ADPU-da Məzun gününə həsr edilmiş tədbir keçirilib
Tarix: 30.06.2017 | Saat: 23:47:00 | E-mail | Çapa göndər


Azərbaycan Dövlət Pedaqoji Universitetində (ADPU) Məzun gününə həsr edilmiş tədbir keçirilib. Tədbirdə Milli Məclisin deputatı Aydın Mirzəzadə, Azərbaycan Təhsil İşçiləri Azad Həmkarlar İttifaqı Respublika Komitəsi sədrinin müavini Mirzə Cəfərzadə iştirak ediblər. Öncə ulu öndər Heydər Əliyevin ADPU-dakı abidəsi önünə əklil və gül dəstələri qoyulub. Sonra Azərbaycanın Dövlət Himni səsləndirilib.
Tədbiri giriş nitqi ilə açan ADPU-nun rektoru, professor Cəfər Cəfərov məzunları və onların valideynlərini bu əlamətdar və xoş gün münasibətilə təbrik edib, məzunlara gələcək həyatlarında və müqəddəs müəllimlik fəaliyyətlərində böyük uğurlar arzulayıb.
Rektor Cəfər Cəfərov qeyd edib ki, müəllim bütün həyatı boyu öyrətməklə bərabər, həm də özü daim oxuyub-öyrənən, mütaliə edən, öz üzərində çalışan, bilik dairəsini genişləndirən bir şəxsdir. Ümummilli liderimiz Heydər Əliyev müəllim peşəsini yüksək qiymətləndirərək demişdir: “Həyatını müəllimliyə həsr edən insanlar, həqiqətən, fədakar, xalqına, millətinə sədaqətli və eyni zamanda qəhrəmanlıq göstərən insanlardır. Bizim həyatımızda müəllimlik ən hörmətli peşədir. Müəllim cəmiyyətimizdə görkəmli yer tutur. Orta məktəbdə, ali məktəbdə hər bir müəllim bilməlidir ki, onun üzərinə düşən vəzifə, onun dövlət üçün, millət üçün, Azərbaycan xalqı üçün gördüyü iş bütün başqa sahələrdə fəaliyyət göstərən insanların hamısının işindən ən gərəklisidir, ən lazımlısıdır. Azərbaycan ziyalıları arasında müəllimlər xüsusi yer tuturlar, hörmətə layiqdirlər, xüsusi qayğı və diqqətlə əhatə olunmalıdırlar. Mən Yer üzündə müəllimdən yüksək ad tanımıram”.
Ulu öndərimiz Heydər Əliyevin müdrik və mütərəqqi ideyalarını uğurla davam etdirən Azərbaycan Respublikasının Prezidenti möhtərəm cənab İlham Əliyev müəllim adına, müəllim əməyinə yüksək qiymət verir. Dövlət başçımız İlham Əliyev demişdir: “Müəllimlər Azərbaycan cəmiyyətinin elitasıdır”. Eyni zamanda Azərbaycanın Birinci vitse-prezidenti Mehriban xanım Əliyeva elm və təhsilin inkişafinda əvəzsiz xidmətlər göstərir. Təhsil Nazirliyi tərəfindən “Gələcəyin müəllimi təqaüdü” təsis edilib. Bu təqaüd pedaqoji kadr hazırlığı aparılan ali təhsil müəssisələrinə qəbul imtahanlarında 500 və daha yüksək bal toplayan, ixtisas seçimində birinci və ya ikinci yerdə müəllimlik ixtisasını qeyd edən tələbələrə şamil olunur.
Rektor Cəfər Cəfərov çıxışı zamanı bildirib ki, bu il ADPU-nun 8 fakültə üzrə əyani şöbəsini 1944 nəfər, 7 fakültə üzrə qiyabi şöbəsini isə 306 nəfər (cəmi 2250 nəfər) məzun bitirir. Bu il ADPU-nun SABAH qruplarını 34 nəfər məzun bitirir. Cari ildə universiteti 16 nəfər əcnəbi tələbə bitirir. Builki tədris ilində ADPU-nun Ağcabədi Filialının əyani şöbəsini 5 ixtisas üzrə 115 nəfər, qiyabi şöbəsini isə 1 ixtisas üzrə 20 nəfər (cəmi 135 nəfər), Cəlilabad Filialının əyani şöbəsini 4 ixtisas üzrə 104 nəfə, qiyabi şöbəsini isə 1 ixtisas üzrə 21 nəfər (cəmi 125 nəfər), Şəki Filialının əyani şöbəsini 8 ixtisas üzrə 334 nəfər, Şamaxı Filialının əyani şöbəsini 5 ixtisas üzrə 133 nəfər, Quba Filialının əyani şöbəsini 6 ixtisas üzrə 167 nəfər məzun bitirir. Ümumilikdə bu il ADPU-nun 5 filialını 750 nəfər məzun bitirir. ADPU-nun nəzdində Azərbaycan Dövlət Pedaqoji Kollecini (ADPK) isə 11 ixtisas üzrə əyani şöbəni 1115, qiyabi şöbəni isə 318 nəfər (cəmi 1433) məzun bitirir. Bütövlükdə bu il ADPU-nu filiallar və ADPK ilə birlikdə 4433 nəfər məzun bitirir. Builki tədris ilində universitetin magistraturasını 25 ixtisas, 33 ixtisaslaşma üzrə 298 nəfər magistr bitirir.
Rektor Cəfər Cəfərov çıxışının sonunda bir daha məzun-gəncləri universiteti bitirmələri münasibətilə təbrik edib, onların gələcəkdə müstəqil ölkəmizin hərtərəfli inkişafına öz layiqli töhfələrini verəcəklərinə əminliyini ifadə edərək müvəffəqiyyətlər arzulayıb.
Tədbirdə çıxış edən millət vəkili Aydın Mirzəzadə məzunları universiteti bitirmələri münasibətilə təbrik edərək onlara uğurlar arzulayıb, xalqımıza və dövlətimizə layiqincə xidmət etməyi tövsiyə edib.
Musiqi, təsviri incəsənət, fiziki tərbiyə və çağırışaqədər hazırlıq fakültəsinin məzunu Gülgəz Cəfərzadə məzunlar adından çıxış edərək onlara göstərilən diqqət və qayğıya görə ADPU-nun rəhbərliyinə təşəkkür edib, universitetdə öyrəndikləri bilik və bacarıqların onların gələcək həyatında, peşə karyeralarında mühüm rol oynayacağını vurğulayıb.
Tədbirdə universiteti fərqlənmə diplomu ilə bitirən bakalavrlara və eləcə də magistraturanı fərqlənmə diplomu ilə başa vuran magistrlərə diplomlar təqdim edilib. Eyni zamanda universitetin ictimai-mədəni həyatında fəal iştirak edən, vətəndaş mövqeyi ilə fərqlənən tələbələrə diplomlar və təşəkkürnamə təqdim edilib, həmçinin bədii yaradıcılıq, idman sahələrində uğurlar qazanan tələbə-gənclər haqqında məlumat verilib. Sonra Məzun şarı havaya buraxılıb.
Tədbir məzun-gənclərin hazırladıqları bədii-musiqili kompozisiya və tanınmış incəsənət ustalarının iştirakı ilə konsert proqramı ilə davam edib.

Nigar




 
Bölməyə aid digər xəbərlər
25.09.2018
“ADEX-2018” Azərbaycanın müdafiə sənayesi kompleksinin gücü və qüdrətinin nümayişidir
25.09.2018
Nəsimi rayonunda yeni park istifadəyə verilib
25.09.2018
Yaponiya Zaqatala və Qax rayonlarına təcili tibbi yardım maşınları verib
25.09.2018
“Loqos” psixoloji maarifləndirilmə sahəsində yeni bir fəaliyyətə imza atıb
25.09.2018
Azərbaycana, o cümlədən Naxçıvana gələn turistlərin sayını artırmaq üçün geniş imkanlar var

Şərh əlavə olunmayıb



    ,    
Mehriban Nəsib
Araz Hüseyn
Fuad HÜSEYNZADƏ
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10145

1 Yalnızlıq qorxusu
2 “Vətən uzaqda deyil” telelayihəsi dünya azərbaycanlılarının sevincinə səbəb olub
3 “Azərbaycanda xalq yaradıcılığına maraq artıb”
4 Cəfər Cəfərov: “Hər bir ölkənin gələcəyi yüksək səviyyəli kadrlardan asılıdır”
5 “Türkiyə və Azərbaycanla yaxın münasibətlər quran Rusiya Ermənistanın maraqlarına heç bir məhəl qoymur”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info