Skautlar düşərgələrini Qəbələdə qurublar
Tarix: 03.07.2017 | Saat: 20:05:00 | E-mail | Çapa göndər


Qəbələnin Bum qəsəbəsində Azərbaycan Skautlar Assosiasiyası tərəfindən keçirilən “Wonderland Azərbaycan-2017” Beynəlxalq Skaut Düşərgəsinin açılış mərasimi olub. Azərbaycanın müxtəlif bölgələrindən, eyni zamanda, Türkiyə, Misir, Ukrayna, Almaniya və Gürcüstandan 400 nəfərdən çox iştirakçının yer aldığı beynəlxalq tədbirin açılış mərasimində Qəbələ Rayon İcra Hakimiyyətinin və Gənclər və İdman Nazirliyinin nümayəndələri, iştirakçı ölkələri təmsil edən skaut dəstə liderləri iştirak ediblər.
AZƏRTAC xəbər verir ki, açılış mərasimini Azərbaycan Skautlar Assosiasiyasının prezidenti İlyas İsmayıllı açaraq, skaut düşərgələrinin tarixi haqqında məlumat verib, düşərgənin gündəlik proqramı haqqında iştirakçıları və qonaqları məlumatlandırıb.
Tədbirin davamında qonaqların çıxışları dinlənilib. Gənclər və İdman Nazirliyinin sektor müdiri Fuad Babayev bu cür tədbirlərin gəncliyimizin inkişafında önəmini vurğulayıb.
Daha sonra Qəbələ Rayon İcra Hakimiyyəti başçısının müavini Azər Allahverdiyev çıxış edib. Qəbələnin qədim mədəniyyət mərkəzi olduğunu qeyd edən Azər Allahverdiyev belə bir beynəlxalq düşərgəyə ev sahibliyi etdiklərinə görə məmnun olduqlarını bildirib.
Açılış mərasiminin rəsmi hissəsi Azərbaycan Respublikasının dövlət himninin səsləndirilməsi və Azərbaycan Skautlar Assosiyasının, eyni zamanda, iştirakçı ölkələrinin bayraqlarının təntənəli surətdə qaldırılması ilə yekunlaşıb.
Axşam saatlarında isə düşərgə iştirakçıları skautinqin ənənəvi tonqalını alovlandıraraq açılış mərasiminin mədəni proqramını həyata keçiriblər. Mədəni proqramda iştirakçılar tonqal ətrafında özlərinin hazırladıqları xüsusi bədii proqramla çıxış ediblər.
Qeyd edək ki, düşərgə iyulun 9-dək davam edəcək. İştirakçılar peşəkar təlimçilər tərəfindən keçirilən skautinq, intellektul oyunlar, teatr kimi müxtəlif istiqamətli təlimlərə qatılacaqlar.
Mahmud




 
Bölməyə aid digər xəbərlər
18.01.2019
Ağsu dolayları qardan təmizlənsə də, gecə yollar buz bağlaya bilər
18.01.2019
Qərargah: Bakıda küləyin sürəti 43 metr/saniyəyə çatdı
17.01.2019
Ən faydalı on göyərti
17.01.2019
Elektrik enerjisinin verilişində ciddi problem yaranmayıb
17.01.2019
Külək dayanacağın damını uçurub

Şərh əlavə olunmayıb

    ,    
Namiq Əliyev
Namiq Əliyev
Tural Tağıyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10565

1 Ukraynada oxucuların rəğbətini qazanan azərbaycanlı yazıçı
2 Struktur dəyişiklikləri dövlət idarəçiliyinin təkmilləşdirilməsini nəzərdə tutur
3 Dərslər təxirə salındı
4 Hüseyn Babayev AAF-ın vitse-prezidenti təyin edilib
5 Prezident: Sarkisyan rejiminə dəstək verən, göz yuman beynəlxalq təşkilatların da onun törətdiyi cinayətlərdə payı var


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info