CASCFEN Saatlı müəllimləri üçün seminar keçirdi
Tarix: 03.07.2017 | Saat: 17:04:00 | E-mail | Çapa göndər


Orta Asiya və Güney Qafqaz Söz Azadlığı Şəbəkəsi (CASCFEN) “Təhsil işçilərinin media ilə əlaqələrinin optimallaşdırılması” layihəsi çərçivəsində Saatlıdakı 1 saylı məktəbdə seminar keçirib.
Seminarın açılışında çıxış edən CASCFEN sədri Azər Həsrət verdiyi dəstəyə görə, Azərbaycan Respublikasının Prezidenti yanında QHT-lərə Dövlət Dəstəyi Şurasına təşəkkür edib. O, eyni zamanda Saatlı rayon icra hakimiyyətinə və məktəbin kollektivinə təşəkkürünü ifadə edib.
Daha sonra layihə haqqında bilgi verən CASCFEN sədri bildirib ki, Azərbaycanda bir sıra şəxslər mediadan sui-istifadə edir, əsasən də məktəb kollektivlərinə narahatlıq yaradır. Belə olan halda məktəb kollektivləri, onların rəhbərləri media ilə əlaqələrin necə qurulacağını yetərincə bilmir. Bu isə ona səbəb olur ki, jurnalistikadan sui-istifadə edənlər müəllimləri qorxu altında saxlayır.
“Bizim layihəmizin məqsədi odur ki, siz müəllimlər media ilə əlaqələrin necə qurulmasını mənimsəyə biləsiniz. Belə olacağı təqdirdə heç bir “jurnalist” sizi incidə bilməz”, – deyə Azər Həsrət bildirib.
Daha sonra çıxış edən ekspert Sevda Əsgərova iştirakçılara media ilə bağlı qanunvericiliyin bəzi müddəalarını izah edib. Ekspert qeyd edib ki, təhsil işçiləri media qanunvericiliyini yetərincə mənimsəyərsə, jurnalistikadan sui-istifadə edən şəxslər onlara problem yarada bilməz.
“Biz çalışırıq ki, daha çox təhsil işçisi media ilə münasibətlərin qurulmasında qanunların verdiyi imkanlardan xəbərdar olsun. Belə olan halda heç bir “jurnalist” sizin üçün narahatlıq yarada bilməyəcək”, deyə Sevda Əsgərova da qeyd edib.
Tədbirdə çıxış edən CASCFEN sədrinin müavini, “Yeni Azərbaycan” qəzetinin şöbə redaktoru Nadir Azəri də öz növbəsində qeyd edib ki, Azərbaycan mediasının heç bir normal kəsimi təhsil işçilərini şantaj etmir, onların işinə mane olmur.
“Siz müəllimləri incidənlərin hamısı birmənalı olaraq mediadan sui-istifadə edənlərdir. Bu adamların mediaya heç bir dəxli yoxdur. Onların çox zaman ali təhsili belə olmur. Belələri qapıları gəzib adamları şantaj edir, rüşvət alır. Təbii ki, hüquqlarınızı yaxşı biləcəyiniz təqdirdə elə adamlar sizin üçün təhlükə təşkil etməyəcək”, – deyə Nadir Azəri bildirib.
Müəllimlərin fəallığıyla müşayiət edilən tədbirdə bir sıra suallara cavab verilib. İştirakçılar seminardan onlara faydalı ola biləcək xeyli material əldə etdiklərini deyiblər.
Sonda iştirakçılara sertifikatlar təqdim edilib, xatirə şəkli çəkdirilib.
CASCFEN layihə çərçivəsində növbəti seminarlarını Xaçmazda və Bakıda təşkil edəcək.
Mahmud




 
Bölməyə aid digər xəbərlər
17.08.2019
Polisdən dilənçilərlə bağlı xəbərdarlıq
17.08.2019
Bakı Tikiş Evi: Bu il də məktəbli formalarının qiymətlərində heç bir dəyişiklik edilməyib
16.08.2019
DOST mərkəzinə 25 000-ci vətəndaş müraciəti qeydə alınıb
16.08.2019
900-dən çox adam daimi yaşamaq üçün Azərbaycana gəlib
16.08.2019
Azərbaycan vətəndaşlarının vizasız gedə biləcəyi ölkələr

Şərh əlavə olunmayıb

    ,    
Namiq Əliyev
Namiq Əliyev
Namiq Əliyev
Anar MİRİYEV
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10858

1 750 mindən çox vətəndaşın pensiyasında artım olacaq
2 Sabahdan Türkiyə ilə Naxçıvan arasında birbaşa hava dəhlizi açılır
3 “Dövlət dəstəyi olmadan Belarusda Azərbaycan turizminin təbliği ilə bağlı istənilən nəticə əldə olunmaz”
4 Həyata keçirilən sosial paketlər birbaşa əhalinin rifahının yaxşılaşdırılmasına istiqamətlənib
5 Türkiyədən Naxçıvana uçuşlar yeni hava dəhlizi vasitəsilə həyata keçirilir


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info