“Azərbaycanla ticari və mədəni əlaqələri fəallaşdırmaqda maraqlıyıq”
Tarix: 21.06.2017 | Saat: 21:10:00 | E-mail | Çapa göndər


Moldova Azərbaycan ilə ticari və mədəni əlaqələri fəallaşdırmaqda maraqlıdır.
Moldova Respublikasının Prezidenti İqor Dodon iyunun 21-23-də Bakıya rəsmi səfəri ərəfəsində bu fikirləri Rusiyanın TASS agentliyinə söyləyib.
Moldova rəhbəri deyib: “Ölkələrimiz arasında siyasi dialoq, ticari-iqtisadi əməkdaşlıq, mədəni-humanitar əlaqələr, beynəlxalq təşkilatlar çərçivəsində qarşılıqlı əlaqələr yaxşı səviyyədədir. Əminəm ki, biz birgə səylərimizlə ölkələrimizi maraqlandıran bütün istiqamətlər üzrə həm ikitərəfli, həm də çoxtərəfli səviyyədə konstruktiv və faydalı əməkdaşlığın genişlənməsində yeni sanballı nəticələr əldə edə bilərik”.
İ.Dodon qeyd edib ki, keçən il iki ölkə arasında qarşılıqlı ticarətin həcmi 39 faiz artmasına baxmayaraq, dəyər ifadəsində çox deyil və hazırda 5 milyon dollar civarındadır. “Əmtəə dövriyyəsi hələlik çox deyil və dövlətlərimizin əməkdaşlıq imkanlarını tam əks etdirmir. Bu göstəricini artırmaq üçün birgə fəaliyyət zəruridir”, - deyən Prezident xatırladıb ki, iki ölkə arasında qarşılıqlı fəaliyyətin böyük potensialı var – təkcə Moldovada Azərbaycan kapitalına əsaslanan 111 müəssisə qeydiyyata alınıb, iki ölkənin təsərrüfat subyektlərinin iştirakı ilə investisiya layihələri həyata keçirilir.
Prezident belə bir fikir söyləyib ki, Moldova ilə Avropa İttifaqı arasında qüvvədə olan azad ticarət rejimi Azərbaycan şirkətlərinin investisiyalarını Moldovada xammal emalı və Avropa ölkələrinin bazarlarına ixrac olunan əmtəə istehsalı sektoruna cəlb etmək üçün əlavə imkanlar yaradır. Kişineu energetika sahəsində əlaqələrin, o cümlədən Azərbaycan Respublikası Dövlət Neft Şirkəti ilə qarşılıqlı əlaqələrin fəallaşdırılmasında, Moldovada dövlət mülkiyyətinin özəlləşdirilməsinə dair tenderlərdə Azərbaycan şirkətlərinin iştirak etməsində maraqlıdır.
İ.Dodon ümidvar olduğunu bildirib ki, Moldovanın baş naziri Pavel Filipin Bakıya qarşıdakı səfəri, habelə ticari-iqtisadi əməkdaşlıq üzrə Moldova-Azərbaycan Hökumətlərarası Komissiyasının dördüncü iclasının və biznes-forumun keçirilməsi iqtisadi sahədə əməkdaşlığı fəallaşdırmağa imkan yaradacaq. İ.Dodon deyib: “Təəssüf ki, bu komissiya sonuncu dəfə 2012-ci ilin aprelində toplaşıb”.
Onun sözlərinə görə, Kişineuda Azərbaycan XİN rəhbəri Elmar Məmmədyarovun səfərini gözləyirlər. Bu məqsədlə iki ölkənin xarici siyasət idarələrinin nümayəndələri arasında müxtəlif beynəlxalq məkanlarda məsləhətləşmələr aparılıb. Moldova Prezidentinin fikrincə, Moldova və Azərbaycan parlamentlərinin dostluq qrupları xətti ilə nazirliklər və parlamentlər səviyyəsində qarşılıqlı fəaliyyət, habelə azərbaycanlı sahibkarların Kişineuya qarşıdakı səfəri ikitərəfli münasibətlərin inkişafına töhfə verə bilər. Bu səfər çərçivəsində azərbaycanlı sahibkarlar iqtisadi əməkdaşlığın fəallaşdırılması imkanlarını yerində qiymətləndirə biləcəklər.




 
Bölməyə aid digər xəbərlər
20.06.2019
Yaponiya ilə Azərbaycan arasında viza rejiminin sadələşdirilməsi istiqamətində iş aparılır
19.06.2019
BAMF-in Yüksək Səviyyəli Siyasi Forum üzrə bəyanatı BMT-də təqdim olunacaq
19.06.2019
Elmar Məmmədyarov Con Boltonla Dağlıq Qarabağ münaqişəsinin nizamlanmasını müzakirə edib
19.06.2019
Yaponiya ilə Azərbaycan arasında viza sadələşdirilməsi istiqamətində işlər aparılır
19.06.2019
Yaxın Şərq: dörd istiqamətdə geosiyasi gərginlik

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10810

1 Minimum aylıq əməkhaqqı artırıldı- Prezident Sərəncam imzaladı
2 Müəllimlərin maaşı artdı - 20 faiz
3 “Balımı daha da artırıb Prezident təqaüdü almaq niyyətindəyəm”
4 Prezidentin Sərəncamı: 160 minə yaxın müəllimin orta aylıq maaşı 605 manat oldu
5 Bakı Atatürk Liseyində məzun günü münasibəti ilə tədbir keçirilib


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info