Səfir: “Ermənilərin Füzulidəki vəhşiliyi vandalizm və terror aktıdır”
Tarix: 07.07.2017 | Saat: 16:45:00 | E-mail | Çapa göndər


Azərbaycanın Moldovadakı səfiri Qüdsi Osmanov ermənilərin vəhşiliyi nəticəsində Füzuli rayonunun Alxanlı kəndində Sahibə Quliyeva və onun 2 yaşlı nəvəsi Zəhra Quliyevanın qətlə yetirilməsi ilə bağlı xüsusi bəyanatla çıxış edib.

Moldovanın “Tribuna” nəşrinin verdiyi məlumata görə, diplomat ermənilərin dinc sakinləri atəşə tutmasını vandalizm və terror aktı adlandırıb:

“Müasir dünyada dinc mülki əhalinin maraqlarını və hüquqlarını qoruyan beynəlxalq hüquq normaları insan haqlarının və fundamental azadlıqların müdafiəsinin əsasını təşkil edir. Bütün sivil dünya insan haqlarını müdafiə edən normaların və qanunların təkmilləşdirilməsi ilə məşğul olduğu halda, cinayətkar erməni dövləti dinc Azərbaycan əhalisinə qarşı məqsədyönlü təcavüzü davam etdirir. 25 il əvvəl Xocalıda olduğu kimi erməni təcavüzkarlarının qurbanları qadınlar və uşaqlar olur. İyulun 4-də erməni silahlı qüvvələri tərəfindən Azərbaycanın Füzuli rayonunun Alxanlı kəndinin dinc əhalisi və mülki obyektləri atəşə tutulub, nəticədə qadın və iki yaşlı uşaq ölüb. Buna vandalizm və terror aktından başqa ad vermək olmaz. Və bu daim baş verir. Ötən ilin aprelində Ermənistan və Azərbaycan silahlı qüvvələrinin təmas xəttində yerləşən kəndlərin dinc mülki azərbaycanlı sakinləri Azərbaycanın işğal olunmuş ərazilərində yerləşən Ermənistan silahlı qüvvələri tərəfindən güclü atəşə tutulub. Dünya ictimaiyyəti diqqət yetirməlidir ki, beynəlxalq təşkilatların gündəliyinə tarixi, hüquqi və mənəvi əsası olmayan “soyqırımı” daxil etməyə çalışan Ermənistan bu gün bütün dünyanın gözü qarşısında əsas insan haqları və azadlıqlarına qəsd edir, məqsədli şəkildə dinc vətəndaşları və uşaqları məhv edir. Dünya birliyinin diqqətinə Ermənistanın cinayətkar hərəkətləri barədə həqiqəti çatdıran beynəlxalq ekspertlər, politoloqlar, siyasətçilər, deputatlar və hüquq müdafiəçiləri bütün dünyada siyasiləşmiş erməni diasporu tərəfindən hücum və təqiblərə məruz qalır. Belə nümunələrdən biri Moldova ombudsmanı Aureliya Qriqoriudur. O, mərdlik və şücaət nümayiş etdirərək Ermənistan parlamentində çıxışı zamanı Ermənistanın Qarabağa qarşı hərəkətlərini 25 ildən çox davam edən təcavüz, Azərbaycan ərazisinin 20 faizinin işğalı adlandırıb və bəyan edib ki, bu addımlar beynəlxalq hüquqa ziddir.

Dünya ictimaiyyəti beynəlxalq hüquq normaları və prinsipləri, beynəlxalq təşkilatların qərar və qətnamələrinə əsaslanaraq Ermənistan hakimiyyətini erməni silahlı qüvvələrini Azərbaycanın işğal olunmuş ərazilərindən çıxarmağa məcbur etməyənədək, mülki əhali risk altında və erməni cinayətkarların, təcavüzkarların hədəfində olacaq, onların hərəkətləri isə o cümlədən uşaqların qətli davam edəcək”.
Tural




 
Bölməyə aid digər xəbərlər
25.05.2019
Erməni ordusuna ayrılan sabunlar Gümrüdəki bazarda satılır
24.05.2019
ABŞ-ın Türkiyəyə C-400 və sanksiya hədəsində FETO izi
24.05.2019
“Daşnaksütyun“ Paşinyanın istefasını tələb edəcək
24.05.2019
Çinin xarici işlər naziri ilk dəfə Gürcüstana səfərə gəlib
23.05.2019
Ermənilərin 45 faizi işsizliyi əsas problem hesab edirlər

Şərh əlavə olunmayıb

    ,    
Namiq Əliyev
Fuad HÜSEYNZADƏ
Esmira Məmmədova
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10787

1 Üç müharibə iştirakçısı olan general-mayor
2 Oqtay Zülfüqarovun uşaq mahnıları müasir aranjemanda səslənəcək
3 “İrəvan quberniyasına aid arxiv materiallarını oxuduqca hiss edirsən ki, buralar döğma torpaqlardır”
4 …Hər sözdə vətən axtaran soydaşımız
5 Özbəkistan Respublikasının Prezidenti Şavkat Mirziyoyevdən


© Copyright 1999-2019 "Palitra" müstəqil ictimai-siyasi qəzet
Azərbaycan, Bakı ş. Xətai rayonu, M.Mehdizadə-5, giriş 2
Tel/Fax.: (+99412) 489 08 53
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info