Formula-1 Azərbaycan Qran-Prisi dünya mətbuatının diqqət mərkəzində
Tarix: 21.06.2017 | Saat: 21:16:00 | E-mail | Çapa göndər


İyunun 23-25-də Bakıda keçiriləcək Formula-1 Azərbaycan Qran-Prisinə hazırlıq prosesi dünya mətbuatının müzakirə mövzusuna çevrilib.
AZƏRTAC xəbər verir ki, Britaniya mətbuatında yarışlar barədə yazılara geniş yer verilib. Aparıcı idman kanallarında, informasiya portallarında Bakıda keçiriləcək Formula-1 Azərbaycan Qran-Prisi haqqında bir sıra məqalələr yayımlanmaqdadır. Britaniyanın “Clubcall” xəbər saytında yerləşdirilən yazıda yarışa hazırlıq prosesində əsas işlərin artıq görüldüyü diqqətə çatdırılıb. Qeyd olunub ki, Formula-1 Azərbaycan Qran-Prisinə ev sahibliyi edən Bakının küçələri möhtəşəm həftəsonu üçün tam hazır vəziyyətə gətirilib. Yarışı izləyəcək tamaşaçılar Bakının tarixi və mədəniyyət abidələrini də yaxından seyr etmək imkanı əldə edəcəklər. Dünyanın məşhur pilotları məhz bu yarışlar üçün Bakıya gələcəklər.
Britaniyanın “Skysport” portalı isə “McLaren” klubunun Formula-1 Azərbaycan Qran-Prisinə hazırlığından yazıb. Məqalədə komandanın müxtəlif dövrlərdə fərqli yarışlarda uğurla çıxış etdiyi qeyd olunub.
“Sportsmole” onlayn nəşrində Azərbaycan Qran-Prisində bolidlərin mühərriklərində müəyyən yeniliklərin olacağı barədə məlumat yerləşdirilib. Yazıda “Honda” şirkətinin avtonəqliyyat bölməsinin rəhbəri Yusuke Haseqavanın aşağıdakı fikirləri diqqətə çatdırılıb: “Bakıda daxili yanma mühərrikində (DYM) bəzi yeniliklər olacaq. Bunu mühərrikin üçüncü spesifikasiyası adlandırıb-adlandırmayacağımızı bilmirəm. Amma biz müvəqqəti olsa da, mütləq müəyyən yeniliklər edəcəyik. Ancaq əgər siz DYM-ni yaxşılaşdırırsınızsa, onda işlənmiş qazların temperaturu azalır və bu da turbindən və “MGU-H”dan əldə olunan enerjinin azalmasına gətirib çıxarır. Vəziyyət düşündüyünüzdən daha mürəkkəbdir”.
“Motorsportweek” saytında “McLaren” komandasının pilotu Fernando Alonsonun fikirlərinə yer verilib. Bakıda keçiriləcək Qran-Priyə yüksək əzmlə hazırlaşdığını qeyd edən Fernando Alonso deyib: “Biz Bakıya qətiyyətlə gedirik. Lakin bu, heç kimə sirr deyil ki, bu həftəsonu bizi çətin mübarizə gözləyir. Lakin biz mübarizə aparmağa hazırıq”.
F.Alonso Bakını Formula-1 yarışlarına ev sahibliyi etmək üçün əla seçim adlandırıb. O, iştirakçıları maraqlı yarışın gözlədiyini deyib: “Bakı möhtəşəm şəhərdir. Keçən il ilk dəfə olaraq, Qran-Priyə ev sahibliyi edən Bakının uğurundan sonra Azərbaycanda yenidən yarışmağı səbirsizliklə gözləyirəm. Azərbaycan Qran-Prisinin səfiri olaraq, öz yoldaşlarıma və həmkarlarıma nisbətən orada daha çox vaxt keçirmişəm. Deyə bilərəm ki, Bakı Formula-1 yarışlarına ev sahibliyi etmək üçün əla seçimdir. Biz qədim tarixi şəhərin mərkəzi küçələrində yarışarkən İçərişəhərin qala divarları yeni idman məkanında bu yarışa mükəmməl ab-hava gətirir. Kanadada ilk xalımızı qazanmağa çox yaxınlaşdıqdan sonra və bir qədər yorğunluqdan əziyyət çəkməyimizə baxmayaraq, Bakıya olduqca əzmlə yollanırıq. Güc göstəricilərimizdə yaranmış məsələlərlə bağlı çox güman ki, cəriməyə məruz qalacağıq və üstəlik, Bakı trekinin dar döngələri, yüksək sürət tələb edən düzlüklər işimizi çətinləşdirəcək. Ancaq mümkünsüz heç nə yoxdur və biz həmişə olduğu kimi mübarizə aparacağıq. Bakı şəhər halqası Formula-1 təqvimindəki ən sürətli şəhər trekidir və pilotlar üçün yüksək sürətlə dar küçələrdən keçmək inanılmaz dərəcədə həyəcanvericidir. Həmişə olduğu kimi, yarışın startı bizim üçün ən önəmli məqamlardan biridir və şənbə günü baş tutacaq sıralama turuna cümə günü sərbəst yürüşlərdə ciddi hazırlaşmaq lazımdır”.
Mahmud




 
Bölməyə aid digər xəbərlər
25.03.2019
Azərbaycandan Həcc ziyarətinə getmək istəyənlərin sayı artır
23.03.2019
Naxçıvanlı məktəblilər “Ölkəmizi tanıyaq” tur-aksiyası çərçivəsində Bakıya gəliblər
22.03.2019
İtaliyanın “Agenzia Nova” saytı Novruz bayramının adət-ənənələrindən yazır
20.03.2019
Bayramın ikinci günündə hava əsasən yağmursuz keçəcək
20.03.2019
Kiyevdə keçirilən Novruz şənliyində Azərbaycanın milli mətbəx nümunələri təqdim olunub

Şərh əlavə olunmayıb

    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10704

1 Azərbaycan xalqı zəngin mədəniyyətə sahibdir
2 Lənkəranın ucqar kənd məktəbində Novruz şənliyi keçirilib
3 İraqda bərə qəzaya uğrayıb: 71 ölü
4 Paşinyan reytinqini küçə süpürməklə qaldırmaq istəyir?
5 Prezident və xanımı Bakıda Novruz şənliyində


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info