“The Washington Times” Ermənistanın mülki əhaliyə hücumundan yazıb
Tarix: 07.07.2017 | Saat: 18:43:00 | E-mail | Çapa göndər


“The Washington Times” qəzetində Beqin-Sadat Strateji Araşdırmalar Mərkəzinin eksperti Aleksandr Murinsonun “Ermənistanın dinc azərbaycanlı əhaliyə hücumu” sərlövhəli məqaləsi dərc edilib. Məqalədə Azərbaycanın işğal edilmiş ərazilərindəki erməni hərbi hissələri tərəfindən Füzuli rayonunun Alxanlı kəndinin atəşə tutulması nəticəsində Sahibə Allahverdiyeva və Zəhra Quliyevanın həlak olmasından danışılır.
Müəllif yazır ki, ABŞ-ın Müstəqillik Günündə amerikalılar hər yerdə atəşfəşanlıq etdikləri kimi, erməni hərbçiləri də Azərbaycanın işğal edilmiş Dağlıq Qarabağ regionunda günahsız mülki şəxslərə qarşı “öz partlayıcı vasitələrindən” istifadə ediblər. Avropa Parlamentinin Azərbaycan üzrə məruzəçisi Norika Nikolai və Avropa Parlamentinin vitse-prezidenti Rişard Çarnetski birgə bəyanatlarında vurğulayıblar ki, “mülki şəxslərin, qadın və uşaqların kütləvi şəkildə qətlə yetirilməsi istənilən halda yolverilməzdir və dərhal dayandırılmalıdır. Müəyyən olunub ki, bu qətl Ermənistan silahlı qüvvələrinin minomyot və qumbaraatanlardan istifadə etməklə Füzuli rayonunun Alxanlı kəndində əliyalın mülki azərbaycanlı şəxslərə hücumu nəticəsində baş verib”.
Demək olar ki, hər gün erməni hərbçiləri minomyot və snayperlərdən istifadə edərək Azərbaycanı onun işğal edilmiş Dağlıq Qarabağ regionundan ayıran demarkasiya xətti – təmas xətti boyunca mülki şəxsləri mütəmadi atəşə tutur. İyulun 4-də baş vermiş insident Ermənistanın Azərbaycanda cavab reaksiyası doğurmaq məqsədilə mülki obyektlərə hücumu əhatə edən yeni hərbi doktrinasına dəlalət edir ki, sonradan onu təcavüzkar adlandırsın. Azərbaycan Ordusunun zəbt olunmuş torpaqların müəyyən hissəsini azad etməsi ilə nəticələnən 2016-cı ilin aprel toqquşmasından danışan Murinson yazır ki, hərbi əməliyyatlar zamanı Azərbaycan hərbçiləri ən yeni silahlardan istifadə ediblər. Komandanlıq və idarəçilik sistemi, silahlı qüvvələr açıq-aşkar çox yaxşı hazırlıqlı idi və onlar erməni hərbçilərindən xeyli peşəkarcasına fəaliyyət göstəriblər. Cavab zərbəsi endirməyə məcbur olan Azərbaycan erməni ordusunu darmadağın edib, strateji yüksəklikləri və ərazinin bir hissəsini azad edib.
Alxanlı kəndinin atəşə tutulmasından danışan müəllif yazır ki, erməni hərbçiləri Azərbaycan mövqelərinə, tanklarına və qoşunlarına hücum etməkdən açıq-aşkar çəkiniblər. Bunun əvəzinə, Azərbaycanın Alxanlı kəndi 82 və 120 millimetrlik minomyotlardan və ağır qumbaraatanlardan atəşə tutulub. İkiyaşlı Zəhra və nənəsi Sahibə Allahverdiyeva həlak olub, daha bir sakin yaralanıb.
Məqalənin sonunda Murinson qeyd edir ki, Tramp Administrasiyasının Azərbaycana diplomatik, hərbi və siyasi dəstəyi Vaşinqtonun marağındadır, xüsusən ona görə ki, bu ölkə ABŞ-ın ən səmimi, stabil və etibarlı dostlarından biridir.
Tural




 
Bölməyə aid digər xəbərlər
14.11.2018
İraqın şimalında 19 terrorçu zərərsizləşdirilib
14.11.2018
Jan-Klod Yunkerin xələfi olmağa ən şanslı namizəd kimdir?
13.11.2018
Tramp Makronu hədəfə aldı: “ABŞ gəlməsəydi artıq Parisdə almanca öyrənməyə başlamışdınız”
13.11.2018
Litvada prezident seçkiləri kampaniyası başlanıb
13.11.2018
Hillari Klinton 2020-ci ildə ABŞ prezidentliyinə namizədliyini irəli sürə bilər

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10462

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info