Ə.Qarayev: “Son dövrlər İran mətbuatında Azərbaycanla bağlı geniş məlumatlar yer alır”
Tarix: 11.07.2017 | Saat: 17:08:00 | E-mail | Çapa göndər


Mədəniyyət və turizm naziri Əbülfəs Qarayev İran İslam Respublikası mədəniyyət və islami irşad nazirinin mətbuat işləri üzrə müavini Hüseyn Entezaminin başçılıq etdiyi nümayəndə heyəti ilə görüşüb.
Nazirlikdən bildirilib ki, Əbülfəs Qarayev qonaqlara İranda keçirilən Azərbaycan mədəniyyəti günlərinin təşkilindən razılığını ifadə edib. Vurğulayıb ki, bu səfər iki ölkə arasında əməkdaşlığın inkişafına müsbət təsir göstərəcək.
Nazir diqqətə çatdırıb ki, son dövrlər İran mətbuatında Azərbaycanla bağlı geniş məlumatlar yer alır: “Son günlərdə cəbhə bölgəsində Ermənistan ordusunun mülki vətəndaşlarımızı qətlə yetirməsi ilə bağlı İran mətbuatının Azərbaycana dəstək olmasını yüksək dəyərləndiririk”.
İranda keçirilən Azərbaycan mədəniyyəti günləri çərçivəsində görüşlərini xatırladan nazir bu əməkdaşlığın ikitərəfli əlaqələrin daha da inkişafına kömək edəcəyini bildirib. Ə.Qarayev Novruz bayramı və lavaşın müştərək olaraq UNESCO-nun Qeyri-Maddi Mədəni İrs üzrə Reprezentativ Siyahısına daxil edildiyini diqqətə çatdıraraq deyib: “Ölkələrimiz arasında əməkdaşlıq əlaqələri dostluğun simvoludur. Ölkə rəhbərlərimiz son 4 ildə 8 dəfə rəsmi şəkildə görüşüblərsə, biz də bu münasibətlərə töhfəmizi verməli, əməkdaşlıq sahəsində daha səmərəli fəaliyyət göstərməliyik”.
Daha sonra nazir İranda Azərbaycan mədəniyyəti günlərinin yüksək səviyyədə təşkilinə görə nümayəndə heyətinin rəhbərinə təşəkkür məktubu təqdim edib. İki ölkə arasında mətbuat sahəsində bundan sonra da səmərəli fəaliyyətə ümidvar olduğunu vurğulayıb.
İran nümayəndə heyətinin rəhbəri Hüseyn Entezami dini və mədəni bağlılığı olan iki ölkənin mədəniyyət və turizm sahələrində əməkdaşlığının vacibliyini vurğulayıb. Onun sözlərinə görə, bu prosesdə mətbuat nümayəndələri də yaxından iştirak etməli, iki ölkənin KİV-ləri arasında infoturlar təşkil olunmalıdır.
Səfərinin məqsədinin İran və Azərbaycan mediası arasında əlaqələrin gücləndirilməsi olduğunu deyən qonaq mədəni diplomatiyanın ölkələr arasında xüsusi əhəmiyyətini vurğulayıb.
Görüş zamanı Azərbaycan və İran arasında mədəniyyət, turizm və mətbuat sahəsində əməkdaşlıq və digər məsələlər barədə fikir mübadiləsi aparılıb.

Nigar




 
Bölməyə aid digər xəbərlər
13.11.2018
“Bakcell”in dəstəyi ilə keçirilmiş M.A.P. Festivalı teatr həvəskarlarına unudulmaz təəssüratlar bəxş edib
13.11.2018
Gömrük əməkdaşları üçün seminar təşkil edilib
13.11.2018
“Dini radikalizmi doğuran əsas səbəblərdən biri İslam haqqında biliklərin az olmasıdır“
13.11.2018
“Nərimanov“ elektrik deposunda qatarlara texniki baxış sahəsi yenidən qurulur
13.11.2018
1100-dək kiçik ailə təsərrüfatı yaradılıb

Şərh əlavə olunmayıb



    ,    
Namiq Əliyev
Tural Tağıyev
Namiq Əliyev
Namiq Əliyev
Hansı dövlətləri Azərbaycana dost hesab edirsiniz?
Türkiyə
Rusiya
ABŞ
Almaniya
Fransa
İngiltərə
Gürcüstan
Ukrayna
Belorusiya
İran
Çin

  Nəticələr!    İştirak edənlər: 10461

1 İncəsənət dünyaya sülh gətirir
2 İsveçdə Skandinaviya Azərbaycanlılarının Koordinasiya Şurası yaradılıb
3 “Universitetlərdə rəhbər şəxslərin qapıları tələbələr üçün daim açıq olur”
4 Polşalı şagirdlər Azərbaycan nağıllarına illüsturasiyalar çəkiblər
5 “2019-cu ildə əmək haqları və pensiyalar artacaq”


© Copyright 1999-2013 "Palitra" müstəqil ictimai-siyasi qəzet
Azərbaycan, Bakı ş. Sahib Zeynalov 15/31
Tel/Fax.: 441-39-97, Tel: 449-55-46
Müəllif hüquqları qorunur. Məlumatdan istifadə etdikdə istinad mütləqdir. Məlumat internet səhifələrində istifadə edildikdə müvafiq keçidin qoyulması mütləqdir. Designed by inetlab.info