Culfada istedadlı qadınların rəsm və əl işlərindən ibarət sərgi-satış təşkil edilib
Tarix: 22.06.2017 | Saat: 17:19:00 | E-mail | Çapa göndər


Culfa şəhər 3 nömrəli tam orta məktəbdə rayonda yaşayan istedadlı qadınların rəsm və əl işlərindən ibarət sərgi-satış təşkil edilib.
AZƏRTAC xəbər verir ki, sərginin açılışında çıxış edən Culfa Rayon İcra Hakimiyyətinin başçısı Şükür Babayev göstərilən dövlət qayğısı nəticəsində muxtar respublikanın digər rayonlarında olduğu kimi, Culfa rayonunda da qadınların sosial-ictimai həyatda fəal iştirakının təmin edilməsi üçün əlverişli şərait yaradıldığını bildirib. Bu gün qadınlar rayonun sosial-iqtisadi, intellektual-mədəni potensialının artırılmasına dəyərli töhfələr verir, elm, təhsil, səhiyyə və mədəniyyət, eləcə də digər sahələrdə uğurlar əldə edirlər. Rayonda yaşayan qadınlar yerli özünüidarəetmə orqanlarında təmsil olunur, təhsil, səhiyyə, mədəniyyət müəssisələrində rəhbər vəzifələrdə fəaliyyət göstərirlər.
Şükür Babayev qeyd edib ki, xüsusi istedadları ilə seçilən, rəssamlıq, toxuculuq, el sənəti nümunələrini yaşadan qadınların əl işlərindən ibarət sərgilərin təşkil olunması onlara göstərilən dövlət qayğısının daha bir nümunəsidir. Belə sərgilərin təşkil edilməsində məqsəd qadınların istedad və bacarıqlarını üzə çıxarmaq, milli dəyərlərimizi, adət-ənənələrimizi gənclərə aşılamaqdır. Bu sərgidə rayon üzrə 40 istedadlı qadının sulu və yağlı boya ilə işlənən tablolarından, toxuculuq və bir-birindən maraqlı dekorativ-tətbiqi sənət nümunələrindən ibarət 450 rəsm və əl işlərinin sərgi-satışı təşkil edilib.
Sonra Naxçıvan Muxtar Respublikası Ailə, Qadın və Uşaq Problemləri üzrə Dövlət Komitəsinin sədri Ramilə Seyidova çıxış edərək bildirib ki, bu gün milli dəyərlərimizin öyrənilməsi, təbliği istiqamətində məqsədyönlü tədbirlər həyata keçirilir. Həmin tədbirlərin tərkib hissəsi kimi qədim sənətkarlıq sahələrinin dəstəklənməsi, əl işlərinin sərgi-satışlarının təşkil olunması, keçirilən yaradıcılıq müsabiqələrində, mədəni-kütləvi tədbirlərdə istedadlı gənc qadınların iştirakının təmin edilməsi milli dəyərlərimizin qorunmasına əsaslı töhfələr verir.
Vurğulanıb ki, milli varlığımızın ifadəsi olan çoxəsrlik milli və mənəvi, o cümlədən ailə dəyərlərinin, adət-ənənələrin yaranmasında və təşəkkül tapmasında, layiqincə yaşadılmasında qadınlarımız böyük rol oynayıb. Buna görə də həyata keçirilən dövlət qadın siyasətinin tərkib hissəsi olaraq istedadlı qadınların fəaliyyətinin inkişaf etdirilməsinə xüsusi diqqət yetirilir. Gənc qızların peşələrə yiyələnməsi, həmçinin istedad və bacarıqlarının inkişaf etdirilməsi üçün peşə kurslarının təşkil olunması sənət nümunələrinin qadınlarımız tərəfindən qorunub saxlanılması, yaşadılması baxımından mühüm əhəmiyyətə malikdir.
Ramilə Seyidova qeyd edib ki, bu gün muxtar respublikada yaradılan şərait, mədəni mühit qadınların zəngin potensialının üzə çıxarılmasına əlverişli zəmin yaradır. Bu, daimi səciyyə daşımaqla, bütövlükdə, qadınların cəmiyyətdə layiqli mövqeyini qoruyub saxlamağa imkan verir. Culfa rayonunun istedadlı qadınları yaradılan bu imkandan istifadə edərək bundan sonra da adət-ənənələrimizi, ailə dəyərlərimizi yaşadacaqlar.
Sonda qadınların əl işlərindən ibarət sərgiyə baxış olub.
Mahmud




 
Bölməyə aid digər xəbərlər
25.09.2018
“ADEX-2018” Azərbaycanın müdafiə sənayesi kompleksinin gücü və qüdrətinin nümayişidir
25.09.2018
Nəsimi rayonunda yeni park istifadəyə verilib
25.09.2018
Yaponiya Zaqatala və Qax rayonlarına təcili tibbi yardım maşınları verib
25.09.2018
“Loqos” psixoloji maarifləndirilmə sahəsində yeni bir fəaliyyətə imza atıb
25.09.2018
Azərbaycana, o cümlədən Naxçıvana gələn turistlərin sayını artırmaq üçün geniş imkanlar var

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10144

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info