Türkiyənin Avrasiya Araşdırmalar Mərkəzi: “Ermənistan insanlıq əleyhinə cinayət törədib”
Tarix: 07.07.2017 | Saat: 18:01:00 | E-mail | Çapa göndər


Türkiyənin Avrasiya Araşdırmalar Mərkəzi Ermənistan silahlı qüvvələrinin Azərbaycanın mülki əhalisini qətlə yetirməsi ilə bağlı bəyanat yayıb.
Bəyanatda deyilir:
“Ermənistan Azərbaycanın ərazisinin təxminən beşdəbirini təşkil edən Dağlıq Qarabağ bölgəsini və ətrafındakı yeddi rayonu iyirmi ildən yuxarıdır ki, işğal altında saxlayır. Beynəlxalq hüququn aşkar şəkildə pozulmasına Avrasiya Araşdırmalar Mərkəzinin bülletenlərində bir neçə dəfə münasibət bildirilib. Ermənistan işğalı möhkəmləndirmək məqsədilə uzun müddətdir təcavüzkar mövqeyini davam etdirir, münaqişənin beynəlxalq hüquq normaları çərçivəsində həllinə, regionda sülhün və sabitliyin təmin edilməsinə mane olmaqdadır. Ermənistan bununla kifayətlənməyib regionda insani dəyərlərə zidd saysız-hesabsız haqsız fəaliyyətinə hər gün yenisini əlavə edir. İyulun 4-də Ermənistan silahlı qüvvələrinin törədikləri hadisə bunun bariz nümunəsidir.
Məlum olduğu kimi, iyulun 4-də axşam saatlarında Azərbaycanın Füzuli rayonunun Alxanlı kəndi Ermənistan ordusu tərəfindən mina və qumbaraatanlarla atəşə tutulub. Törədilən bu təxribat nəticəsində nənə və nəvə həyatlarını itiriblər.
İnsanlıq əleyhinə törədilən bu cinayət Ermənistanın işğalçılıq siyasətinin aradan qaldırılmasının vaxtının çatdığını və münaqişənin Azərbaycanın ərazi bütövlüyü çərçivəsində tezliklə həll olunmasının vacibliyini yenidən gündəmə gətirib. Ermənistanın işğalına və insanlıq əleyhinə törətdiyi cinayətə son qoyulması üçün fəaliyyət göstərən, ancaq Ermənistanın mövcud münaqişəni dondurmaq üçün etdiyi cəhdlərə qarşı heç bir təzyiq göstərməyərək vaxt itirən ATƏT-in Minsk qrupunun qəflət yuxusundan oyanmasını və problemin ədalətli və davamlı həlli üçün qətiyyətli addımlar atmasını tələb edirik”.
Tural




 
Bölməyə aid digər xəbərlər
20.11.2018
Belarus səfəri Ermənistanda böyük rezonans doğurub
20.11.2018
Moldova prezident idarəçiliyinə qayıtmaq istəyir
20.11.2018
Gürcüstanda 150-dən çox sabiq vəzifəli şəxsə qarşı cinayət işi açıldı
19.11.2018
Avropa İttifaqı vahid kəşfiyyat mərkəzi yaradır
19.11.2018
İranda bahalaşma davam edir

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10507

1 Davamli dil siyasəti dövlətin əsas prioritet istiqaməti kimi
2 “Tələbə Baharı-2018”-in mükafatçısı: “Hər gün xalq mahnılarımızı dinləyirəm”
3 Şervin Nəcəfpur: “Norveçdə doğulub boya-başa çatsam da, Vətən uzaqda deyil”
4 Almaniyada Naxçıvanla bağlı broşürlər paylanılıb
5 Rufiz Qonaqov: Bako Saakyanın Fransaya qanunsuz səfəri Minsk qrupunun həmsədri olan bu ölkə üçün qara ləkədir


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info