yanaşı, səfir Ələt qəsəbəsində yeni Bakı Beynəlxalq Dəniz Ticarət Limanının ərazisi daxil olmaqla azad ticarət zonası tipli xüsusi iqtisadi zonanın yaradılması ilə bağlı Azərbaycan Respublikasının Prezidenti tərəfindən Sərəncamın imzalandığını diqqətə çatdırıb.
Müsahibənin tam versiyasını https://audioboom.com/posts/6018245-azerbaijan-is-the-railroad-crossroads-of-eurasia-elin-suleymanov-elinsuleymanov-azembassy-us internet səhifəsindən əldə etmək olar.
Qeyd edək ki, Con Batçelor Şou gündəlik həyatda aktual olan beynəlxalq hərbi, siyasi və iqtisadi mövzulara həsr edilir. ABŞ-da federal ABC Radio Şəbəkəsinə daxil olan müxtəlif ştat və şəhərlərdə geniş çeşidli radio kanalları tərəfindən həm canlı, həm də audio yazısı yayımlanır. Hər gün yayımlanan bu şou ABŞ-da milyonlarla dinləyici auditoriyasına malikdir.
Tural




 
Bölməyə aid digər xəbərlər
23.09.2018
Düşmənlər İranda vəziyyəti gərginləşdirə bilməyəcəklər
22.09.2018
Türkiyə Prezidenti Rəcəb Tayyib Ərdoğan TEKNOFEST festivalına qatılıb
22.09.2018
İranda terror aktı: həlak olanların sayı 24 nəfərə çatıb
22.09.2018
Tereza Mey: “Brexit” barədə danışıqlar düyünə düşüb
22.09.2018
İranda terror aktı nəticəsində 11 nəfər həlak olub

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10131

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info