Azərbaycan-Özbəkistan mədəni-ədəbi əlaqələrinə dair konfrans keçirilib
Tarix: 20.06.2017 | Saat: 15:32:00 | E-mail | Çapa göndər


Daşkənddəki Heydər Əliyev adına Azərbaycan Mədəniyyət Mərkəzinin (AMM) layihəsi və təşkilatçılığı, Səmərqənd Dövlət Universiteti, Azərbaycan diaspor təşkilatı olan Respublika Azərbaycan Milli Mədəniyyət Mərkəzinin dəstəyi ilə Səmərqənd şəhərində keçirilən Azərbaycan mədəniyyəti günləri çərçivəsində Əlişir Nəvai adına Səmərqənd Dövlət Universitetində Azərbaycan-Özbəkistan mədəni-ədəbi əlaqələrinə dair elmi-praktik konfrans keçirilib.
Konfransda Səmərqənd Dövlət Universitetinin, Nizami Gəncəvi adına Daşkənd Dövlət Pedaqoji Universitetinin, Əlişir Nəvai adına Daşkənd Dövlət Özbək Dili və Ədəbiyyatı Universitetinin professor və müəllim heyəti, Özbəkistan-Azərbaycan Dostluq Cəmiyyətinin rəhbərləri, tələbələr iştirak ediblər.
Səmərqənd Dövlət Universitetinin birinci prorektoru Alişer Eşdayev tədbirdə çıxış edərək Özbəkistanla Azərbaycan arasında mədəni-ədəbi əlaqələrin tarixinin qədim dövrlərə təsadüf etdiyini, xalqlarımızın bir-birinə tarixi yaxınlığı olduğunu bildirib, dil, din, mədəniyyət, incəsənət birliyimizin əlaqələrimizi daha dərin və möhkəm etdiyini söyləyib. O, Özbəkistanda Azərbaycan mədəniyyətinə, ədəbiyyatına böyük maraq olduğunu deyib, Azərbaycan şairlərinin sevə-sevə oxunduğunu diqqətə çatdırıb. İki ölkə arasında mədəni-ədəbi əlaqələrin hər zaman öyrənilməsinin vacib olduğunu bildirən natiq elmi konfransın əhəmiyyətindən danışıb.
AMM-in direktoru Samir Abbasov qədim dövrlərdən başlanan və bu gün də uğurla davam edən Azərbaycan-Özbəkistan əlaqələri haqqında məlumat verib, bu əlaqələrin yüksək səviyyəyə çatmasında Azərbaycan xalqının ümummilli lideri Heydər Əliyevin və Özbəkistanın birinci Prezidenti İslam Kərimovun xüsusi xidmətləri olduğunu qeyd edib. O, Azərbaycanın və Özbəkistanın tarixi İpək Yolunun üzərində yerləşdiyini söyləyib, ölkələrimiz arasındakı oxşarlıq haqqında danışıb, xalqlarımızın tanınmış simaları Nizami Gəncəvi, Əlişir Nəvai, Məhəmməd Füzuli, Babur, Nəsimi, Qafur Qulam, Səməd Vurğun və başqa şəxslərin bu əlaqələrdəki rolu barədə məlumat verib. S.Abbasov ədəbiyyatımızın və mədəniyyətimizin bir-biri ilə qarşılıqlı olaraq zənginləşdiyini və inkişaf etdiyini qeyd edib.
Sonra o, universitetin kitabxanasına Azərbaycan Mədəniyyət Mərkəzi adından “İrəvan xalçaları” kitabını hədiyyə edib.
Özbəkistan-Azərbaycan Dostluq Cəmiyyətinin icraçı direktoru Erkin Nuriddinov iki ölkə arasında əlaqələrin tarixindən, bu istiqamətdə son 5 ildə AMM-in həyata keçirdiyi layihələrdən danışıb, qurumun təşəbbüsü ilə çoxsaylı nəşrlərin işıq üzü gördüyünü, iki ölkənin mədəniyyət, incəsənət, ədəbiyyat xadimləri, təhsil müəssisələri arasında əlaqələrin genişləndirildiyini qeyd edib.
Əlişir Nəvai adına Daşkənd Dövlət Özbək Dili və Ədəbiyyatı Universitetinin dosenti Gülbahar Aşurova müasir dövrdə Azərbaycan-Özbəkistan ədəbi əlaqələri haqqında çıxış edib. O, yaxın günlərdə Bakıda Özbəkistanın Xalq Şairi Camal Kamalın 80 illik yubileyinin geniş qeyd olunduğunu, yüksək səviyyədə qarşılandıqlarını diqqətə çatdırıb, Bakıda yazdığı “Azərbaycan” şeirini oxuyub. Şeir konfrans iştirakçılarının alqışlarına səbəb olub.
Çıxış edən digər natiqlər - Səmərqənd Dövlət Universitetinin professoru, tarixçi alim İlhamcan Saidov, Termez Dövlət Universitetinin doktorantı Abidcan Şafiyev iki xalq arasında mədəni-ədəbi əlaqələrə dair geniş məruzələr ediblər.
Tədbirdə Özbəkistanın və Tacikistanın əməkdar artisti Asadulla Ataullayev böyük Azərbaycan şairi Məhəmməd Füzulinin qəzəlinə yazdığı musiqi parçasını tarda ifa edərək oxuyub.
Tədbirin sonunda AMM-in təqdimatı ilə Azərbaycanın Turizm və Menecment Universitetinin təqdimatı keçirilib və mərkəz tərəfindən Azərbaycana dair hazırlanmış kitab kolleksiyası Səmərqənd Dövlət Universitetinə hədiyyə edilib.
Tural




 
Bölməyə aid digər xəbərlər
21.09.2018
Azərbaycanın ən sürətli mobil şəbəkəsinin adı açıqlanıb
21.09.2018
Baş prokuror Quba rayonunda vətəndaşları qəbul edib
21.09.2018
Sahil Babayev Göygöl rayonunda 4 rayon və şəhərin sakinləri ilə görüşüb
20.09.2018
Ədliyyə orqanlarına qulluğa qəbul olunan gənclər and içiblər
20.09.2018
ƏƏSMN və Kiçik və Orta Biznesin İnkişafı Agentliyi arasında memorandum imzalanıb

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10125

1 Ötən tədris ilində Bakı Atatürk Liseyinin 36 məzunu dünyanın müxtəlif universitetlərinin tələbəsi adını qazanıb
2 “Bu il sığorta bazarı 40 faizdən çox genişlənib, yığımlar artıb”
3 Krivoy Roqdakı soydaşlarımız festivala hazırlaşırlar
4 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”
5 QHT sədri Ukraynadakı “Qafqaz“ xalq rəqs ansamblına milli geyimlər hədiyyə edib


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info