Səlim Müslümov: “Sağlamlıq imkanları məhdud 331 uşaq daimi dövlət təminatında yaşayır”
Tarix: 22.06.2017 | Saat: 17:50:00 | E-mail | Çapa göndər


Karvardin: “Azərbaycanda uşaqların sağlam və firavan böyümələri, fiziki-mənəvi inkişafı üçün aparılan siyasəti yüksək dəyərləndiririk”
Sağlamlıq imkanları məhdud uşaqların sosial müdafiəsi və tibbi-sosial reabilitasiyası, uşaqların dövlət uşaq müəssisələrinə düşməsinin qarşısının alınması, bunun üçün onların və ailələrinin sosial xidmətlərə əlçatanlığının təmin olunması ölkəmizdə aparılan sosial siyasətin əsas hədəflərindəndir. Bunu əmək və əhalinin sosial müdafiəsi naziri Səlim Müslümov nazirlikdə BMT Uşaq Fondunun (UNİCEF) ölkəmizdəki nümayəndəliyinin rəhbəri Edvard Karvardin ilə görüşdə bildirib.
S.Müslümov Prezident İlham Əliyevin sosial inkişaf kursuna uyğun olaraq ölkədə etibarlı sosial təminat sisteminin formalaşdığını və bu sistemin əhatəliliyinin təmin olunduğunu vurğulayıb: “Bu gün Azərbaycanın sosial təminat sisteminin əhatə dairəsində olanların bir hissəsi də uşaqlardır. Belə ki, hazırda sağlamlıq imkanları məhdud uşaqlardan, müharibə əlillərinin, I və II qrup Çernobıl AES əlillərinin, şəhid ailələrinin, müddətli hərbi xidmət qulluqçularının, beşdən çox uşağı olan qadınların uşaqlarından, habelə aztəminatlı ailələrdəki 1 yaşınadək uşaqlardan ibarət olmaqla ümumilikdə 102, 2 min nəfər uşağa görə aylıq sosial müavinət ödənilir. Həmçinin ailə başçısını itirməyə görə 24 250 ailəyə aylıq sosial müavinət, 118 167 ailəyə aylıq əmək pensiyası verilir və onların da ailə üzvlərinin böyük əksəriyyəti, eləcə də ünvanlı sosial yardım alan ailələrdəki ailə üzvlərinin demək olar ki, yarısı uşaqlardır”.
Nazir bildirib ki, bununla bərabər, nazirliyin 1 saylı və 2 saylı sağlamlıq imkanları məhdud uşaqlar üçün sosial xidmət müəssisələrində ümumilikdə 331 nəfər sağlamlıq imkanları məhdud uşaq daimi dövlət təminatında yaşayır və stasionar şəraitdə sosial xidmətlərlə təmin edilirlər. Son illərdə Heydər Əliyev Fondunun dəstəyi ilə həmin müəssisələrində ən müasir tələblərə uyğun yaşayış və reabilitasiya şəraiti yaradılıb. Eyni zamanda Fondun dəstəyi nəticəsində Bakıda xüsusi qayğıya ehtiyacı olan uşaqlar üçün reabilitasiya mərkəzi fəaliyyətə başlayıb: “Sağlamlıq imkanları məhdud uşaqlar üçün tibbi-sosial reabilitasiya sisteminin yüksək standartlar səviyyəsində qurulması yönündə də mühüm işlər aparılıb. Ötən ilin dekabr ayında Prezident İlham Əliyevin, Birinci vitse-prezident Mehriban xanım Əliyevanın, ailə üzvlərinin iştirakı ilə nazirliyin Uşaq Bərpa Mərkəzi əsaslı təmir və yenidənqurmadan sonra istifadəyə verilib. Burada ən müasir tələblər səviyyəsində reabilitasiya şəraiti yaradılıb”.
S.Müslümov nazirliyin sosial sifarişləri əsasında icra olunan sosial xidmət layihələrinin böyük əksəriyyətinin sağlamlıq imkanları məhdud uşaqların reabilitasiya yönümlü sosial xidmətlərlə təmin olunmasına, müvafiq təbəqələrdən olan uşaqların dövlət uşaq müəssisələrinə düşməsinin qarşısının alınmasına yönəldiyini qeyd edib. Nazir bildirib ki, müvafiq təbəqələrdən olan uşaqların sosial müdafiəsi və reabilitasiyası, onların sosial xidmətlərlə təminatı sahəsində fəaliyyətin səmərəli təşkilində UNİCEF-lə əməkdaşlıq xüsusi önəm kəsb edir: “Əmək və Əhalinin Sosial Müdafiəsi Nazirliyi ilə UNICEF arasında 2014-2015-ci illər üzrə birgə Fəaliyyət Planına uyğun olaraq “Uşaq qayğı sistemində islahatlar” üzrə birgə Tədbirlər Planının icrası, uşaqlarla bağlı sosial xidmətlər sisteminin inkişafının texniki dəstəklənməsi, bu sahədə peşəkar kadr resurslarının, nazirliyin tabeliyindəki bərpa mərkəzlərinin sosial reabilitasiya imkanlarının artırılması, sosial sifarişlər üzrə prioritetlərin müəyyənləşdirilməsi və s. kimi mühüm istiqamətlərdə əməkdaşlıq həyata keçirilib. 2016-cı ilin may ayında Əmək və Əhalinin Sosial Müdafiəsi Nazirliyi və UNİCEF arasında 2016-2020-ci illərə dair Əməkdaşlıq Proqramı çərçivəsində imzalanan “2016-2017-ci illər üçün Uşaq Müdafiəsi və Sosial Müdafiəyə dair Dövri Fəaliyyət Planı” əməkdaşlığımızın inkişafında mühüm rol oynayıb”.
E.Karvardin Azərbaycanda uşaqların sağlam və firavan böyümələri, fiziki-mənəvi inkişafı üçün aparılan siyasəti yüksək dəyərləndirib. O, ötən dövrdə Əmək və Əhalinin Sosial Müdafiəsi Nazirliyi və UNICEF arasında həyata keçirilən əməkdaşlıqdan məmnunluqla bəhs edib və birgə fəaliyyətin qarşıdakı dövrdə uğurla davam etdirilməsi üçün yaxşı zəmin formalaşdığını vurğulayıb.
Görüşdə Əmək və Əhalinin Sosial Müdafiəsi Nazirliyi və UNİCEF arasında 2016-2020-ci illərə dair Əməkdaşlıq Proqramı çərçivəsində görülən işlər və gələcək fəaliyyət istiqamətləri müzakirə olunub.

Tural Tağıyev




 
Bölməyə aid digər xəbərlər
17.11.2018
Başqa ölkələrdən gələn qaçqınların sosial təminatlardan yararlanması üçün yeni mexanizm yaradılacaq
16.11.2018
“Hüquqi dövlət quruculuğunda məhkəmə-KİV münasibətlərinin inkişafı vacibdir”
16.11.2018
Azərbaycan Gənclərinin VIII Forumu keçirilib
16.11.2018
Dərman vasitələrinin qanunsuz dövriyyəsi ilə əlaqədar başlanmış cinayət işi məhkəməyə göndərilib
16.11.2018
Dövlət Miqrasiya Xidmətinin fəaliyyətində yeniliklər tətbiq olunur

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10493

1 “Xaricdə təhsilimi davam etdirsəm, psixologiya sahəsini seçəcəyəm”
2 Azərbaycan turizmi Yunanıstanda təbliğ olunub
3 Davamli dil siyasəti dövlətin əsas prioritet istiqaməti kimi
4 “Gedir dayanmadan zamanın köçü”
5 Almaniyada Naxçıvanla bağlı broşürlər paylanılıb


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info